MACAAFA FAARFANNAA 36
36
Waa'ee Jal'ina Namaa Fi Waa'ee Gaarummaa Waaqayyoo
(Geggeessituu warra faarfatootaaf; faarfannaa Daawit garbicha Waaqayyoo)
1Cubbuun keessa garaa nama jal'aa
isa gad fagootti in dubbata;
kanaafis Waaqayyoon sodaachuun
yaada namichaa keessa hin jiru*.
2Namichi yakka isaa argee akka hin jibbinetti,
akka yaada isaatiitti of gowwoomsuu isaa ti.
3Dubbiin afaan namichaa keessaa ba'u
haxxumaa fi gowwoomsaa dha,
inni ogummaadhaan hojjechuu,
waan gaariis gochuu dhiiseera.
4Yeroo siree isaa irra jiru illee
haxxumaa isaatiif mala in qopheessa,
karaa gadhee irra bu'eera,
hamaa kan ta'e immoo waan tokko hin tuffatu*.#1 Rom 3:18 4 Mik 2:1
5Yaa Waaqayyo, gaarummaan kee hamma bantiiwwan waaqaa,
amanamummaan kees hamma duumessootaa in ga'a*;
6qajeelummaan kee akka tulloota kee jabaatee in dhaabata,
firdiin ati kennitus,
akka lolaa guddaa ittisa hin qabnee ti;
nama, horii, bineensas
situ gargaaree oolcha, yaa Waaqayyo*!#5 108:4 6 104:27-28
7Yaa Waaqayyo,
gaarummaan kee attam guddaa dha, dinqisiisaa dhas,
ijoolleen namootaa
gaaddisa bobaa kee jalatti kooluu in galu*;
8isaan wanta mana kee keessa guuteen
cidha in godhatu,
bishaan laga gammachuu keetiis akka dhugan in goota;
9burqaan jireenya kennu si bira waan jiruuf,
ifa keetiin ificha in argina*.#7 17:7 9 Er 2:13; Yoh 4:14
10Gaarummaa kee warra si beekaniif,
qajeelummaa kees warra gara-qajeelotaaf ittuma fufi!
11Miilli warra of bokoksanii ana irra hin ejjetin,
harki warra jal'ootaas
oofee biyyaa ana hin baasin!
12Ilaa! Warri hamaa godhan gad darbatamanii kufan;
deebi'aniis ka'uu hin dandeenye.
Currently Selected:
MACAAFA FAARFANNAA 36: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
