MACAAFA FAARFANNAA 20
20
Kadhata Diina Mo'uuf Kadhatamu
(Geggeessituu warra faarfatootaaf; faarfannaa Daawit)
1Waaqayyo, guyyaa rakkinaatti
kadhata keef deebii siif haa kennu!
Waaqayyo inni kan Yaaqoob, maqaa isaatiin si haa eegu*!
2Inni mana qulqullummaa isaa keessaa
gargaarsa siif haa ergu!
Irkoos Xiyoonii siif haa kennu*!
3Inni kennaa kee hundumaa siif haa yaadatu,
faaraanis gara aarsaa qalma keetii siif haa ilaalu!
4Waan garaan kee jaallatu siif haa kennu!
Akeeka kee hundumaas siif haa raawwatu*!
5Yommus mo'icha ati argatte irratti,
guddifnee sagalee gammachuu in dhageessifna,
maqaa Waaqayyo keenyaatiinis faajii keenya
ol fuunee in dhaabbanna!
Waaqayyo, himata kee hundumaa siif haa raawwatu!#1 Fak 18:10 2 Isa 14:32 4 21:2
6Amma Waaqayyo mootii isa ofii dibee moosiseef
mo'icha akka kennu ani beeka;
inni bantii waaqaa isa qulqulluu kan isaatii keessaa
deebii in deebisaaf;
hojii aangoo harka isaa mirgaatiin hojjetu sanaanis
mo'icha in kennaaf*.
7Kaan konkolaataadhaan,
kaan immoo fardeeniin of jaju;
nuyi garuu maqaa Waaqayyoo gooftaa keenyaan
of in jajanna*.
8Isaan mudhukanii in kufu,
nuyi garuu jilba jabaannee
ol qajeellees in dhaabanna.#6 Bau 15:6 7 33:16-17; 147:10-11; Kes 20:1; Isa 31:1-3
9Yaa Waaqayyo mootii, ati mo'icha kenni!
Guyyaa si waammannuttis ati nuuf deebisi!
Currently Selected:
MACAAFA FAARFANNAA 20: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
