MACAAFA FAARFANNAA 12
12
Dubbii Namaa Fi Dubbii Waaqayyoo
(Geggeessituu warra faarfatootaaf; kun toora saddeetaffaa irratti faarfatame; faarfannaa Daawit)
1Yaa Waaqayyo, namni siif of kenne hin jiru,
ati nu gargaari!
Warri amanamoonni
ilmaan namootaa gidduudhaa badaniiru'o*;
2namoonni adduma addaan
walii isaaniitti soba in dubbatu,
afaaniin namatti kuuluudhaaf
garaa walaallammiidhaan in dubbatu;
3hidhii sobaan namatti kuuluu hundumaa,
arraba jajuu gurguddaa dubbatus,
gooftichi haa kukkutu!
4Namoonni,<<Nuyi
arraba keenyaan humna in godhanna,
hidhiin keenya nutti jira,
eenyutu nu irratti gooftaa ta'a ree?>> in jedhu*.
5Waaqayyo gooftaan immoo,
<<Warri jara gadadamoo irratti
humnaan ka'an waan jiraniif,
warri wanta barbaachisaa dhabanis
waan aadaniif,
amma ani ka'uufan jedha,
gargaarsa isaan hawwanis
akka argatan nan godhaaf>> in jedha*.#1 116:11 4 73:8-9; Iyo 21:14-15 5 9:12
6Dubbiin Waaqayyoo dubbii qullaa'aa dha,
inni akka meettii
iddoo ibiddaatti si'a torba baqfamee qullaa'ee ti*;
7yaa Waaqayyo, ati nu irra in golgita,
dhaloota kanattiis yeroo hundumaa nu eegda.
8Amalli gadheen ilmaan namootaa gidduutti
akkuma ol ka'aa adeemu,
warri jal'oonni gara hundumaan
caqasaa yoo marsan iyyuu,
ati nu eegda.#6 119:140; Isa 48:10
Currently Selected:
MACAAFA FAARFANNAA 12: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
