MAATEWOOSI 18
18
ROORU AYETI?
(Maq 9:33-37; Luq 9:46-48)
1Hatte yannara rosaanosi Yesuusiwa shiqqe, «Gordu Gashshootira baalanka roorannohu ayeti?» yite xa'mitusi.
2Yesuusi mitto qaaqqo haa're mereeronsa uurrise, 3«Halaale kuleemmo'nena, higa gibbinironna qaaqquullu gedeere ikka hoogginiro, gordu gashshoote horonta die'inanni. 4Kunni qaaqqi gede umosi heeshshi assannohu, gordu gashshootira roore ikkanno. 5Togoo qaaqqo su'mi'yanni adhannohu aneno adhanno.
MANNA SO'RISIISSOOTI
(Maq 9:42-48; Luq 17:1-2)
6«Aye manchino ane amma'nitinori kuri shiimmaaddu giddonni mitto so'risiisannoha ikkiro, lowo daamma haxote usudhe baaru diimera bairo woyyate» yiinsa. 7Qoleno, «Manna cubbu giddora eessitanno alamera aanne'e! So'risiisanno coyi dayikkinni digatanno. Ikkollana so'risiisannori daanno gede doogo fanannohura aanne'e! 8Kunnira, angakki woy lekkakki cubboho massitannoheha ikkiro murte huni! Lame anga woy lame lekka heedheennahe xo'annokkitera hegere giirara tugamattonkunni, mitte angaha woy mitte lekkaha ikkite hegere heeshshowa ea woyyitannohe. 9Illekki cubboho eessitannoheha ikkiro fushshite huni! Lame ille heedheennahe gaannaamete giirara tugamattonkunni, mitte illeha ikkite hegere Gashshootiwa ea woyyitannohe.
10«Gordoho nooti sokkaasinensa wo'manka woyite Gordoho hee'rannohunniha Anni'ya alba la'anno daafira, kuri shiimmaaddu giddonni mittono mishshinannikki gede qorophe! 11[Manchi Beetti dayinohu bainoha gatisaraati» yii.] #18:11 Qoqqowu giddo nooha woy kiiro 11 mite mite keeshshitinoti angatenni borreessinoonni borro diwortino.
BA'E LEELTINO GE'RECHO LAWISHSHA
(Luq 15:3-7)
12Yesuusi lede, «Hanni ma heddinanni? Mittu manchira xibbu ge'reewi noosi; hakkuri giddonni mitte ba'uro, honsayina honse hakko ilaalu iima agure ba'inota mitticho hasi'rara diha'ranno? 13Halaale kuleemmo'nena, afi'ranno yannara bainokkiri honsayina honsentenni roore ba'e leeltino ge'recho daafira hagiidhanno. 14Gordoho hee'rannohu Anni'neno kuri shiimmaaddu giddonni mittuno ba"ara dihasi'ranno.
SAO ASSANNO MANCHIRA MA ASSINANNI
15«Rodiikki sao assihero atinna isi callu heedhinoonniwa saosi kulisi. Macciishshihero galagale rodookki ikkanno gede assattosi. 16Macciishsha giwihero kayinni, lamu woy sasu manni naqaashshe ikka hasiissanno daafira, lame woy sase manna haadhe isiwa mari. 17Insa yitinotano macciishsha giwiro, beetekiristaanete kuli. Beetekiristaanennitano macciishshannokkiha ikkiro, ammaninokkihunna qaraxaasinchu gede assite aguri.
18«Halaale kuleemmo'nena, uulla usurtinannihu gordohono usuraminoha ikkanno. Uulla tirtinannihu gordohono tidhaminoha ikkanno. 19Qoleno kuleemmo'nehu, ki'ne giddonni lamu uullate aana ayereno sumuu yitine huuccidhiniro, gordoho hee'rannohu Anni'ya wonshanno'ne. 20Lame woy sase ikkitine su'mi'yanni xaaddinanniwa ani ledo'ne hee'reemmo» yiinsa.
SAO AGURRANNI GARA
21Hatte yannara Pheexiroosi Yesuusiwa shiqe, «Mooticha, rodii'ya ane aana sao assiro me"e hige agurosi? Lamala hige agurosini?» yee xa'mi. 22Yesuusi qole, «Lamala higge lamalaawo ikkinnina lamala higge calla aguri diyeemmohe» yiisi.#Kal 4:24 lai.
