LEEWAAWOOTA 13
13
TARAAWANNO DHIBBI GOGUNNIHU DAAFIRA UYINOONNI SEERA
1Kaaliiqi Museranna Aaroonira, 2«Aye manchirano bisisi aana darshe, shifi yee fulannorinna baararre fulte taraawanno dhibbi gogunnihura soorranturo, qeesichunniwa haa'ne abbinona. 3Qeesichuno manchu bisi aana noo dhibba seekke laeenna, hatte basera noo dananchi waajji'reenna dhibbuno giddora einoha ikkiro, taraawanno dhibba gogunniho yaate. Qeesichu konne coye buuxihu gedensaanni, manchu lagaawinota egensiisona. 4Bisisi aana fultino baararre waajjo ikkiturono, giddora e'inokkita ikkituronna aanaho fulino dananchi waajji'rinokkiha ikkiro, qeesichu mancho 7 barri geeshsha mannuwiinni badona. 5Qeesichu lamalki barra mancho galagale laeenna, dhibbu lexxinokkihanna bisisi aana taraawinokkiha ikkiro, lede 7 barra mannuwiinni badona. 6Xaano qeesichu lamalki barra lede laona; dhibbu hala'linokkihanna gogisira taraawinokkiha ikkiro, hafuro ikkino daafira, qeesichu manchu keeraa'minota egensiiseenna imaanasi hayishshi're keeraa'mona. 7Umosi qeesichaho leellisheenna keeraa'masi egensiisihu gedensaanni, hafuru bisisi aana lexxiro kayinni, galagale qeesichunniwa shiqona. 8Qeesichuno galagale lae, dhibbu bisisi aana hala'linota buuxiro, taraawannoha gogu dhibba ikkino daafira, seeru garinni lagaawinota egensiisona.
9«Aye manchono taraawannohu gogu dhibbi amadisiro, haadhine qeesichunniwa abbe. 10Qeesichu laeenna, danancho waajjo assitannoti waajjo mada bisisi aana heedhuronna maliituro, 11giddora einoha taraawanno dhibba gogunniha ikkino daafira, qeesichu konne mancho mannuwiinni bade keeshshiisha agure, lagaawinota egensiisona.
12«Gogu aana fulino dhibbi umunni lekkate geeshsha iillinoha ikkiro, 13qeesichu galagale laona; dhibbu manchoho biso raawe amadinoha ikkiro, manchu seeru garinni keeraa'minota egensiisona. Bisisi gudisame waajji'rinoha ikkiro, manchu seeru garinni keeraa'minoho. 14Ikkollana, maalu leellino mada ikkituro, seeru garinni hakkawoyinetenni lagaawinoha ikkanno. 15Qeesichu galagale laeenna, madate maalu leellinota afiro, lagaawinota egensiisona; tini mada taraawanno dhibbi gogunnihunnite yaate. Manchuno lagaawinoho. 16Tini mada hurte waajjo ikkituro, manchu galagale qeesichunniwa marona. 17Qeesichu lae mada waajjidhinota buuxiro, manchu seeru garinni keeraa'mino daafira, qeesichu keeraa'masi egensiisona.
18«Mittu manchira bisoho darshe hurinosiri hee'reenna, 19hatte basera waajjo darshe woy duu'mite heedhenni waajjidhino baararre anfiro, manchu qeesichunniwa shiqona. 20Qeesichu laeenna dhibbu giddora einoha ikkironna aanaho noo dananchi waajji'rinoha ikkiro, qeesichu manchu lagaawinota egensiisona. Kuni taraawanno dhibbi gugonnihu darshetenni kalaqaminoho. 21Qeesichu la"anno woyite, aanaho noo dananchi waajji'rinokkihanna dhibbuno giddora einokkiha mereerimu daniha ikkiro kayinni, mancho 7 barri geeshsha mannuwiinni badona. 22Hakku mereerimu dani hala'liha ikkiro, taraawanno dhibba gogunniha ikkino daafira, qeesichu manchu lagaawinota egensiisona. 23Bisoho hala'likkinni noowa calla keeshshiro kayinni, mada fushshitino bassa ikkino daafira, qeesichu manchu keeraa'minota egensiisona.
24«Bisu giira itteenna waajji'riro, woy duu'me hee'renni waajji'riro, 25qeesichu laona; bassunna aanasi noo dananchi waajji'rinohanna giddora einoha ikkiro, giirammetenni kalaqaminoha taraawanno dhibba gogunniha ikkino daafira, qeesichu manchu lagaawinota egensiisona. 26Bassu aana fulino dananchi waajji'ra hoogiro, mada giddora e'inokkitanna hurtanni noota labburo, qeesichu mancho 7 barri geeshsha mannuwiinni badona. 27Lamalki barra qeesichu qole laona; dhibbu bisu aana hala'lanni noota afi'ro, taraawanno dhibba gogunniha ikkino daafira, manchu lagaawinota qeesichu egensiisona. 28Mada hala'litinokkitanna mereerimu danita ikkituro, taraawanno dhibba gogunniha di"ikkino; giirate bassa ikkino daafira, manchu seeru garinni keeraancho ikkinota qeesichu egensiisona.
29«Labbaahu, woy meyate umi aana woy gaccu aana mada fulturo, 30qeesichu mada laeenna, giddora e'inota ikkituronna aanaho fulino dananchi shawala ikkiro, qeesichu manchu lagaawinota egensiisona. 31Ikkirono, qeesichu mada la"anno woyite, giddora ea hoogguronna dananchu shawala hoogiro, qeesichu mancho 7 barri geeshsha mannuwiinni badona. 32Qeesichu 7 barri gedensaanni mada laeenna hala'la hoogguro woy dananchu shawala hoogironna madano giddora e'inokkiha ikkiro, 33mada calla agurre danancho meendona. Qeesichuno mancho 7 barra mannuwiinni badona. 34Lamalki barra qeesichu mada galagale laeenna, bisu aana hala'lanna giddora ea hoogguro, qeesichu keeraa'minota egensiisona. Manchu woy mancho imaanansa hayishshidhe keeraa'mitona. 35Keeraa'mansa egensiinsihu gedensaanni, hatti mada hala'lite leelturo kayinni, 36qeesichu galagale laeenna, mada bisu aana hala'litinoha ikkiro, lagaawa egennantinota ikkitino daafira, dananchu shawala agara dihasiissanno. 37Ikkollana, mada qeesichu laeenna qoortanni noohanna kolishshu dananchi aanaho fulinoha ikkiro mada hurtino yaate; keeraa'mitino daafira, qeesichu keeraa'mansa egensiisona.
38«Labbaahura woy meyatera bisu aana baararre fulturo, 39qeesichu lamenka laeenna, baararre fultino bayichi dana shiima geeshsha calla soorraminoha ikkiro, gawajjo abbannokki dhibba ikkino daafira, seeru garinni keeraa'mitinoreeti.
40«Manchu umu goofeenna baddaamo ikkiro keeraanchoho. 41Albiidinni umu goofeenna baddaamo ikkirono keeraanchoho. 42Ikkollana kayinni, baddete aana duu'mite heedhenni waajjidhino mada fulturo, hakku taraawanno dhibba gogunniho yaate. 43Qeesichu laeenna, duu'me hee'renni waajji'rinoha gogu dhibba taraawannoha lawiro, 44taraawanno dhibba gogunniha ikkino daafira, manchu lagaawinoho; umisi aana noo madanni kainohunni manchu lagaawinoha ikkinota qeesichu egensiisona.
45«Togooha taraawanno dhibba afi'rino manchi, daddadhamino imaana uddi'rona; umono fixxi'roonke; sanonna afoo dhiphe, ani lagaawoommohona shiqqi yitinoonte, yaanni lallawona. 46Taraawanno dhibbi aanasi noo geeshsha, lagaawinoha ikkino daafira, qachu gobbaanni fule fayyu manniwiinni baxxe hee'rona.
