MACAAFA FAARFANNAA 62
62
Waaqayyoon Duwwaa Abdachuu
(Geggeessituu warra faarfatootaaf; akka Yiduutuun faarfatetti; faarfannaa Daawit)
1Lubbuun koo gab jettee Waaqayyoon duwwaa in eeggatti,
gargaarsi koo isa biraa in dhufa*.
2inni kophaa isaa kattaa koo,
gargaarsa koo, da'oo koo tis,
egaa ani guddisee iddoo kootii hin mittiqu*!#1 37:7; Isa 30:15 2 18:2
3Hamma yoomiitti nama tokko loluudhaaf itti fiigdu ree>>
Hamma yoomiittis isin hundumti keessan,
akka keenyan duufeetti,
akka dallaa sekera'ee raafamuuttis,
isa lafaan dha'uu yaaddu ree>>
4Isaan iddoo isaa isa ulfinaatii,
gad isa darbachuu duwwaa in akeekkatu;
wanti sobaa isaanitti in tola,
afaan isaaniitiin in eebbisu,
keessa garaa isaaniitiin garuu in abaaru.
5Lubbuun koo gab jettee Waaqayyoon duwwaa in eeggatti,
abdii koo isa irra nan kaa'adha.
6Inni kophaa isaa kattaa koo, gargaarsa koo, da'oo koo tis,
egaa ani iddoo kootii hin mittiqu!
7Waa'een oolfamuu kootii fi ulfina kootii,
Waaqayyo harka jira;
kattaan koo inni aango-qabeessi,
iddoon ani kooluu itti galus Waaqayyo bira jira.
8Isin yaa warra saba isaa taatanii,
yeroo hundumaa isa amanadhaa!
Wanta garaa keessanitti yaaddan
isa duratti dhangalaasaa!
Waaqayyo isa nuyi kooluu itti galluu dha.
9Namni xinnaan qilleensa, homaas miti,
namni guddaan soba, dhugaas miti;
miijana irratti ol in ka'u,
walumatti qabaan isaanii immoo
qilleensa caalaa in salphatu*.
10Wanta doorsisaan argamu hin amanatinaa,
wanti saamichaan argamus
akka qilleensaa ta'uu isaa beekaa,
qabeenyi yoo guddates
garaa keessan isa irra hin kaa'atinaa*!#9 39:5-6; Isa 40:15 10 Mat 6:19-21; Luq 12:15-21; 1Xim 6:9,17
11Waaqayyo takkaa dubbateera,
aangoon kan isaa akka ta'e,
lammaffaas dubbateera,
anis kana dhaga'eera.
12Gaarummaan kan kee ti, yaa gooftaa!
Ati namaaf akka hojii isaatti,
gatii isaa in deebifta*!#12 Rom 2:6-11
Currently Selected:
MACAAFA FAARFANNAA 62: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