23Kunnira, «Gordu Gashshooti borojjisiwa noo woxe towaxxa hasi'rino moote lawanno. 24Moote woxe towaxxa hanafanno yannara, lowo kume ikkanno birra#18:24 Mekiliite kume mekiliite hatte yannara mittu manchira 15 diro loosino loosira baantanni woxe roortanno. xeisinoha mitto borojjicho amande abbini. 25Kuni borojjichi asale baaxxa hooginohura isono, galtesino, oososinna noosire baala hirre asalesi baantanni gede mootichisi hajaji. 26Borojjichu kayinni mootete lekkara uwe, ‹Mooticha, baaxxeemmona shiima yanna uue› yee huucci'ri. 27Mooteno marare asalesino agure, ha'ranno gede assisi.
28«Hakku borojjichi kayinni hakkiinni fule ha'ranni hee're, xibbe birra liqiissinoha mitto jaalasi afe qalxe amade, ‹liqiissummohe birra qolie› yii. 29Jaalisino lekkasira uwe, ‹Baaxxeemmona shiima yanna uue› yee huucci'ri. 30Isi kayinni giwe, amade haa're birrasi baata geeshsha usurame keeshshanno gede assi. 31Wolootu konne coye macciishshite lowo geeshsha dadillite, baalanka coye marte mootete kultu. 32Mooteno hakkonne borojjicho woshshe, ‹Ati bushu borojjichi, huucci'roottoe daafira hakkonne baala asale agurummohe. 33Ani ate asale agurummohente gede atino jaalikkira asale agura dihasiissannohe?› yii. 34Kunnira Moote hanqe asalesi baala baaxxe guda geeshsha, usuru mini roorrootira sayise uyinosi.
35«Ki'neno, mitti mitti'ne rodii'nera wodani'nenni sao agura hoogginiro, gordoho hee'rannohu Anni'ya ki'ne saono diaguranno'ne» yii.
Currently Selected:
MAATEWOOSI 18: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
MAATEWOOSI 18
18
ROORU AYETI?
(Maq 9:33-37; Luq 9:46-48)
1Hatte yannara rosaanosi Yesuusiwa shiqqe, «Gordu Gashshootira baalanka roorannohu ayeti?» yite xa'mitusi.
2Yesuusi mitto qaaqqo haa're mereeronsa uurrise, 3«Halaale kuleemmo'nena, higa gibbinironna qaaqquullu gedeere ikka hoogginiro, gordu gashshoote horonta die'inanni. 4Kunni qaaqqi gede umosi heeshshi assannohu, gordu gashshootira roore ikkanno. 5Togoo qaaqqo su'mi'yanni adhannohu aneno adhanno.
MANNA SO'RISIISSOOTI
(Maq 9:42-48; Luq 17:1-2)
6«Aye manchino ane amma'nitinori kuri shiimmaaddu giddonni mitto so'risiisannoha ikkiro, lowo daamma haxote usudhe baaru diimera bairo woyyate» yiinsa. 7Qoleno, «Manna cubbu giddora eessitanno alamera aanne'e! So'risiisanno coyi dayikkinni digatanno. Ikkollana so'risiisannori daanno gede doogo fanannohura aanne'e! 8Kunnira, angakki woy lekkakki cubboho massitannoheha ikkiro murte huni! Lame anga woy lame lekka heedheennahe xo'annokkitera hegere giirara tugamattonkunni, mitte angaha woy mitte lekkaha ikkite hegere heeshshowa ea woyyitannohe. 9Illekki cubboho eessitannoheha ikkiro fushshite huni! Lame ille heedheennahe gaannaamete giirara tugamattonkunni, mitte illeha ikkite hegere Gashshootiwa ea woyyitannohe.
10«Gordoho nooti sokkaasinensa wo'manka woyite Gordoho hee'rannohunniha Anni'ya alba la'anno daafira, kuri shiimmaaddu giddonni mittono mishshinannikki gede qorophe! 11[Manchi Beetti dayinohu bainoha gatisaraati» yii.] #18:11 Qoqqowu giddo nooha woy kiiro 11 mite mite keeshshitinoti angatenni borreessinoonni borro diwortino.
