LEEWAAWOOTA 14
14
TARAAWANNO DHIBBI GOGUNNIHUNNI KEERAAWINOHU WONSHANNO SEERA
1Kaaliiqi Musera, 2«Mittu manchi taraawanno dhibbi gogunnihunni keeraawihu gedensaanni, wonsha hasiissannosi woga aante noote: Keeraa'masi egensiinsanni barra qeesichunniwa haa'ne abbineenna, 3qeesichu qachaho gobbaanni xaade, manchu dhibbunni hurinoha ikkiro, 4seeru garinni keeraabbinota 2 cea, daguchu sina, duumo fatilchonna garambichu darcho haa'ne abbinanni gede hajajona. 5Hakkunni gedensaanni, qeesichu lamente cea giddonni mitticho haa're, xalalu buete wayi giddo noo uduunnichi bushshunnihu aana gorrinanni gede hajajona. 6Qeesichu layinki ceichono haa're, daguchu sini, duumu fatilchinna garambichu darchi ledo mitteenni gorrini ceicho mundee giddo cuuona; 7mundeeno taraawanno dhibbinni keeraa'manni noo manchi aana 7 hige wixona; hakkunni gedensaanni, keeraa'minota egensiise, gorrinikkinni gattino ceicho xawo qole buuwisona.
8«Keeraa'mino manchi imaanasi hayishshi'rona; dananchosi baala raawe meexxona; bisosino hayishshi're, seeru garinni keeraa'minoha ikkanno. Hakkunni gedensaanni, qachu giddora ea dandaanno; ikkollana kayinni, 7 barri geeshsha hee'ranno dukkana eikkinni gobbaanni keeshshona. 9Lamalki barra umo lede meexxe, ereeda, gaaranna bisisi aana noo danancho baalanka meexxona. Imaanasinna bisosino hayishshi're, keeraa'minoha ikkanno.
10«Settikki barra, muso afidhinokkire 2 ge'rechu goccanna 1 diri ge'recho shiqishona; hattonni gidu fushshaatira, zayitetenni liinsoonnita 3 kiilo liiqo bulleenna 1 buttu'le zayite shiqishona. 11Qeesichuno manchonna abbino fushshaate haa're, Xaadu Dukkani nafarchira ane albira shiqishona. 12Hakkunni gedensaanni, qeesichu mitto goco haa're, buttu'lete zayite ledo sao hoolate fushshaate asse shiqishona. Konne fushshaate anera addiha asse shiqishoena. 13Gocono, cubbu kakkaloranna shilqote kakkalora gorrinanniwa qullaawa darga masse gorrona; sao hoolate kakkalo cubbu kakkalo gede qeesichunnite. Tinino lowo geeshsha qullaawate. 14Qeesichuno sao hoolate kakkalo aaninni shiima mundee haa're, keeraa'manni noo manchita qiniiticho macca qacce, qiniiticho angaha lowiidi qubbichonna lekkasiha lowiidi qubbicho kisiisona. 15Qoleno shiima zayite haa're, guracho anga umisite hoowira worona. 16Qiniitichu qubbichisinni mundee kisanni, ane albaanni 7 hige wixona. 17Angasi hoowira noo zayitenni shiima haa're, seeru garinni keeraa'minota egenisiisate, sao hoolate kakkalo mundee assinte gede, manchunnita qiniiticho macca, qiniiticho angahanna qiniiticho lekkaha lowiidi qubbicho kisiisona. 18Hoowisira gattino zayite, keeraa'manni noo manchi umi aana dunona. Kunni garinni qeesichu keeraa'mate seera ane albaanni wonshona.
19«Hakkunni gedensaanni, qeesichu cubbu kakkalo shiqishona; manchuno lagotenni keeraa'manno gede assosina. Hakkiinni aanche shilqote kakkalo shiqishona. 20Shilqote kakkalonna gidu fushshaate mitteenni kakkallanni darga masse shilqishona. Hakkiinni, keeraa'mate seera wonsheenna manchuno keeraawanno.
