MACAAFA FAARFANNAA 143
143
Gaarummaa Isaa Abdatanii Araara Isaa Kadhachuu
(Faarfannaa Daawit)
1Yaa Waaqayyo, ati kadhata koo anaaf dhaga'i,
gurri kees himata koo haa dhaggeeffatu!
Amanamummaa keetiin,
qajeelummaa keetiinis anaaf deebisi!
2Garbicha kee firdiitti hin dhi'eessin!
Nama ta'ee kan jiraatu keessa
tokko illee si duratti qajeelaan hin jiru*.#2 130:3; Iyo 9:2; Rom 3:20
3Diinni na ari'ee, jireenya koos lafatti dabale,
akkuma warra kanaan dura du'aniitti,
lafa dukkanaatti na galche.
4Kanaaf hafuurri na xinnaatee,
garaan koos na'ee in hadoode.
5Guyyoota bara durii nan yaadadha,
wanti ati goote hundinuus yaada koo keessa jira;
hojii harka kees irra-deddeebi'ee itti nan yaada*.
6Harka koo gara keettan bal'isa;
lubbuun koo si duratti
akkuma lafa gogee bishaan barbaaduu ti*.#5 77:5-11 6 42:1-2; 63:1
7Hafuurri koo wal qaqqabuu dadhabeera,
ariifadhuu na jalaa owwaadhu, yaa Waaqayyo!
Akka warra boollatti gad bu'anii akkan hin taanetti,
fuula kee achi ana irraa hin qabatin*!
8Ani waanan si amanadheef,
ganama bariidhaan
gaarummaan kee akka anatti dhaga'amu godhi!
Lubbuun koo ol gara kee waan yaadduufis,
karaa irra adeemuun anaaf ta'u ana beeksisi*!#7 102:2 8 59:16
9Warra diina anatti ta'an jalaa na baasi, yaa Waaqayyo!
Ani si jalatti nan baqadha.
10Ati Waaqayyo koo ti, egaa fedha kee gochuu na barsiisi!
Hafuurri kee inni gaariin,
lafa wal qixxee irra ana haa geggeessu*!#10 Nah 9:20
11Maqaa keef jedhii lubbuu anatti deebisi, yaa Waaqayyo!
Qajeelummaa keetiinis rakkina keessaa na baasi*!
12Anoo garbicha kee ti, ati gaarii waan taateef,
warra diina anatti ta'an, fixi!
Warra na cunqursan hundumaas balleessi!#11 115:1
Currently Selected:
MACAAFA FAARFANNAA 143: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
