MACAAFA FAARFANNAA 21
21
Galata Mo'icha Booddee Dhi'eeffamu
(Geggeessituu warra faarfatootaaf; faarfannaa Daawit)
1Yaa Waaqayyo,
mootiin humna ati argisiiftutti in gammada,
mo'icha akka inni argatuuf gargaaruu keetiif
gammachuu guddaa attamii in qabaata!
2Hawwa garaa isaa isaaf kenniteetta,
waan inni sitti himates isa hin dhowwanne*!
3Ati waan gaariidhaan isa eebbisuuf
gara isaa dhufteetta,
gonfoo warqee qullaa'aa irraa hojjetames
mataa isaa irra keesseetta.#2 20:4; 37:4; 1Mot 3:11-14
4Inni jiraachuudhaaf si kadhate,
atis jireenya in laatteef,
guyyoota jireenya isaas
baraa hamma bara baraatti dheeressiteef*.
5Mo'icha akka inni argatuuf gargaaruu keetiin
ulfinni isaa guddaa ta'e;
surraa fi simboos isa irra in keesse.
6Inni yeroo hundumaaf
eebba akka ta'uuf isa in dhaabda,
dhageettii gammachuu si duratti argamuudhaan dhufuunis
isa in gammachiifta.
7Mootichi Waaqayyoon in amanata,
gaarummaan aabbaas
akka inni hin mittiqne in godha.#4 61:6
8Harki kee diinota kee hundumaa bira in ga'a,
harki kee mirgaas warra si jibban bira in ga'a.
9Yeroo ofii kee argisiiftutti
gubaa akka iddoo ibiddaa isaan in goota;
Waaqayyo dheekkamsa isaatiin isaan in fixa,
ibiddis xaph isaan in godha.
10Ati dhala isaanii lafa irraa,
sanyii isaaniis ilmaan namootaa keessaa in balleessita;
11hamaa yoo si irratti yaadan, yoo si irratti koratanis,
fiixaan baafachuu hin danda'an*.
12Atoo fuula duraan iddaa kee isaanitti in qabda,
dugda duuba deebi'anii akka baqatanis in goota.#11 Isa 8:10
13Yaa Waaqayyo aangoo keetiin ka'i!
Nuyi humna kee in faarfanna,
mi'a garaa garaatiinis faarfannaa in dhageessifna.
Currently Selected:
MACAAFA FAARFANNAA 21: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