21«Manchu konne duucha shiqisha dandaannokkiha buxicho ikkiro, sao hoolate 1 ge'rechu goco, zayitetenni liinsoonnita 1 kiilo liiqo bullee gidu fushshaatira, 1 buttu'le zayite shiqishona. 22Wolqasi assitu garinni 2 lemboolcho, woy 2 bukukkaama, 1 cubbo agursiisate, 1 shilqote kakkalora shiqishona. 23Settikki barra, mancho keereensinanni seera wonshinanniwa, kore baala Dukkanu nafarchira ane albira qeesichu haa're abbona. 24Qeesichuno sao hoolate kakkalora ge'rechu goconna buttu'lete zayite haa're, anera addi fushshaate asse shiqishona. 25Qeesichu sao hoolate kakkalora shiqino goco haa're gorrona; shiima mundee haa're, keeraa'manni noo manchita qiniiticho macca, qiniiticho angahanna qiniiticho lekkaha lowiidi qubbicho kisiisona. 26Zayitete aaninnino shiima haa're, guracho anga umisite hoowira dunona. 27Guracho angasi hoowira noo zayite qubbichunni kisanni, 7 hige ane albaanni wixona. 28Hakko mundee worri hoowi angasihura gattino zayite haa're, keeraa'manni noo manchita qiniiticho macca qacce, qiniiticho angasihanna qiniiticho lekkasiha lowiidi qubbicho kisiisona. 29Hoowisira gattino zayite, keeraa'manni noo manchi umira dunona; kunni garinni qeesichu keeraa'mate seera ane albaanni wonshona. 30Hakkunni gedensaanni, qeesichu manchu wolqasi deerrinni shiqishi'rinoha lemboolcho woy bukukkaama kakkalona. 31Insa giddonni mitto cubbu kakkalora, layinkiha shilqote kakkalora gidu fushshaati ledo shiqishona. Kunni garinni qeesichu manchoho keeraa'mate seera ane albaanni wonshona. 32Kuni taraawanno dhibbi gogunnihu noosi manchi, keeraa'mate seera wonshate shiqishi'rannori koreeti» yiisi.
MINE TARAAWANNO DHIBBINNI KEEREENSINANNI GARA
33Kaaliiqi Museranna Aaroonira, 34«Ani ragisiiseemmo'neta Kana"aani gobba e'inanni yannara, ani woroommoha taraawanno dhibba mitto mine affiniro, 35kuni dhibbi minisi giddo leellino manchi, ‹Mine'ya taraawanno dhibbi nooha lawinoe› yee mare qeesichaho kulona. 36Qeesichuno mine noo uduunni baalu lagaawannokki gede, kuni dhibbi noo minira eara albaanni, uduunne baala gobbara fushshinanni gede assona. Hakkunni gedensaanni e"e laona. 37Dhibbu hiittoohoro laeenna, haanjanna duumo ikke xarra itanni noota afiha ikkiro, 38qeesichu mine 7 barra cufona; 39lamalki barra galagale mare, dhibbu hala'linota afiro, 40dhibbu kisino kinna baala fushshine, katamu gobbaanni langoonni basera massine hunnanni gede assona. 41Giddoonni xarra amadinore baala soonfe hoolle, katamu gobbaanni langoonni basera massine hunnona. 42Kinna fushshine hoolloonni darga wole kinna worre, xarrate aaninni hoolloonniri darga wolere gannona. 43Amadantino kinna hoolle haaro worrihu gedensaanni, xaano kunni dhibbi malaati leelliha ikkironna, 44qeesichu mare mine laeenna, taraawanno dhibbi minu giddo hala'linoha ikkiro, gawajjanno dhibba ikkino daafira, minu lagaawinoho. 45Kunni daafira mine diinge kinna, xarra, dawaayyenna aanaho dimboonnire baala massine katamu gobbaanni ishine tunganniwa hunnona.
46«Hakkonne mine cunfe hee'neenna mare eannohu hawarra geeshsha lagaawinoho. 47Hakko mine goxinohu woy sagale itinohu imaanasi hayishshi'rona.
48«Haaroonsinihu gedensaanni qeesichu e"e laeenna, minu giddo kuni dhibbi galagale kainokkiha ikkiro, minu keeraa'minota egensiisona. 49Mine keereensate 2 ceicho, daguchote sina, duumo fatilchonna garambichu darcho shiqinshona. 50Mitte ceicho xalala buete waa worroonni uduunnichi bushshunnihu aana gorrona. 51Daguchote sina, garambichu darchonna duumo fatilcho lubbotenni noo ceicho ledo haa're, gorrino ceicho mundeenna xalalu wayi giddo cuue, minu aana 7 hige wixona. 52Mineno gorrino ceicho mundeenni, xalalu wayinni, lubbotenni noo ceichonni, daguchote sininninna garambichu darchinni keeraa'manno gede assona. 53Lubbotenni noo ceicho xawo qole buuwisona. Kunni garinni hakku lagaawino mini keeraawanno seera wonshanno; minuno keeraa'minoha ikkanno.
54«Taraawanno dhibbi baalu daafira wonshinanni seeri konneeti. 55Konne seera uyinoonnihu, imaanunna minu aana fulannohu taraawanno dhibbi, 56qoleno darshe, hafuru woy baararrete daafiraati. 57Kuni keeraa'minohanna keeraa'minokkiha bandanni seeraati» yii.
