GARA WARRA ROOMAA 4

Abrahaam Amantiidhaan Qajeelaa Ta'uu Isaa

1Kana irratti waa'ee Abrahaam abbaa sanyii keenyaa maal jenna ree? Waaqayyo duratti maal argate? 2Abrahaam waan hojjeteen qajeelummaan utuu lakkaa'ameeraaf ta'ee, Waaqayyo duratti yoo ta'uu dhabaate iyyuu, kan ittiin of jaju in qabaata ture*. 3Caaffanni qulqullaa'aan waa'ee isaa maal jedha ree? ?Abrahaam Waaqayyoon amanate, kunis qajeelummaatti lakkaa'ameef? jedha*. 4Beenyaan nama hojjeteef baafamu, gatii argachuun isaaf ta'utti lakkaa'ama malee, akka kennaa tolaatti hin lakkaa'amu*. 5Namni akka seerri abboomutti hin hojjenne garuu Waaqayyo irraa fagaachuu isaa beekee, Waaqayyo isa qajeelaa nama godhutti yoo amane, amantiin isaa qajeelummaatti in lakkaa'amaaf*. 6Namni, waan seerichi abboomu utuma hin hojjetin Waaqayyo qajeelummaa lakkaa'uuf, gammachuu akka qabu Daawit dubbateera,

7?Warri seera irra daddarbuun isaanii dhiifameef,

warri cubbuun isaanii akka deebi'e

hin argamne godhameef haa gammadan!

8Namni gooftichi cubbuu isaa itti hin lakkoofne

haa gammadu*? jedhe.#2 1Qor 1:31 3 Uma 15:6; Gal 3:6 4 11:6 5 3:26,28 7-8 Far 32:1

9Nuyi, ?Amantiin Abrahaamiif qajeelummaatti lakkaa'ame? jenna'o, gammachuun kun warruma dhagna qabatan duwwaadhaafi moo yookiis warra dhagna hin qabatiniifis in ta'a ree? 10Egaa attamitti lakkaa'ameef? Erga inni dhagna qabatee moo yookiis utuu inni dhagna hin qabatin? Erga inni dhagna qabate miti, utuu inni dhagna hin qabatin lakkaa'ameef malee. 11Abrahaam utuu dhagna hin qabatin qajeelummaa amantiidhaan argatee, isa argate kana cimsuudhaafis dhagna-qabaa akka milikkitaatti fudhate; karaa kanaan warra utuu dhagna hin qabatin amanan hundumaaf qajeelummaan akka lakkaa'amuuf abbaa isaanii ta'e*. 12Inni warra dhagna qabataniifis abbaa ta'eera, isaan keessaa iyyuu warra dhagna-qabaa duwwaa utuu hin ta'in, warra karaa amantii isa abbaan keenya Abrahaam utuu dhagna hin qabatin irra adeeme irra faana isaa duukaa bu'aniifis abbaa ta'e*.#11 Uma 17:10-11 12 Mat 3:9; Yoh 8:39

Abdiin Waaqayyoo Karaa Amantii Raawwatamuu Isaa

13Abdiin Abrahaamiif yookiis sanyii isaatiif kenname, biyya lafaa akka dhaaluuf; kunis Abrahaam seera waan eegeef utuu hin ta'in, amantiidhaan qajeelummaa waan argateef isaaf kenname*. 14Namoonni seericha eeguudhaan dhaala sana argatu yoo ta'e, amantiin namaa akkasumaan, abdiin Waaqayyoos gatii malee in hafa*. 15Seerri dheekkamsa Waaqayyoo in fida, garuu utuu seerri hin jiru ta'ee, seera irra darbuunis hin jiru ture*.#13 Uma 17:4-6; 22:17-18; Gal 3:29 14 Gal 3:18 15 3:20; 5:13; 7:8,10

16Kanaafis abdichi ayyaana irraa kan ka'e, sanyii isaa hundumaafis kan eegamu akka ta'uuf amantii irra in dhaabate. Kunis warra seera eeguutti qabaman duwwaaf utuu hin ta'in, warra akka Abrahaam amananiifis immoo in eegama; Abrahaam abbaa hunduma keenyaa ti*. 17Abdiin kun fuula Waaqayyoo dura jira, ?Saba baay'eedhaaf abbaa akka taatuuf ani si dhaabeera? kan jedhu caafameera. Abrahaam immoo Waaqayyo isa warra du'an jiraachisu, isa waan hin jirre akka jiraatu godhutti amaneera*. 18Abrahaam akka yaada namaatti waan hin abdachiifne in abdate; ?Sanyiin kee akkas in baay'ata? akkuma jedhames abbaa saba baay'ee akka ta'u amane*. 19Inni, dhagni isaa akka du'e, nama waggaa dhibba guutuu ga'e ta'uu isaa, gadameessi Saaraas akka waan du'e ta'uu isaa heduudhaan amantiitti hin laafne*. 20Inni amantiitti jabaatee Waaqayyoof hooqubaa dhi'eesse malee, amanuu dhabuudhaan abdii Waaqayyo kenneef hin dhabne. 21Waaqayyo waan abdachiise gochuudhaaf immoo akka danda'u inni guutummaatti hubateera*. 22Kanaaf iyyuu, ?Qajeelummaatti isaaf lakkaa'ame? jedhame*. 23Inni ?Isaaf lakkaa'ame? jedhu Abrahaam duwwaadhaaf caafame miti. 24Nuyi warra amannuufis immoo akka lakkaa'amu caafameera, nuyis Waaqayyo isa gooftaa keenya Yesusin warra du'an keessaa kaasetti in amanna*. 25Yesus irra-daddarbaa keenyaaf du'atti dabarfamee kenname; qajeelummaa akka argannuufis du'aa kaafame*.#16 Gal 3:7,9,14 17 Uma 17:5; Ibr 11:19 18 Uma 15:5; Ibr 11:1 19 Uma 17:17; Ibr 11:11 21 Uma 18:14; Luq 1:37 22 Uma 15:6 24 15:4; 1Phe 1:21 25 8:32,34; Isa 53:4-5

Currently Selected:

GARA WARRA ROOMAA 4: MacQul

Highlight

Copy

Compare