MACAAFA FAARFANNAA 101
101
Wanta Qajeelaa Jaallachuu, Wanta Hamaamoo Jibbuu
(Faarfannaa Daawit)
1Waa'ee gaarummaa, waa'ee firdii dhugaa nan weeddisa,
sagalee mi'aa dhageessisuudhaanis
sin faarfadha, yaa Waaqayyo.
2Ati yoom gara koo dhufta>>
Waa'ee jireenya balleessaa hin qabnee nan yaada,
mana koo keessas
garaa balleessaa hin qabneen nan jiraadha;
3wanta gadhee ija koo dura kaa'ee hin taa'u,
irra-daddarbaa nan jibba,
akka maxxannee anatti hin qabatu.
4Yaadni micciiramaan garaa koottii haa fagaatu,
waa'ee wanta hamaa beekuu isaa iyyuu hin barbaadu.
5Dhoksaatti nama kan hamatu,
lammaffaa akka hin dubbanne nan godha;
nama waan guddaatti of ilaaluuf,
nama of bokoksuufis
ani obsuu hin danda'u.
6Iji koo gara warra Waaqayyoof amanamanii
biyya keessa taa'anii jira,
isaan anaa wajjin haa jiraatan;
namni karaa warra balleessaa hin qabne irra deddeebi'u,
anaaf haa hojjetu!
7Namni haxxummaadhaan hojjetu,
mana koo keessa hin jiraatu,
namni soba dubbatu ija koo dura hin dhaabatu.
8Namoota hamaa hojjetan hundumaa
mandara Waaqayyoo keessaa balleessuudhaaf,
ganama ganama jal'oota biyya keessa jiran hundumaa
lammaffaa akka hin dubbanne nan godha*.#1-8 72:1-4,12-14; Fak 20:8,28
Currently Selected:
MACAAFA FAARFANNAA 101: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