BA'E LEELTINO GE'RECHO LAWISHSHA
(Luq 15:3-7)
12Yesuusi lede, «Hanni ma heddinanni? Mittu manchira xibbu ge'reewi noosi; hakkuri giddonni mitte ba'uro, honsayina honse hakko ilaalu iima agure ba'inota mitticho hasi'rara diha'ranno? 13Halaale kuleemmo'nena, afi'ranno yannara bainokkiri honsayina honsentenni roore ba'e leeltino ge'recho daafira hagiidhanno. 14Gordoho hee'rannohu Anni'neno kuri shiimmaaddu giddonni mittuno ba"ara dihasi'ranno.
SAO ASSANNO MANCHIRA MA ASSINANNI
15«Rodiikki sao assihero atinna isi callu heedhinoonniwa saosi kulisi. Macciishshihero galagale rodookki ikkanno gede assattosi. 16Macciishsha giwihero kayinni, lamu woy sasu manni naqaashshe ikka hasiissanno daafira, lame woy sase manna haadhe isiwa mari. 17Insa yitinotano macciishsha giwiro, beetekiristaanete kuli. Beetekiristaanennitano macciishshannokkiha ikkiro, ammaninokkihunna qaraxaasinchu gede assite aguri.
18«Halaale kuleemmo'nena, uulla usurtinannihu gordohono usuraminoha ikkanno. Uulla tirtinannihu gordohono tidhaminoha ikkanno. 19Qoleno kuleemmo'nehu, ki'ne giddonni lamu uullate aana ayereno sumuu yitine huuccidhiniro, gordoho hee'rannohu Anni'ya wonshanno'ne. 20Lame woy sase ikkitine su'mi'yanni xaaddinanniwa ani ledo'ne hee'reemmo» yiinsa.
SAO AGURRANNI GARA
21Hatte yannara Pheexiroosi Yesuusiwa shiqe, «Mooticha, rodii'ya ane aana sao assiro me"e hige agurosi? Lamala hige agurosini?» yee xa'mi. 22Yesuusi qole, «Lamala higge lamalaawo ikkinnina lamala higge calla aguri diyeemmohe» yiisi.#Kal 4:24 lai.
23Kunnira, «Gordu Gashshooti borojjisiwa noo woxe towaxxa hasi'rino moote lawanno. 24Moote woxe towaxxa hanafanno yannara, lowo kume ikkanno birra#18:24 Mekiliite kume mekiliite hatte yannara mittu manchira 15 diro loosino loosira baantanni woxe roortanno. xeisinoha mitto borojjicho amande abbini. 25Kuni borojjichi asale baaxxa hooginohura isono, galtesino, oososinna noosire baala hirre asalesi baantanni gede mootichisi hajaji. 26Borojjichu kayinni mootete lekkara uwe, ‹Mooticha, baaxxeemmona shiima yanna uue› yee huucci'ri. 27Mooteno marare asalesino agure, ha'ranno gede assisi.
28«Hakku borojjichi kayinni hakkiinni fule ha'ranni hee're, xibbe birra liqiissinoha mitto jaalasi afe qalxe amade, ‹liqiissummohe birra qolie› yii. 29Jaalisino lekkasira uwe, ‹Baaxxeemmona shiima yanna uue› yee huucci'ri. 30Isi kayinni giwe, amade haa're birrasi baata geeshsha usurame keeshshanno gede assi. 31Wolootu konne coye macciishshite lowo geeshsha dadillite, baalanka coye marte mootete kultu. 32Mooteno hakkonne borojjicho woshshe, ‹Ati bushu borojjichi, huucci'roottoe daafira hakkonne baala asale agurummohe. 33Ani ate asale agurummohente gede atino jaalikkira asale agura dihasiissannohe?› yii. 34Kunnira Moote hanqe asalesi baala baaxxe guda geeshsha, usuru mini roorrootira sayise uyinosi.
35«Ki'neno, mitti mitti'ne rodii'nera wodani'nenni sao agura hoogginiro, gordoho hee'rannohu Anni'ya ki'ne saono diaguranno'ne» yii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014