မီႉၶႃႇ ၵႂၢမ်းၼမ်း
ၵႂၢမ်းၼမ်း
ပရေႃးၽႅတ်ႈမီႉၶႃႇၸိုင်၊ ဢသၢၵ်ႈလိပ်း ၼႂ်းၸူဝ်ႈပၢၼ် မိူဝ်ႈၶိင်ႇယၢမ်းလဵဝ်ၵၼ်တင်း ပရေႃးၽႅတ်ႈဢီႉသႃႇယႃႉလႄႈ ပဵၼ်ၵေႃႉဢၼ်ယူႇ တီႈဝဵင်းလဵၵ်ႉဝဵင်းဢွၼ်ႇ မိူင်းယူႉတႃႉၽၢႆႇဢၼ်ပဵၼ် သိုင်ႇၸိုင်ႈဝၢၼ်ႈမိူင်း ၽၢႆႇတၢင်းၸၢၼ်းဢေႃႈ။ ပရေႃးၽႅတ်ႈဢႃႇမူတ်ႉႁေႃးလၢတ်ႈထႃႈဝႆႉ ၵႃႈတီႈသိုင်ႇၸိုင်ႈဝၢၼ်ႈမိူင်း ၽၢႆႇတၢင်းႁွင်ႇ၊ လွင်ႈဢၼ်ၽြႃးပဵၼ်ၸဝ်ႈ တၵ်းၸီႇယၢင်ႇပၼ်တၢမ်ႇ ၵႃႈတီႈၵူၼ်းတင်းလၢႆ ၵွပ်ႈပိူဝ်ႈဢၼ်ၶဝ် ႁဵတ်းတၢင်းဢၼ်ဢမ်ႇတြႃး ၼၼ်ႉဢေႃႈ။ မိူၼ်ၼင်ႇၼၼ် ပရေႃးၽႅတ်ႈမီႉၶႃႇယုမ်ႇယမ်ႁပ်ႉတုင်းလႄႈဝႃႈ၊ ၽြႃးပဵၼ်ၸဝ်ႈ တၵ်းႁႂ်ႈတၢင်းဢၼ် ၸီႇယၢင်ႇပၼ်တၢမ်ႇၼၼ်ႉ တူၵ်းႁွတ်ႈထိုင်ၵႃႈၼိူဝ်မိူင်းယူႉတႃႉဢေႃႈ။ ၶေႃႈၵႂၢမ်း ပရေႃးၽႅတ်ႈမီႉၶႃႇၼၼ်ႉ ယဵင်ႈၶႅၼ်းပႃးလွင်ႈဢၼ်ပဵၼ် လၢၵ်ႈၶၼႃႇ ဢၼ်လီမုင်ႈမွင်း ပုၼ်ႈမိူဝ်းၼႃႈၼၼ်ႉ သၢင်းလၢင်းပွင်ႇလႅင်းလီဢေႃႈ။
ၶေႃႈဢၼ် ထိူၵ်ႈၵႃႈထိူၵ်ႈၶၼ် ဢၼ်လီမၢတ်ႈတွင်းဝႆႉၼၼ်ႉ ပဵၼ်လွင်ႈဢၼ် ၵႃႈမီးတင်းသဵင်ႈ တၵ်းလႆႈၼိမ်လီ ၵတ်းယဵၼ်ၵႃႈတႂ်ႈႁူမ်ႈၽြႃးပဵၼ်ၸဝ်ႈ၊ (4:1-4) တၢင်းဢၼ် ႁေႃးထႃႈဝႆႉ လွင်ႈၶုၼ်ႁေႃၶမ်း ဢၼ်ယႂ်ႇမျၢတ်ႈ ဢၼ်တေပေႃႇမႃး တီႈၶိူဝ်းႁိူၼ်းၶုၼ်ႁေႃၶမ်းတႃႇဝိတ်ႈတၵ်းပႃးတၢင်းၼိမ်လႄႈ ဢုပ်ႉပိူင်ႇဝၢၼ်ႈမိူင်းၼၼ်ႉဢေႃႈ။ (5:2-4) ၶေႃႈၵႂၢမ်းဢၼ်ၶျုၵ်ႈဝႆႉ ၵႃႈမီးၼၼ်ႉ မီးၵႃႈၼႂ်း (6:8) လွင်ႈဢၼ်ပရေႃးၽႅတ်ႈမိူင်းဢီႉသရေႇလႃႉတင်းလၢႆ ႁေႃးလၢတ်ႈၼၼ်ႉၸမ်ႉ၊ “မၼ်းၸဝ်ႈၼႄပျႃး လွင်ႈတၢင်းဢၼ်လီ ဢၼ်ငၢမ်းတီႈမႂ်းယဝ်ႉယဝ်ႉ။ ၼွၵ်ႈသေတၢင်းဢၼ် ႁဵတ်းၸွမ်းၼင်ႇတြႃး၊ တၢင်းဢၼ် မီးၸႂ်ၵရူႉၼႃႇ၊ တၢင်းဢၼ် မီးၸႂ်ဢၼ် ၶျႃးတႅမ်ႇသေလႄႈ ၵႂႃႇမႃးယူႇၵႃႈတီႈ ၽၢႆႇၼႃႈၽြႃးပဵၼ်ၸဝ်ႈမႂ်းၼၼ်ႉ၊ ထႃႇဝရႃႉၽြႃးယင်းယွၼ်းဢဝ် ၵႃႈသင်တီႈမႂ်းလူးၵွၼ်ႇ၊” ဝႃႈၼင်ႇၼႆၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
တၢင်းဢၼ်ၸီႇယၢင်ႇၵူၼ်းမဵဝ်းယူႉတႃႉဢိၵ်ႇတင်းၵူၼ်းမဵဝ်းဢီႉသရေႇလႃႉ 1:1-3:12
တၢင်းဢၼ်ၶိုၼ်းမႄးႁဵတ်းမႂ်ႇလႄႈႁႂ်ႈမီးတၢင်းၼိမ် 4:1-5:15
ပျႃႇတိၵ်ႈလွင်ႈတၢင်းဢၼ်ပၼ်သတီႉလႄႈတၢင်းမုင်ႈမွင်း 6:1-7:20
Currently Selected:
မီႉၶႃႇ ၵႂၢမ်းၼမ်း: CBMS
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship