MACAAFA FAARFANNAA 75
75
Abbaa Firdii Qajeelaa Ta'uu Isaatiif Waaqayyoon Galateeffachuu
(Geggeessituu warra faarfatootaaf; kun akka qooqa faarfannaa isa <<Hin balleessin>> jedhamuutti faarfatame; faarfannaa Asaaf; weedduu)
1Nuyi si galateeffanna, yaa Waaqayyo, nuyi si galateeffanna!
Ati maqaa kee isa beekamaadhaan
warra gocha kee isa dinqisiisaa himanitti dhi'oo dha*.#1 Isa 46:13
2Waaqayyo,<<Yeroon murtoo godhee dhaabe sanatti,
firdii qajeelaa nan kenna;
3lafti, warri lafa irra jiraatan hundinuus
iddoo isaanii yommuu gad dhiisan,
utuboota lafichaa jabeessee kan eegu ana>>
in jedha.
4Warra of jajaniin,<<Of hin jajinaa!>>
Warra jal'ootaanis,
<<Gaanfa mataa keessanii irra-keessa hin qabatinaa!
5Gaanfa mataa keessanii ol hin qabatinaa!
Morma yaafachuudhaanis hin dubbatinaa!>> nan jedha.
6Nama ol qabuun ba'a-biiftuutii,
lixa-biiftuutii,
lafa duwwaatiis hin dhufu;
7firdii kan kennu immoo Waaqayyoo dha,
isa tokko gad in deebisa,
isa kaanis ol in qaba*.
8Waaqayyo xoofoo daadhii waynii makaa qabu
isa hoomachaa'u of harkaa qaba;
inni daadhii waynichaa
isa firdiif kennamu irraa in buusa,
jal'oonni lafa irra jiran hundinuu
isa in dhugu,
siicoo isaa wajjinis isa in xururfatu*.#7 147:6; 146:7-9; 1Sam 2:7; Iyo 5:11; Fak 29:23; Isa 2:11-16; His 17:24 8 Er 25:15-16
9Ani garuu bara baraan kana nan labsa,
Waaqayyoon isa kan Yaaqoob
faarfannaadhaan nan jajadha;
10inni mataa jal'ootaa hundumaa irraa
gaanfa in cira,
gaanfi mataa warra qajeelotaa garuu
ol in qabama.
Currently Selected:
MACAAFA FAARFANNAA 75: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
