တၢၼ်ႇယေႇလႃႉ ၵႂၢမ်းၼမ်း
ၵႂၢမ်းၼမ်း
ၵျၢမ်းဢၼႃႇၵၢတ်ႈတီႉတၢၼ်ႇယေႇလႃႉၼႆႉ တႅမ်ႈမိူဝ်ႈၶိင်ႇၵႃႇလႃႉဢၼ်ၵူၼ်းမဵဝ်းယူႉတႃႉၶဝ် လႆႈၶၢမ်ႇတုၵ်ႉၶႃႉႁႅင်းယႂ်ႇၼႃႇၵႃႈတီႈတႂ်ႈမိုဝ်းၶုၼ်ႁေႃၶမ်းၵူၼ်းတၢင်ႇၸိူဝ်ႉတၢင်ႇၶိူဝ်းၶဝ် တဵၵ်းငႅၼ်းၼိၵ်ႈၸၢၵ်ႈၼၼ်ႉဢေႃႈ။ ၵူၼ်းၵေႃႉဢၼ်တႅမ်ႈၵျၢမ်းၼႆႉၼၼ်ႉ ဢဝ်တင်းပိုၼ်းလႂ်၊ဢိၵ်ႇတင်းပျႃႇတိၵ်ႈတၢင်းၼွၼ်းၽၼ်ႁၼ်လႂ် လႄႈ တိုၵ်းယူင်းပၼ်ဢဵၼ်ပၼ်ႁႅင်းတီႈၵူၼ်း ၼႂ်းၸူဝ်ႈၼႂ်းပၢၼ်မၼ်း ႁႂ်ႈၶဝ်မီးတၢင်းဢၼ်မုင်ႈထႃႈမွင်းထႃႈလွင်ႈဢၼ်ၽြႃးပဵၼ်ၸဝ်ႈ တၵ်းတိုတ်ႉၸၼ်ဢႃႇၼႃႇၶုၼ်ဢၼ်ဢမ်ႇတြႃးၼၼ်ႉလူင်းသေလႄႈ ပွင်ႁဵတ်းမႄးႁဵတ်းတၢင်းဢၼ်ၽြႃးပဵၼ်ၸဝ်ႈတၵ်းဢုပ်ႉပိူင်ႇၵူၼ်းမၼ်းၸဝ်ႈ ၼၼ်ႉဢေႃႈ။
ၵျၢမ်းၼႆႉ မီးလွင်ႈလူင်မၼ်းသွင်တွၼ်ႈဢေႃႈ။ တွၼ်ႈ (1) ၼၼ်ႉပဵၼ်ပိုၼ်းလွင်ႈတၢၼ်ႇယေႇလႃႉတင်းၵေႃႉသေႈမၼ်းၵမ်ႈၽွင်ႈၼၼ်ႉ ၵွပ်ႈပိူဝ်ႈၶဝ်ယုမ်ႇမၢတ်ႈဢိင်ပိုင်ႈၽြႃးပဵၼ်ၸဝ်ႈ၊ ထွမ်ႇဢဝ်ၵႂၢမ်းမၼ်းၸဝ်ႈၼၼ်ႉလႄႈ ၶဝ်လႆႈပႄႉၼႅင်ႇရၢၼ်ႇသူႇၶဝ်ၸိူဝ်းၼၼ်ႉၼၼ်ႉဢေႃႈ။ ပိုၼ်းၼႆႉပဵၼ်လွင်ႈတၢင်းဢၼ်ပဵၼ်ၼႂ်းၸူဝ်ႈပၢၼ် ၶုၼ်ႁေႃၶမ်းမိူင်းပႃႇပူႉလုၼ်ႇတင်းၶုၼ်ႁေႃၶမ်းမိူင်းပေႇရသီႉၼၼ်ႉဢေႃႈ။ တွၼ်ႈ (2) ပဵၼ်ၼီႉမိၵ်ႈလၢၵ်ႈၶၼႃႇတၢၼ်ႇယေႇလႃႉၼႂ်းတၢင်းဢၼ်ၼွၼ်းၽၼ်ႁၼ်၊ ဢၼ်ၽေႃႇပျႃးၼႄလွင်ႈၶုၼ်ႁေႃၶမ်းသိုပ်ႇၼိုင်ႈလႄႈသိုပ်ႇၼိုင်ႈၶိုၼ်ႈယႂ်ႇသေယဝ်ႉ၊ ဝၢႆးလိုၼ်းသမ်ႉလႆႈတူၵ်းတႅမ်ႇၵႂႃႇဢေႃႈ။ တၢင်းဢၼ်ၶုၼ်ႁေႃၶမ်းတၢင်ႇၸိူဝ်ႉတၢင်ႇၶိူဝ်း တဵၵ်းငႅၼ်းၼိၵ်ႈၸၢၵ်ႈၵူၼ်းၽြႃးပဵၼ်ၸဝ်ႈၼၼ်ႉ တေထၢတ်ႇယဵၼ်သေယဝ်ႉ၊ ၵူၼ်းၽြႃးပဵၼ်ၸဝ်ႈတၵ်းၶိုၼ်းပႄႉၼႅင်ႇ ၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
တၢၼ်ႇယေႇလႃႉတင်းၵေႃႉသေႈမၼ်းတင်းလၢႆ 1:1-6:28
ပျႃႇတိၵ်ႈရူႇပႃႇရူင်ႇတၢၼ်ႇယေႇလႃႉ 7:1-11:45
ၵ) တူဝ်ထိူၼ်ႇသီႇတူဝ် 7:1-28
ၶ) သူဝ်းပေႃႈတင်းပႄႉ 8:1-9:27
င) တမၢၼ်ႇလုၵ်ႉတီႈၵၢင်ႁၢဝ်လူင်းမႃး 10:1-11:45
ၸ) ၶိင်ႇၵႃႇလႃႉတီႈသုတ်း 12:1-13
Currently Selected:
တၢၼ်ႇယေႇလႃႉ ၵႂၢမ်းၼမ်း: CBMS
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship