MACAAFA FAARFANNAA 124
124
Gargaarsa Waaqayyoo Yaadatanii Galateeffachuu
(Weedduu ittiin ol ba'an; kan Daawit)
1<<Inni gara keenya gore Waaqayyo utuu ta'uu dhabaatee>>
haa jedhu sabni Israa'el!
2Yeroo namoonni nu irratti ka'an,
<<Inni gara keenya gore
Waaqayyo utuu ta'uu dhabaatee>>
3silaa yeroo aariin isaanii nu irratti boba'e sana,
isaan fayyaatti nu in liqimsu turan*.
4Silaa lolaan nu fudhatee in sokka,
bishaan bubbisus mataa keenya irra in yaa'a ture.
5Silaa huursaan bishaanii,
mataa keenya irra in yaa'a ture*.#1-3 83:4-5 4-5 42:7
6Waaqayyo inni afaan isaanii keessa nu hin buusin,
ulfinaan haa jajamu!
7Akka simbirroonni kiyyoo adamsituu jalaa baatu,
nuyis isaan jalaa in baane
kiyyichi in ciccite, nuyis jalaa in baane.
8Maqaa Waaqayyoo isa waaqaa fi lafa uumeen,
nuyi gargaarsa arganne.
Currently Selected:
MACAAFA FAARFANNAA 124: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
