LEEWAAWOOTA 20
20
HAJAJAMA GIWATENNI DAANNO QORICHA
1Kaaliiqi Musera, 2«Israeelete mannira, ‹Oososi Molookira kakkalannoha, Israeelichano ikko manni gobba mancho mannu baalu kinnatenni gane shoona. 3Ilasi Molookira kakkalatenni Qullaawa Mine'ya batteessinona, qullaawa su'ma'yano shollishinona, hakko manchira diina ikkeemmosi. Manni'ya ledono dikiireemmosi. 4Gobbate manni mittu manchi ilasi Molookira kakkalanna afe shaannokkiha sammi yee lairo, 5hakko manchiranna maatesira ani umi'ya diina ikkeemmo. Molooki hoode ha'rino manna baala manni'ya ledo dikiireemmo.
6« ‹Ekera coyishshiishannoha woshshidhannoriranna qaallichunniwa hadhannorira, diina ikkeemmonsa; manni'ya ledono dikiireemmonsa. 7Ki'nenee anera uuyye"e; qullaawootano ikke. Ani Kaaliiqi Magano'neeti. 8Qullaawoota asseemmo'nehu ani Kaaliiqaatina, woga'ya agadhe; yoommoreno wonshe.
9« ‹Annasi woy amasi xonannohu reyo; annasi woy amasi xonino daafira, sao umisite.
10« ‹Mittu manchi wolu galte ledo fooriro lamenka shinona. 11Mittu manchi annisi galte ledo siimu xaadooshshe assiro, annasi shollishinona lamenka shinona; sao uminsate. 12Mittu manchi beettisi galte ledo siimu xaadooshshe assiro lamenka shinona; makki'nanni coye assitinona lamenka shinona; sao uminsate. 13Mittu manchi meyate ledo siimu xaadooshshe assannonte gede, labbaahu ledono hattoore assiro, ani giweemmo coyetina lamenka shinona; sao uminsate. 14Mittu manchi amanna beetto adhiro, assootisi makki'nanniha ikkino daafira, mereero'ne hattoohu makki'nanni coyi hee'rannokki gede, hakko manchonna meento giirrona. 15Aye manchino saadate ledo siimu xaadooshshe assiro, isonna hattenne saada shiiyye. 16Mitte mancho saadanniwa shiqqe siimu xaadooshshe assituro, manchonna hattenne saada shiiyye; sao uminsate.
17« ‹Mittu manchi annisita woy amasi beetto ikkitinota rodoosi adhiro, assootisi saalsiisannoho; lamunku gosansa mereerinni badante ba'o. Rodoosi ledo siimu xaadooshshe assino daafira xa'mamanno. 18Mittu manchi godowu daye noo mancho ledo xaadiro, lamunku keeraa'minanni seera huntino daafira, gosansa ledo kiirantoonke.
19« ‹Adasi woy la'lamasi ledo siimu xaadooshshe assannohu, maalu fiixa shollishshino daafira, lamunku cubbinsara xa'mantanno. 20Wosiilisi galte ledo siimu xaadooshshe assannohu, wosiilasi shollishinona, lamunku cubbinsara xa'mantanno; ilaweelte reyitanno. 21Rodiisi lubbotenni hee'reennanni galtesi adhannohu makki'nannire assino; rodoosi shollishinona, lamunku ilaweelte gattanno.
22« ‹Heedhinara haa're masseemmo'ne baatto tuffanno'nekki gede, woga'yanna seera'ya agadhe; yoommoreno wonshe. 23Albi'nenni shorreemmo daga woga ha'runsitinoonte; insa konne coye assitino daafira tiyyi'roommonsa. 24Ki'ne kayinni baattonsa ragidhinanni; malawunna ado lolakkanno gobba iqqammo'nera hexxo oommo'ne. Dagatewiinni badoommo'nehu ani Kaaliiqi Magano'neeti. 25Intanni saadanna intannikkita, intanni ceanna intannikkita baddine affe. Battete yoommo'ne saadanni, ceanninna baattote gamba yee ha'rannori baalunni umo'ne lageessitinoonte. 26Ki'ne anera baxxitine qullaawoota ikkitinannie. Ani Kaaliiqi qullaawahona, anere ikkitinanni gede dagate mereerinni badoommo'ne.
27« ‹Mereero'ne ekera coyishshiishannoha woy qaallicha, labbaahano ikko meyata kinnatenni shiiyye. Sao uminsate› yiino yite kulinsa» yii.
Currently Selected:
LEEWAAWOOTA 20: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
