Macaafa Fakkeenyaa 4
4
Ogummaan Bu'aa Guddaa Qabaachuu Ishee
1Yaa ilmaan ko, gorsa abbootaa dhaga'aa,
akka hubattanitti yaadaan duukaa bu'aatii dhaggeeffadhaa!
2Ani barsiisa gaarii isiniif nan kenna,
isin seera koo hin dhiisinaa!
3Ani mana abbaa kootti mucaa qananii'aa,
haadha kootiifis ilma tokkicha
yommuun ture,
4abbaan koo kanatti fufee
kan jiru na barsiise;
<<Waanan sitti dubbadhu cimsii yaadatti qabadhu,
in jiraattaatii abboommota koo eegi*!
5Ogummaa argadhu, hubataas ta'i!
Dubbii afaan kootii hin irraanfatin,
irraas hin jal'atin!
6Ogummaan si golgitii ishee hin dhiisin,
si eegdiitii ishee jaalladhu!
7Ogummaan hundumaa irra in caaltiitii
ishee argadhu!
Wanta qabdu hundumaanis,
hubannaa bitadhu*!
8Ol ishee fuudhi,
isheenis ol si qabdi,
ofitti ishee qabi,
isheenis ulfina siif in kenniti;
9isheen daraaraa battee dha'ame
mataa kee irra in keessi,
gonfoo miidhagaas siif in kenniti>> jedhe.#4 3:1-2; Lew 18:5 7 23:23; Mat 13:44-46
10Dhaga'i yaa ilma ko, dubbii koo fudhadhu!
Barri jireenya kees in baay'ata*.
11Ani karaa ogummaa si barsiiseera,
daandii qajeelaa irras si geggeesseera.
12Yommuu adeemtu
karaan sitti hin dhiphatu,
yommuu fiigdus hin gufattu;
13gorsa siif kennamtetti jabaadhu,
gad ishee hin dhiisin!
Isheen jireenya kee waan taateef,
ba'eessa godhii eeggadhu!
14Daandii namoota jal'ootaa irra hin bu'in,
karaa namoota hamootaa irras hin deddeebi'in*!
15Irraa fagaadhu! Isa irras hin adeemin,
irraa gori karaa kee irra adeemi!
16Isaan hamma hamaa godhanitti hin rafan,
hamma nama gufachiisanitti
hirribni ija isaaniitti hin dhufu*;
17buddeena jal'inaa in nyaatu,
daadhii humnaan nama irratti ka'uudhaan
argamus in dhugu.#10 3:1-2 14 Far 1:1 16 Far 36:4; Mik 2:1
18Daandiin qajeelotaa
akka ifa barii ganamaa,
isa yeroo biiftuun baatee
ol adeemtu,
ittumaa ifaa ol adeemuu ti.
19Daandiin jal'ootaa garuu
akka dukkana limixii ti,
jal'oonni
wanta isaan gufachiisu hin beekan*.#19 24:20
20Yaa ilma ko, dubbii koo dhaga'i,
gurra kees gara wanta
ani jedhuutti qabi!
21Isaan ija kee duraa hin dhabamin,
yaadatti isaan qabadhu!
22Isaan nama isaan argateef jireenya,
guutummaa dhagna isaatiifis fayyina*;
23wanti jireenyaaf barbaachisu
yaada garaa keessaa waan ba'uuf,
yaada kee ba'eessa godhii eeggadhu!
24Jal'ina dubbachuu afaan keettii,
dubbii micciiramaas
arraba keettii fageessi!
25Iji kee kallattiidhaan qajeelchee haa ilaalu,
wanta ija kee dura jiru
duwwaa ilaali*!
26Irra adeemuudhaaf akka ta'utti,
daandii kee wal qixxeeffadhu!
Yommus adeemsi kee
hundinuu siif in qajeela*;
27gara mirgaatti yookiis bitaatti hin gorin,
miilla kee wanta hamaattii deebisi*!#22 3:8 25 17:24 26 Ibr 12:13 27 Iya 1:7
Currently Selected:
Macaafa Fakkeenyaa 4: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
