ၵေႃးလေႃးသေး ၵႂၢမ်းၼမ်း
ၵႂၢမ်းၼမ်း
လိၵ်ႈတြႃးပုၼ်ႈၵူၼ်းဝဵင်းၵေႃးလေႃးသေးဢၼ်တမၢၼ်ႇၸဝ်ႈပေႃးလူႉတႅမ်ႈမိူဝ်ႈပီႊၸဝ်ႈၶရိၸ်ႈ၊60 (A.D. 60) ၽွင်းယၢမ်းဢၼ်မၼ်းလႆႈတူၵ်းထွင်ႇယူႇၵႃႈၼႂ်းဝဵင်းရူဝ်းမႃႉဢေႃႈ။ တႅမ်ႈပီႊဢွၼ်တၢင်းဢိင်ႇသၼ်ႇလူင်ၼၼ်ႉဢေႃႈ။ ၵွပ်ႈပိူဝ်ႈၵႃႈၼႂ်းလိၵ်ႈတြႃးၼႆႉဢမ်ႇလႆႈလၢတ်ႈလွင်ႈဢိင်ႇသၼ်ႇလူင်ဢၼ်ပဵၼ်မႃးလႄႈႁဵတ်းႁႂ်ႈၵူၼ်းဝဵင်းၵေႃးလေႃးသေးလႆႈထူပ်းၺႃးတၢင်းဢၼ်လူႉလႅဝ်လူႉသုမ်းဢၼ်ယႂ်ႇၼႃႇလူင်လၢင်ၼၼ်ႉဢေႃႈ။ မၼ်းၸင်ႇပၼ်လိၵ်ႈတြႃးၼႆႉၵႂႃႇတီႈၸိူဝ်းၸဝ်ႈဢၼ်မီးၼႂ်းဝဵင်းၵေႃးလေႃးသေးဝဵင်းဢၼ်မီးၼႂ်းမိူင်းဢႃႇသျမ်းၼႃးလႄႈမီးၽၢႆႇဝၼ်းဢွၵ်ႇဝဵင်းဢေးၽႅတ်ႈၼၼ်ႉဢေႃႈ။ ၸိူဝ်းၸဝ်ႈၸိူဝ်းၼႆႉ၊တမၢၼ်ႇၸဝ်ႈပေႃးလူႉဢမ်ႇလႆႈတႄႇတင်ႈဝႆႉသေၵေႃႈ၊မၼ်းယူႇၵႃႈၼႂ်းဢိူင်ႇဢၼ်တမၢၼ်ႇၸဝ်ႈပေႃးလူႉတူၵ်းပုၼ်ႈၽွၼ်းၵွပ်ႈပိူဝ်ႈဢၼ်မၼ်းလႆႈပွႆႇၸႂ်ႉၵူၼ်းၵႂႃႇပွင်ထၢမ်းၵၢၼ်ၵႃႈတီႈၼၼ်ႈဢေႃႈ။ တမၢၼ်ႇၸဝ်ႈပေႃးလူႉလႆႈႁူႉဝႃႈ၊ၵႃႈတီႈၼၼ်ႈမီးတမၢၼ်ႇၸဝ်ႈဢၼ်သွၼ်ၽိတ်းသွၼ်ပိူင်ႈတင်းလၢႆ၊ဢၼ်သင်ႇသွၼ်ႁႂ်ႈၶဝ်ဝႆႈ၊ “ၶုၼ်ၽီဢၼ်ဢုပ်ႉပိူင်ႇၽႃႉၵၢင်ႁၢဝ်၊ဢိၵ်ႇတင်းဢႃႇၼႃႇၸၢၵ်ႈတင်းလၢႆ၊” ပုၼ်ႈလွင်ႈၼင်ႇႁိုဝ်တေလႆႈႁူႉလွင်ႈၽြႃးပဵၼ်ၸဝ်ႈ၊ဢိၵ်ႇတင်းႁႂ်ႈလႆႈတၢင်းဢၼ်ၵႄႇၶျွတ်ႈဢဝ်၊ ဝႃႈၼင်ႇၼႆၼၼ်ႉဢေႃႈ။ ၼႆႉၵူၺ်းဢမ်ႇၵႃး၊တမၢၼ်ႇၸဝ်ႈဢၼ်သွၼ်ၽိတ်းၸိူဝ်းၼၼ်ႉ၊ယင်းသွၼ်ပၼ်ႁႂ်ႈၶဝ်ၵမ်ၵျၢင်ႉၸွမ်းထုင်းတြႃးဢၼ်ဝႃႈ၊တၢင်းဢၼ်ၶၢမ်ႇဢဝ်မင်ႇၵလႃႇထိူဝ်ႁိမ်းတၢင်းဢၼ်ၵမ်တၢင်းၵိၼ်မဵဝ်းၼၼ်ႉမဵဝ်းၼႆႉထႅင်ႈလူးၵွၼ်ႇဢေႃႈ။