IMAANU AANA TARAAWANNO DHIBBI DAAFIRA UYINOONNI SEERA
47«Ge'reewu ordanni woy fuuttunni gannoonniha aye imaanano taraawanno dhibbi kisiro, 48imaana gannanni uduunninni woy angatenni gannoonni imaani woy ge'reewu ordanni woy fuuttunni gannoonni imaani woy gogu imaani aana, 49dana haanji're woy duumo ikke leelliro, taraawannoha gogu dhibba ikkino daafira, qeesichaho leellinshona. 50Qeesichuno konne laihu gedensaanni, kuni dhibbi kisino imaana, 7 barri geeshsha mittowa cufe keeshshiishona. 51Lamalki barra galgale la"anno woyite, imaanu aana hala'lanni ha'rannoha ikkiro, hakku imaani lagaawinoho; 52konne lagaawino imaana qeesichu giire hunona.
53«Ikkollana kayinni, qeesichu la"anno yannara, dhibbu imaanu aana hala'linokkiha ikkiro, 54imaana hayishshe lede 7 barri geeshsha addiwa bade worona. 55Kuni dhibbi kisino imaana hayishshinihu gedensaanni, qeesichu galagale laeenna, dhibbu hala'linokkiha ikkiro nafa, danu soorrama hoogiro lagaawinoho. Dhibbu giddoono ikko gobbaano hee'riro, imaana giirrona. 56Imaananna gogu uduunne baala hayishshinihu gedensaanni, qeesichu la"anno yannara, mereerimu daniha ikkiro, hakkonne darga calla dare hoolona. 57Ikkollana kayinni, kuni dhibbi galagale higannohanna hala'lannoha ikkiro, hakkonne imaananna gogu uduunne baala gudinse giirrona. 58Imaananna gogu uduunne baala hayishshineenna kuni dhibbi baiha ikkiro, galagalchine hayishshineenna seeru garinni keeraawanno.
59«Imaana gannanni uduunninni woy angatenni gannoonniha ge'reewu ordaha woy fuuttu imaani woy gogunni seekkinoonnireno ikkiro, kuni dhibbi kisino imaaninna gogu uduunni baalu keeraa'mannohunna lagaawannohu kunni garinniiti» yiinsa.
Currently Selected:
LEEWAAWOOTA 13: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
LEEWAAWOOTA 13
13
TARAAWANNO DHIBBI GOGUNNIHU DAAFIRA UYINOONNI SEERA
1Kaaliiqi Museranna Aaroonira, 2«Aye manchirano bisisi aana darshe, shifi yee fulannorinna baararre fulte taraawanno dhibbi gogunnihura soorranturo, qeesichunniwa haa'ne abbinona. 3Qeesichuno manchu bisi aana noo dhibba seekke laeenna, hatte basera noo dananchi waajji'reenna dhibbuno giddora einoha ikkiro, taraawanno dhibba gogunniho yaate. Qeesichu konne coye buuxihu gedensaanni, manchu lagaawinota egensiisona. 4Bisisi aana fultino baararre waajjo ikkiturono, giddora e'inokkita ikkituronna aanaho fulino dananchi waajji'rinokkiha ikkiro, qeesichu mancho 7 barri geeshsha mannuwiinni badona. 5Qeesichu lamalki barra mancho galagale laeenna, dhibbu lexxinokkihanna bisisi aana taraawinokkiha ikkiro, lede 7 barra mannuwiinni badona. 6Xaano qeesichu lamalki barra lede laona; dhibbu hala'linokkihanna gogisira taraawinokkiha ikkiro, hafuro ikkino daafira, qeesichu manchu keeraa'minota egensiiseenna imaanasi hayishshi're keeraa'mona. 7Umosi qeesichaho leellisheenna keeraa'masi egensiisihu gedensaanni, hafuru bisisi aana lexxiro kayinni, galagale qeesichunniwa shiqona. 8Qeesichuno galagale lae, dhibbu bisisi aana hala'linota buuxiro, taraawannoha gogu dhibba ikkino daafira, seeru garinni lagaawinota egensiisona.
9«Aye manchono taraawannohu gogu dhibbi amadisiro, haadhine qeesichunniwa abbe. 10Qeesichu laeenna, danancho waajjo assitannoti waajjo mada bisisi aana heedhuronna maliituro, 11giddora einoha taraawanno dhibba gogunniha ikkino daafira, qeesichu konne mancho mannuwiinni bade keeshshiisha agure, lagaawinota egensiisona.
