Roome Gidduwaa Erissuwaa
Gidduwaa Erissuwaa
Yesuusi kiittido PHauloosa kiitai Roome asaassi xaafettidoogee PHauloosi Roomen de7iya woosa keettaa xomoosanau halchchido gishshau, i baanaashin eti giigidi naaganaadan oottanaassa. PHauloosa halchchoi Roomen de7iya ammaniyaageetuura guutta wodiyaa oottidoogaappe guyyiyan, eti maaddin Isppeene baanaassa. Kiristtinnaa ammanuwaabaa ba eridoogaanne hegaa qassi ammaniya asai oosuwan peeshshana hanotaa qonccissidi xaafiis. PHauloosa kiitaassi kumetta qofaa oiqqidaagee ha kiitaa.
PHauloosi Roomen de7iya ammaniyaageeta saro gi simmidi, i etau woossanaagaakka odidi, ba kiitaassi gul77a qofai “Wonggeliyaa qaalai Xoossai asaa xillissiyoogee, koiruwaappe wurssettaa gakkanaashinkka ammanuwaana gidiyoogaa yootees” (1:17) yaagiyaagaa gidiyoogaa malaatees.
Hegaappe guyyiyan ha qofaa aassidi xaafees. Aihudata gidinkka Aihuda gidenna asaa gidinkka ubbaikka nagaran haarettidaageeta gidiyo gishshau, eti Xoossaara sigettanau koshshees. Asati Xoossaara sigettanau danddayiyoogeekka Yesuus Kiristtoosan ammaniyoogaana. Xoossaara gaittiyo ha ooratta gaitotettai ooratta de7uwaa immiyaagaa gidiyoogaa PHauloosi aassidi odees. Ammaniya asi Xoossaara saro de7ees. Qassi Xoossaa Ayyaanaa baggaara nagaraanne haiquwaa wolqqaappe kessi ekkees. Miraafiyaa 5ppe biidi 8 gakkanaashin PHauloosi Xoossaa halchchoinne ammaniya asaa de7uwaa giddon oottiya Xoossaa Ayyaanaa wolqqaa halchchoi aibakko odees. Hegaappe kaallidi qassi PHauloosi, “Xoossai asaa naatussi halchchido halchchuwaa giddon Aihudatinne Aihuda gidenna asati waanidi issippe waaxettanau danddayanddonaashsha?” yaagiya oishaara baaxetiiddi de7ees.
Qassikka Aihudati Yesuusa ekkennan aggidoogee Xoossaa halchcho gidiyoogaa odees. Aissi giikko, hagaa mala hanotan asa zaree ubbai Xoossai Yesuusa baggaara qonccissido aaro kehatettaa giddon haphettanau danddayees. Gido shin, Aihudati Yesuusa ekkana wodee yaanaagaa PHauloosi ammanees. Wurssettan PHauloosi Kiristtinnaa de7uwaa waanidi de7anau bessiyaakko yootees. Xoossaassi oottanabaa, ammaniya asati bantta deriyaassinne bantta giddon issoi issuwaassi alaafetettan oottanabaanne qofaa gaasuwan denddiya oishatubaa qonccissidi odees.
Currently Selected:
Roome Gidduwaa Erissuwaa: WOB
Highlight
Copy
Compare
Share
Want to have your highlights saved across all your devices? Sign up or sign in
Wolaytta Bible © Bible Society of Ethiopia, 2002.