Currently Selected:
LEEWAAWOOTA 14: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
LEEWAAWOOTA 14
14
TARAAWANNO DHIBBI GOGUNNIHUNNI KEERAAWINOHU WONSHANNO SEERA
1Kaaliiqi Musera, 2«Mittu manchi taraawanno dhibbi gogunnihunni keeraawihu gedensaanni, wonsha hasiissannosi woga aante noote: Keeraa'masi egensiinsanni barra qeesichunniwa haa'ne abbineenna, 3qeesichu qachaho gobbaanni xaade, manchu dhibbunni hurinoha ikkiro, 4seeru garinni keeraabbinota 2 cea, daguchu sina, duumo fatilchonna garambichu darcho haa'ne abbinanni gede hajajona. 5Hakkunni gedensaanni, qeesichu lamente cea giddonni mitticho haa're, xalalu buete wayi giddo noo uduunnichi bushshunnihu aana gorrinanni gede hajajona. 6Qeesichu layinki ceichono haa're, daguchu sini, duumu fatilchinna garambichu darchi ledo mitteenni gorrini ceicho mundee giddo cuuona; 7mundeeno taraawanno dhibbinni keeraa'manni noo manchi aana 7 hige wixona; hakkunni gedensaanni, keeraa'minota egensiise, gorrinikkinni gattino ceicho xawo qole buuwisona.
8«Keeraa'mino manchi imaanasi hayishshi'rona; dananchosi baala raawe meexxona; bisosino hayishshi're, seeru garinni keeraa'minoha ikkanno. Hakkunni gedensaanni, qachu giddora ea dandaanno; ikkollana kayinni, 7 barri geeshsha hee'ranno dukkana eikkinni gobbaanni keeshshona. 9Lamalki barra umo lede meexxe, ereeda, gaaranna bisisi aana noo danancho baalanka meexxona. Imaanasinna bisosino hayishshi're, keeraa'minoha ikkanno.
10«Settikki barra, muso afidhinokkire 2 ge'rechu goccanna 1 diri ge'recho shiqishona; hattonni gidu fushshaatira, zayitetenni liinsoonnita 3 kiilo liiqo bulleenna 1 buttu'le zayite shiqishona. 11Qeesichuno manchonna abbino fushshaate haa're, Xaadu Dukkani nafarchira ane albira shiqishona. 12Hakkunni gedensaanni, qeesichu mitto goco haa're, buttu'lete zayite ledo sao hoolate fushshaate asse shiqishona. Konne fushshaate anera addiha asse shiqishoena. 13Gocono, cubbu kakkaloranna shilqote kakkalora gorrinanniwa qullaawa darga masse gorrona; sao hoolate kakkalo cubbu kakkalo gede qeesichunnite. Tinino lowo geeshsha qullaawate. 14Qeesichuno sao hoolate kakkalo aaninni shiima mundee haa're, keeraa'manni noo manchita qiniiticho macca qacce, qiniiticho angaha lowiidi qubbichonna lekkasiha lowiidi qubbicho kisiisona. 15Qoleno shiima zayite haa're, guracho anga umisite hoowira worona. 16Qiniitichu qubbichisinni mundee kisanni, ane albaanni 7 hige wixona. 17Angasi hoowira noo zayitenni shiima haa're, seeru garinni keeraa'minota egenisiisate, sao hoolate kakkalo mundee assinte gede, manchunnita qiniiticho macca, qiniiticho angahanna qiniiticho lekkaha lowiidi qubbicho kisiisona. 18Hoowisira gattino zayite, keeraa'manni noo manchi umi aana dunona. Kunni garinni qeesichu keeraa'mate seera ane albaanni wonshona.
19«Hakkunni gedensaanni, qeesichu cubbu kakkalo shiqishona; manchuno lagotenni keeraa'manno gede assosina. Hakkiinni aanche shilqote kakkalo shiqishona. 20Shilqote kakkalonna gidu fushshaate mitteenni kakkallanni darga masse shilqishona. Hakkiinni, keeraa'mate seera wonsheenna manchuno keeraawanno.
