MACAAFA FAARFANNAA 16
16
Gammachuu Fuula Waaqayyoo Dura Jiraachuu Keessaa Argamu
(Faarfannaa Daawit isa afaan Ibrootaatti<<Mikitaam>> jedhamuu dha)
1Yaa Waaqayyo, ani kooluu sitti galeera,
ati na eegi!
2Ani Waaqayyoon,<<Ati gooftaa koo ti,
ati anaaf wanta gaarii hundumaa dha>> nan jedha*.
3Warri isaaf qulqullaa'anii biyyicha keessa jiran
ulfina-qaboota,
isaan anaaf guutummaa gammachuu kootii ti.
4Warri Waaqayyoon dhiisanii kan biraa fudhatan,
miidhama of irratti in baay'isu,
dhibaayyuu dhiigaa isaaniif dhi'aatu ani hin dhibaafadhu,
afaan kootiinis maqaa isaanii hin dha'u*.#2 73:25; Faru 3:24 4 Bau 23:13,24; Hos 2:19; Zak 13:2
5Yaa Waaqayyo, ati qooda koo isa anaaf kennamee dha,
ati xoofoo anaaf hiixatamee dha,
ga'aan koos si harkaa in dhufa*;
6funyoon safaraa iddoo gammachiisaa irra anaaf bu'e,
eyyee, ani dhaala guddaa namatti tolu qaba;
7Waaqayyoon isa gorsa anaaf kenne nan jajadha
halkanis immoo yaadni garaa koo isa kana na yaadachiisa;
8Waaqayyo yeroo hundumaa fuula koo dura anaaf jira,
inni mirga koo waan jiruufis ani hin shishu;
9kanaafis garaan koo in gammada,
lubbuun koo inni ulfina-qabeessi in ililcha,
namummaan koos immoo sodaa malee in jiraata.#5 73:26; Lak 18:20
10Ati iddoo lafa jalaatti ana hin laattu,
isa siif of kennes
ijaan iyyuu qilee akka argu hin gootu*.
11Ati karaa jireenyatti nama geessu na barsiifta,
guutummaan gammachuu fuula kee dura,
wanti namatti tolus immoo
bara hundumaattuu mirga kee jira.#10 HoE 13:35
Currently Selected:
MACAAFA FAARFANNAA 16: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
