MACAAFA FAARFANNAA 17
17
Waammata Nama Yakka Malee Ari'atamee
(Kadhata Daawit)
1Yaa Waaqayyo, dubbii qajeelaa kana dhaga'i,
iyya koo anaaf dhaggeeffadhu,
gurra kee gara kadhata kootti
gara isa sobaan hin dubbataminiitti qabi!
2Iji kee wanta qajeelaa in arga,
kanaaf mirgi argachuun anaaf ta'u
si biraa anaaf haa dhufu*!
3Garaa koo keessa qortee
halkanis dhuftee yoo na ilaalte,
keessa koos gara galchitee yoo fonqolchite,
hamaa yaaduu koo hin argitu;
dubbii afaan kootii keessaas
irra-daddarbaan hin argamu*.
4Dubbii afaan kee keessaa ba'uun geggeeffamee,
wanta namoonni hojjetan irraa,
karaa isaan humnaan nama irratti ka'an irraas,
of eeggadheera.
5Ejjennaan faana kootii karaa kee irratti jabaateera,
miilli koos hin bitintiru*.#2 43:1 3 139:1-4 4-5 Iyo 23:11-12
6Ani sin waammadha,
ati immoo ana jalaa in owwaatta yaa Waaqayyo!
Gurra kee gara kootti qabi, dubbii koos dhaggeeffadhu!
7Gaarummaan kee dinqisiisaa akka ta'e mul'isi!
Ati warra gara mirga keetti baqatan,
namoota isaan irratti ka'an jalaa in oolchita.
8Akka agartuu ija keetiitti na eegi,
gaaddisa bobaa keetiinis na golboobi*!
9Jal'oota humnaan anatti bu'an,
diinota koo warra gojoma'anii anatti dacha'anis
ati ana irraa dhowwi!
10Dhageettiin garaa isaanii hadoodeera,
afaaniin asii ol in haasa'u.
11Isaan faana dha'anii amma nu marsaniiru;
lafaan nu dha'uudhaafis ija isaanii nu irra kaa'ataniiru.
12Isaan akka leenca waa kukkutachuu kajeelee ti,
akka ilmoo leencaa isa riphee taa'uu ti.#8 91:4; Kes 32:10
13Yaa Waaqayyo, ka'iitii
nama jal'aadhaan mormuudhaaf dura dhaabadhu,
inni gugguufee harka isaa akka kennus godhi!
Billaa keetiin isa harkaa ana baasi.
14Harka keetiinis yaa Waaqayyo namoota harkaa,
namoota warra qoodi jireenya isaanii
wanta biyya lafa kanaa duwwaa ta'e harkaa ana baasi!
Ati wanta keesseen garaa warra akkasii in guutta,
ijoolleen isaanii haa quufan,
isaanis wanta isaan irraa hafu
ijoollee isaaniitiif haa hambisan.
15Ani garuu qajeelummaadhaan fuula kee ilaaluufan jira,
dammaqees bifa kee arguu kootti nan quufa*.#15 Mul 22:4
Currently Selected:
MACAAFA FAARFANNAA 17: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