21«Manchu konne duucha shiqisha dandaannokkiha buxicho ikkiro, sao hoolate 1 ge'rechu goco, zayitetenni liinsoonnita 1 kiilo liiqo bullee gidu fushshaatira, 1 buttu'le zayite shiqishona. 22Wolqasi assitu garinni 2 lemboolcho, woy 2 bukukkaama, 1 cubbo agursiisate, 1 shilqote kakkalora shiqishona. 23Settikki barra, mancho keereensinanni seera wonshinanniwa, kore baala Dukkanu nafarchira ane albira qeesichu haa're abbona. 24Qeesichuno sao hoolate kakkalora ge'rechu goconna buttu'lete zayite haa're, anera addi fushshaate asse shiqishona. 25Qeesichu sao hoolate kakkalora shiqino goco haa're gorrona; shiima mundee haa're, keeraa'manni noo manchita qiniiticho macca, qiniiticho angahanna qiniiticho lekkaha lowiidi qubbicho kisiisona. 26Zayitete aaninnino shiima haa're, guracho anga umisite hoowira dunona. 27Guracho angasi hoowira noo zayite qubbichunni kisanni, 7 hige ane albaanni wixona. 28Hakko mundee worri hoowi angasihura gattino zayite haa're, keeraa'manni noo manchita qiniiticho macca qacce, qiniiticho angasihanna qiniiticho lekkasiha lowiidi qubbicho kisiisona. 29Hoowisira gattino zayite, keeraa'manni noo manchi umira dunona; kunni garinni qeesichu keeraa'mate seera ane albaanni wonshona. 30Hakkunni gedensaanni, qeesichu manchu wolqasi deerrinni shiqishi'rinoha lemboolcho woy bukukkaama kakkalona. 31Insa giddonni mitto cubbu kakkalora, layinkiha shilqote kakkalora gidu fushshaati ledo shiqishona. Kunni garinni qeesichu manchoho keeraa'mate seera ane albaanni wonshona. 32Kuni taraawanno dhibbi gogunnihu noosi manchi, keeraa'mate seera wonshate shiqishi'rannori koreeti» yiisi.
MINE TARAAWANNO DHIBBINNI KEEREENSINANNI GARA
33Kaaliiqi Museranna Aaroonira, 34«Ani ragisiiseemmo'neta Kana"aani gobba e'inanni yannara, ani woroommoha taraawanno dhibba mitto mine affiniro, 35kuni dhibbi minisi giddo leellino manchi, ‹Mine'ya taraawanno dhibbi nooha lawinoe› yee mare qeesichaho kulona. 36Qeesichuno mine noo uduunni baalu lagaawannokki gede, kuni dhibbi noo minira eara albaanni, uduunne baala gobbara fushshinanni gede assona. Hakkunni gedensaanni e"e laona. 37Dhibbu hiittoohoro laeenna, haanjanna duumo ikke xarra itanni noota afiha ikkiro, 38qeesichu mine 7 barra cufona; 39lamalki barra galagale mare, dhibbu hala'linota afiro, 40dhibbu kisino kinna baala fushshine, katamu gobbaanni langoonni basera massine hunnanni gede assona. 41Giddoonni xarra amadinore baala soonfe hoolle, katamu gobbaanni langoonni basera massine hunnona. 42Kinna fushshine hoolloonni darga wole kinna worre, xarrate aaninni hoolloonniri darga wolere gannona. 43Amadantino kinna hoolle haaro worrihu gedensaanni, xaano kunni dhibbi malaati leelliha ikkironna, 44qeesichu mare mine laeenna, taraawanno dhibbi minu giddo hala'linoha ikkiro, gawajjanno dhibba ikkino daafira, minu lagaawinoho. 45Kunni daafira mine diinge kinna, xarra, dawaayyenna aanaho dimboonnire baala massine katamu gobbaanni ishine tunganniwa hunnona.
46«Hakkonne mine cunfe hee'neenna mare eannohu hawarra geeshsha lagaawinoho. 47Hakko mine goxinohu woy sagale itinohu imaanasi hayishshi'rona.
48«Haaroonsinihu gedensaanni qeesichu e"e laeenna, minu giddo kuni dhibbi galagale kainokkiha ikkiro, minu keeraa'minota egensiisona. 49Mine keereensate 2 ceicho, daguchote sina, duumo fatilchonna garambichu darcho shiqinshona. 50Mitte ceicho xalala buete waa worroonni uduunnichi bushshunnihu aana gorrona. 51Daguchote sina, garambichu darchonna duumo fatilcho lubbotenni noo ceicho ledo haa're, gorrino ceicho mundeenna xalalu wayi giddo cuue, minu aana 7 hige wixona. 52Mineno gorrino ceicho mundeenni, xalalu wayinni, lubbotenni noo ceichonni, daguchote sininninna garambichu darchinni keeraa'manno gede assona. 53Lubbotenni noo ceicho xawo qole buuwisona. Kunni garinni hakku lagaawino mini keeraawanno seera wonshanno; minuno keeraa'minoha ikkanno.
54«Taraawanno dhibbi baalu daafira wonshinanni seeri konneeti. 55Konne seera uyinoonnihu, imaanunna minu aana fulannohu taraawanno dhibbi, 56qoleno darshe, hafuru woy baararrete daafiraati. 57Kuni keeraa'minohanna keeraa'minokkiha bandanni seeraati» yii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014