MACAAFA FAARFANNAA 140
140
Kora Jal'ootaa Jalaa Ba'uuf Kadhachuu
(Geggeessituu warra faarfatootaaf; faarfannaa Daawit)
1Yaa Waaqayyo, namoota hamoota jalaa na baasi,
warra humnaan nama irratti ka'anis ana irraa eegi!
2Isaan wanta hamaa
garaa isaanii keessatti yaadanii in qopheessu,
walitti fufaniis lola in kaasu;
3isaan arraba isaaniitiin akka bofaa nama in iddu,
hidhii isaanii jalas hadhaa mar'ataatu jira*.#3 58:4; Rom 3:13
4Harka warra jal'ootaa ana irraa eegi, yaa Waaqayyo!
Namoota humnaan nama irratti ka'an,
warra miilla koo qabanii
na gufachiisuuf akeekkatanis na baraari!
5Namoonni waan guddaatti of ilaalan
futtaasaa anaaf dhoksaniiru,
kiyyoos funyoodhaan diriirsaniiru;
meendoos karaa irra anaaf dhaabaniiru*.#5 31:4
6Ani immoo gooftichaan,
<<Ati Waaqayyo koo ti>> nan jedha,
yaa Waaqayyo,
gurri kee sagalee himata koo haa dhaggeeffatu*!
7Yaa Waaqayyo gooftaa ko,
gargaarsa koo isa aango-qabeessaa!
Ati guyyaa lolaatti mataa koo anaaf golgiteetta.
8Nama jal'aadhaaf hawwasaa hin baasiniif, yaa Waaqayyo!
Waan inni koratus fiixaan hin baasiniif!#6 22:11
9Warri na marsanii jiran mataa yoo ol qabatan,
hamaan afaan isaanii keessaa ba'u
itti deebi'ee isaan irra haa dambali'u*!
10Barbadaan giimiin isaan irra haa bu'u,
ibiddatti, boolla deebi'anii keessaa hin baane keessattis
haa kuffifaman!
11Namni maqaa namaa balleessu
biyya keessatti hundee hin godhatin!
Isa humnaan nama irratti ka'us,
wanti hamaan adamsee haa dhadha'u!#9 34:21
12Waaqayyo dubbii warra dhibamanii
duukaa akka bu'u ani beeka;
warra dhabaniifis dhugaa in baasa*!
13Egaa warri qajeelonni maqaa keef
galata in galchu,
warri yaada qajeelaa qabanis
fuula kee dura in jiraatu.#12 9:12
Currently Selected:
MACAAFA FAARFANNAA 140: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