တမၢၼ်ႇၸဝ်ႈပေႃးလူႉဢဝ်တင်းတြႃးၶရိၸ်ႈယၢၼ်ႇဢၼ်ၸႅတ်ႈၸႅတ်ႈၼၼ်ႉသေလႄႈသၢၼ်ၶတ်းတြႃးဢၼ်သွၼ်ၽိတ်းသွၼ်ပိူင်ႈၼၼ်ႉဢေႃႈ။ ၵႂၢမ်းႁူဝ်ႁုပ်ႈတြႃးတမၢၼ်ႇၸဝ်ႈပေႃးလူႉၸမ်ႉ၊ၸဝ်ႈယေႇသူႉၶရိၸ်ႈပဵၼ်ၸဝ်ႈဢၼ်မီးဢၶႂၢင်ႉပၼ်တၢင်းဢၼ်ၵႄႇၶျွတ်ႈလႄႈတြႃးတၢင်ႇမဵဝ်းတင်းတၢင်းၵမ်တၢင်းၵျၢင်ႉတၢင်ႇမဵဝ်းၸိူဝ်းၼၼ်ႉ၊ႁဵတ်းႁႂ်ႈၵႆၵၼ်တင်းမၼ်းၸဝ်ႈဢေႃႈ။ ၵွပ်ႈလူၺ်ႈၸဝ်ႈၶရိၸ်ႈ၊လႄႈ ၽြႃးပဵၼ်ၸဝ်ႈၽၢၼ်ႇသၢင်းလေႃးၵႃႉယဝ်ႉလႄႈၵွပ်ႈလူၺ်ႈၸဝ်ႈၶရိၸ်ႈ၊ၼၼ်ႉ၊မၼ်းၸဝ်ႈသိမ်းဢဝ်ၵႃႈမီးတင်းသဵင်ႈတင်းလူင်ၶိုၼ်းၸူးတီႈမၼ်းၸဝ်ႈဢေႃႈ။ လွင်ႈတၢင်းဢၼ်ထုၵ်ႇၵၼ်တင်းၸဝ်ႈၶရိၸ်ႈ၊ၼၼ်ႉမီးမဵဝ်းလဵဝ်ၵူၺ်းႁႂ်ႈမုင်ႈထႃႈမွင်းထႃႈတြႃးတၢင်းဢၼ်ၵႄႇၶျွတ်ႈဢဝ်လေႃးၵႃႉၼႆႉဢေႃႈ။
ႁဝ်းလီၶုၵ်းၸႂ်လႆႈလွင်ႈဢၼ်တူႉၶႅၵ်ႉဢၼ်ပႃးဢဝ်လိၵ်ႈတမၢၼ်ႇၸဝ်ႈပေႃးလူႉၵႂႃႇတီႈဝဵင်းၵေႃးလေႃးသေးၼႆႉမီးၵေႃႉၼိုင်ႈၵႂႃႇၸွမ်းမၼ်း၊ၵေႃႉၼၼ်ႉပဵၼ်ဢေႃးၼေႇသိမ်ႇဢၼ်ပဵၼ်ၶႃႈၽီႉလေႇမုၼ်ႇၵေႃႉဢၼ်လႆႈႁပ်ႉဢဝ်လိၵ်ႈတြႃးဢၼ်တမၢၼ်ႇၸဝ်ႈပေႃးလူႉတႅမ်ႈၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
ၵႂၢမ်းတူင်ႉတၵ်ႉ 1:1-8
လွင်ႈၸႃႇတီႉၸဝ်ႈၶရိၸ်ႈ၊လႄႈၵၢၼ်တၢင်းႁဵတ်းမၼ်းၸဝ်ႈ 1:9-2:19
ၸႂ်သၽေႃးဢၼ်မႂ်ႇၼႂ်းၸဝ်ႈၶရိၸ်ႈ 2:20-4:6
ၵႂၢမ်းတၵ်ႉၼၢႆၵမ်းလိုၼ်းသုတ်း 4:7-18
Currently Selected:
ၵေႃးလေႃးသေး ၵႂၢမ်းၼမ်း: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship