MACAAFA FAARFANNAA 11
11
Waaqayyo Nama Qajeelaa Nama Jal'aas Qoree Ilaaluu Isaa
(Geggeessituu warra faarfatootaaf; faarfannaa Daawit)
1Anoo Waaqayyotti kooluu galeera,
isin attamitti,
<<Akka allaattii tulluu keetti ol baqadhu!>>
anaan jechuu dandeessu ree>>
2Kunoo warri jal'oonni,
dukkana keessa warra gara-qajeelotatti gad dhiisuudhaaf,
iddaa dabsataniiru,
xiyya isaaniis ribuutti kaa'ataniiru.
3Wanti gaarii ta'ee namaaf hojjetu hundinuu
hundeen isaa yoo diigame,
namni qajeelaan maal gochuu danda'a ree>>
4Waaqayyo mana qulqullummaa isaa keessa jira,
Waaqayyo teessoo isaa waaqa irraa qaba;
ija isaatiin ilmaan namaa in arga,
agartuun isaas namoota qoree in ilaala*.
5Waaqayyo, nama qajeelaa, nama jal'aas in qora,
isa humnaan nama irratti ka'uu jaallatus
garaa guutuudhaan in jibba.
6Inni barbadaa ibiddaa,
dhagaa boba'us jal'oota irratti in roobsa,
qoodi isaaniis qilleensa gubaa finiinaa dha*;
7Waaqayyo qajeelaa dha, inni hojii qajeelaa in jaallata;
warri waan qajeelaa hojjetan fuula isaa arguuf jiru*.#4 Anb 2:20; 1Mot 8:27; Far 33:13-14; 103:19; Isa 66:1 6 Uma 19:24 7 Mat 5:8
Currently Selected:
MACAAFA FAARFANNAA 11: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.