12«Gogu aana fulino dhibbi umunni lekkate geeshsha iillinoha ikkiro, 13qeesichu galagale laona; dhibbu manchoho biso raawe amadinoha ikkiro, manchu seeru garinni keeraa'minota egensiisona. Bisisi gudisame waajji'rinoha ikkiro, manchu seeru garinni keeraa'minoho. 14Ikkollana, maalu leellino mada ikkituro, seeru garinni hakkawoyinetenni lagaawinoha ikkanno. 15Qeesichu galagale laeenna, madate maalu leellinota afiro, lagaawinota egensiisona; tini mada taraawanno dhibbi gogunnihunnite yaate. Manchuno lagaawinoho. 16Tini mada hurte waajjo ikkituro, manchu galagale qeesichunniwa marona. 17Qeesichu lae mada waajjidhinota buuxiro, manchu seeru garinni keeraa'mino daafira, qeesichu keeraa'masi egensiisona.
18«Mittu manchira bisoho darshe hurinosiri hee'reenna, 19hatte basera waajjo darshe woy duu'mite heedhenni waajjidhino baararre anfiro, manchu qeesichunniwa shiqona. 20Qeesichu laeenna dhibbu giddora einoha ikkironna aanaho noo dananchi waajji'rinoha ikkiro, qeesichu manchu lagaawinota egensiisona. Kuni taraawanno dhibbi gugonnihu darshetenni kalaqaminoho. 21Qeesichu la"anno woyite, aanaho noo dananchi waajji'rinokkihanna dhibbuno giddora einokkiha mereerimu daniha ikkiro kayinni, mancho 7 barri geeshsha mannuwiinni badona. 22Hakku mereerimu dani hala'liha ikkiro, taraawanno dhibba gogunniha ikkino daafira, qeesichu manchu lagaawinota egensiisona. 23Bisoho hala'likkinni noowa calla keeshshiro kayinni, mada fushshitino bassa ikkino daafira, qeesichu manchu keeraa'minota egensiisona.
24«Bisu giira itteenna waajji'riro, woy duu'me hee'renni waajji'riro, 25qeesichu laona; bassunna aanasi noo dananchi waajji'rinohanna giddora einoha ikkiro, giirammetenni kalaqaminoha taraawanno dhibba gogunniha ikkino daafira, qeesichu manchu lagaawinota egensiisona. 26Bassu aana fulino dananchi waajji'ra hoogiro, mada giddora e'inokkitanna hurtanni noota labburo, qeesichu mancho 7 barri geeshsha mannuwiinni badona. 27Lamalki barra qeesichu qole laona; dhibbu bisu aana hala'lanni noota afi'ro, taraawanno dhibba gogunniha ikkino daafira, manchu lagaawinota qeesichu egensiisona. 28Mada hala'litinokkitanna mereerimu danita ikkituro, taraawanno dhibba gogunniha di"ikkino; giirate bassa ikkino daafira, manchu seeru garinni keeraancho ikkinota qeesichu egensiisona.
29«Labbaahu, woy meyate umi aana woy gaccu aana mada fulturo, 30qeesichu mada laeenna, giddora e'inota ikkituronna aanaho fulino dananchi shawala ikkiro, qeesichu manchu lagaawinota egensiisona. 31Ikkirono, qeesichu mada la"anno woyite, giddora ea hoogguronna dananchu shawala hoogiro, qeesichu mancho 7 barri geeshsha mannuwiinni badona. 32Qeesichu 7 barri gedensaanni mada laeenna hala'la hoogguro woy dananchu shawala hoogironna madano giddora e'inokkiha ikkiro, 33mada calla agurre danancho meendona. Qeesichuno mancho 7 barra mannuwiinni badona. 34Lamalki barra qeesichu mada galagale laeenna, bisu aana hala'lanna giddora ea hoogguro, qeesichu keeraa'minota egensiisona. Manchu woy mancho imaanansa hayishshidhe keeraa'mitona. 35Keeraa'mansa egensiinsihu gedensaanni, hatti mada hala'lite leelturo kayinni, 36qeesichu galagale laeenna, mada bisu aana hala'litinoha ikkiro, lagaawa egennantinota ikkitino daafira, dananchu shawala agara dihasiissanno. 37Ikkollana, mada qeesichu laeenna qoortanni noohanna kolishshu dananchi aanaho fulinoha ikkiro mada hurtino yaate; keeraa'mitino daafira, qeesichu keeraa'mansa egensiisona.
