2ነ ተሰ 3
3
ጳውሎስ «ይእና ፀሎት አምሮንደ» ወበረታ
1ጐፔቸም ኧተቾ የቀጥወ ይእግዘር ቃር ባኹሜ የኸረም ኸማ ብንጐድሜ ይቤትቴም ይከብሬ ይናም ጠሎት አምሮንደ። 2የኽክም ቃረታ ሰሞም ያምሮ እንመና አንኸሮ የኸሬ ተጥጥም ተሼ ሰብ አደጋ ንተርፍኔ ይእግዘር ጠሶንደ።
3ቢኸርም እግዘር የታመረው፤ ት ያትቋምርኹሸ፤ ተሲጣርም ይቀየኹሸ። 4ናዝዝኔኩም እንም ኧዃም ቢኸር የዝ አን ትቾተዊ ኸማ በታ ኸነም ንትመመኔኩ።
5ታ ናኹ ይእግዘር ንማጄም የክርስቶስም ፍና ያስራኹ።
የሜና ንቅነት
6ጐፔቸም ኧተቾ በክርስቶስ ቢያምሮም ሜና ቴቾቶ ሰብ፥ ቲናም በትፐርኹዊ ትምርት ኤነት ቴረብሮ ክርስቲያን እንም ትትቤተሮዌ በታንዳ በኢየሱስ ክርስቶስ ሽም ናዝዝኔኩ። 7ይና መሰርኹም ንበሮት ያነብኹ ኸማ አኹም ገጋኹ ትሮ፤ ይና ታኹ በረፐኔ ሜና ኤባር አንቾናነ። 8የሟኒም ሰብ ሸረት እክም አንበናነ፤ ባኹ ባትማኹ አንትጨርኔብኩዌ ዋናም ምሳረ ጥነም ጃድ ባነም ንቾትነ ባነ። 9ዝም የቾትነ ይና ያኹ መሰሮ ንኽነሸ በበሮተንዳው ባንኸሬ አኹ የጭነረንዳ ዋጋ ቲቦንዴ መብት አነፐረንዴ አንኸረ። 10ታኹ በረፐኔ «ሜና ቶቶት ኤሽንታ ኤብራ» ይብር ትዛዝ አዘዝኔኩም ባነ።
11ዝም የባኔ አታት ሜና ኤቾቶ ሰብ በግብታኹ ያነቦ ኸማ ሰማነምታነው፤ ኽኖም ቤያገባኖ ዘንጋ ገፖም ይንጐድ ሰብ አደግሮት ባንኸሬ አት ዘንጋ ቴቾቶ ይረብሮ ሰብሎ። 12የዝካ ኤነት ሰብ በጨር ይረብሮዌ ቾቶም ይበሮዌ በታ በኢየሱስ ክርስቶስ ሽም ናዝዝነም ናጬፕኔዮ።
13ጐፔቸም ኧተቾ አኹም ጥነም ቤትኹ ወኼ ዘንጋ ተቶቶት አታክቦ። 14በዝ ናቸር የራኽኔንኩ ወባጀ ኤትፐር ሰብ ቢረብር መርኬ በረዊ፤ ይቅመጭምኸማ ተት አትኽሮ። 15ቢኸርም የጐፔ ኸማ ምኽረዊ ባንኸሬ ጠላት ኸማ አትዘዊ።
የጳውሎስ የቀጥወ ወጌምት
16ሽናት ይብ ታ ገገታ እንም ጋ ብንም ዘንጋ ሽናት ያብኹ፤ ታ ትንማኹ ጋ የኽር።
17ዝኽ ወጌምት በገገና ኧጅ የጣፍንኩ እያ ጳውሎስን፤ ብያ ናቸር እንም ይረኽዊ መርኸት ዝኸታው። እያ ኧጠፍ ዝካው።
18የታንዳ የኢየሱስ ክርስቶስ ፀጋ ትንማኹ ጋ የኽር።
Currently Selected:
2ነ ተሰ 3: መቅጉ
Highlight
Share
Copy
Want to have your highlights saved across all your devices? Sign up or sign in