38«Labbaahura woy meyatera bisu aana baararre fulturo, 39qeesichu lamenka laeenna, baararre fultino bayichi dana shiima geeshsha calla soorraminoha ikkiro, gawajjo abbannokki dhibba ikkino daafira, seeru garinni keeraa'mitinoreeti.
40«Manchu umu goofeenna baddaamo ikkiro keeraanchoho. 41Albiidinni umu goofeenna baddaamo ikkirono keeraanchoho. 42Ikkollana kayinni, baddete aana duu'mite heedhenni waajjidhino mada fulturo, hakku taraawanno dhibba gogunniho yaate. 43Qeesichu laeenna, duu'me hee'renni waajji'rinoha gogu dhibba taraawannoha lawiro, 44taraawanno dhibba gogunniha ikkino daafira, manchu lagaawinoho; umisi aana noo madanni kainohunni manchu lagaawinoha ikkinota qeesichu egensiisona.
45«Togooha taraawanno dhibba afi'rino manchi, daddadhamino imaana uddi'rona; umono fixxi'roonke; sanonna afoo dhiphe, ani lagaawoommohona shiqqi yitinoonte, yaanni lallawona. 46Taraawanno dhibbi aanasi noo geeshsha, lagaawinoha ikkino daafira, qachu gobbaanni fule fayyu manniwiinni baxxe hee'rona.
IMAANU AANA TARAAWANNO DHIBBI DAAFIRA UYINOONNI SEERA
47«Ge'reewu ordanni woy fuuttunni gannoonniha aye imaanano taraawanno dhibbi kisiro, 48imaana gannanni uduunninni woy angatenni gannoonni imaani woy ge'reewu ordanni woy fuuttunni gannoonni imaani woy gogu imaani aana, 49dana haanji're woy duumo ikke leelliro, taraawannoha gogu dhibba ikkino daafira, qeesichaho leellinshona. 50Qeesichuno konne laihu gedensaanni, kuni dhibbi kisino imaana, 7 barri geeshsha mittowa cufe keeshshiishona. 51Lamalki barra galgale la"anno woyite, imaanu aana hala'lanni ha'rannoha ikkiro, hakku imaani lagaawinoho; 52konne lagaawino imaana qeesichu giire hunona.
53«Ikkollana kayinni, qeesichu la"anno yannara, dhibbu imaanu aana hala'linokkiha ikkiro, 54imaana hayishshe lede 7 barri geeshsha addiwa bade worona. 55Kuni dhibbi kisino imaana hayishshinihu gedensaanni, qeesichu galagale laeenna, dhibbu hala'linokkiha ikkiro nafa, danu soorrama hoogiro lagaawinoho. Dhibbu giddoono ikko gobbaano hee'riro, imaana giirrona. 56Imaananna gogu uduunne baala hayishshinihu gedensaanni, qeesichu la"anno yannara, mereerimu daniha ikkiro, hakkonne darga calla dare hoolona. 57Ikkollana kayinni, kuni dhibbi galagale higannohanna hala'lannoha ikkiro, hakkonne imaananna gogu uduunne baala gudinse giirrona. 58Imaananna gogu uduunne baala hayishshineenna kuni dhibbi baiha ikkiro, galagalchine hayishshineenna seeru garinni keeraawanno.
59«Imaana gannanni uduunninni woy angatenni gannoonniha ge'reewu ordaha woy fuuttu imaani woy gogunni seekkinoonnireno ikkiro, kuni dhibbi kisino imaaninna gogu uduunni baalu keeraa'mannohunna lagaawannohu kunni garinniiti» yiinsa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014