Macaafa Fakkeenyaa 31
31
Gorsa Moototaaf Kenname
1Jechi kanatti fufee jiru,
isa haati Lemu'el mootii Maasaa
ittiin isa gorsitee dha*;
2yaa ilma ko, yaa dhala dhabaa,
yaa ilma ani wareegaan godhadhe!
Maaluma sitti himu ree>>
3Ati humna kee dubartootatti hin dhangalaasin!
Jireenya kees dubartoota
mootota balleessanitti
gad hin dhiisin*!#1 30:1 3 Kes 17:17; 1Mot 11:1,4
4Moototaaf hin ta'u! Yaa Lemu'el,
mootonni daadhii waynii dhuguutti
of gad-dhiisuun hin ta'u!
Gurguddoonni biyyaas
dhugaatii nama macheessu
hawwuun gaarii miti*.
5Isaan yoo dhugan,
wanta seerri jedhu in irraanfatu;
firdii ijoollee hiyyeessaas in jal'isu.
6Dhugaatiin nama macheessu
nama badiisatti dhi'aateef,
daadhiin wayniis
nama jireenyi itti hadhaa'eef kennama.
7Namni akkasii dhugee hiyyuma isaa haa irraanfatu,
gadadama isaas deebi'ee hin yaadatin!#4 20:1
8Ati warra ofii isaaniitiif
dubbachuu hin dandeenyeef dubbadhu!
Warra abbaan irra hin jirreefis
dhugaa isaanii eegiif*!
9Isaaniif dubbadhu,
firdii qajeelaas isaaniif kenni!
Warra hiyyeessotaa fi
warra wanta barbaachisaa
dhabaniif falmi!#8 Iyo 29:12
Haadha Manaa Qabaa Mana Isheetii Beektu
10Haadha manaa mana ishee qabuu dandeessu,
eenyutu argachuu danda'a ree>>
Isheen callee gati-jabeessa hundumaa irra
guddaa in caalti*;
11abbaan manaa ishee ishee in amanata;
qabeenyis isatti hin hir'atu.
12Bara jireenya ishee hundumaatti,
wanta gaarii gootiif malee,
wanta hamaa isa irratti hin hojjettu;
13isheen rifeensaa fi quncee talbaa barbaaddee,
dhimmitees uffata in dhoofti.
14Markaboonni naggaadotaa,
biyya fagoo dhaqanii akkuma
mi'a fidan,
isheenis biyya fagootii nyaata ishee in fidatti.#10 18:22
15Isheen ganama
utuu lafti hin bari'in kaatee,
maatii isheetiif nyaata in kenniti,
xomboreewwan isheettis
hojii hojii isaanii in argisiifti.
16Isheen qortee ilaaltee
lafa in bitatti;
horii itti dadhabdee argatteenis
biqiltuu waynii in dhaabbatti.
17Mudhii ishee jabeessitee in hidhatti,
irree ishee cimsattees in hojjetatti.
18Hojiin ishee bu'aa akka qabu in ilaalti,
ibsaan ishees halkan hin dhaamu;
19muka itti jirbii maran
harka isheetti in baatti,
qubeettii isheetiin immoo calii in qabatti.
20Isheen hiyyeessaaf in arjoomti,
dhabaadhaafis garaa in laafti;
21maatiin ishee uffannaa dhaamocha
nama irraa ittisu
waan qabaniif,
yommuu alaa cabbii buusee roobu
maatii isheetiif hin yaaddoftu;
22isheen uffata siree in dha'atti,
uffata calaqqisaa,
quncee talbaa ba'eessa irraa
dha'ames in uffatti.
23Abbaan manaa ishee jaarsolii biyyaa wajjin,
yaa'ii karra mandaraa keessa
yommuu taa'u ulfina qaba;
24isheen quncee talbaa irraa
uffata dhooftee in gurgurti,
naggaadotattis sabbata in gurgurti;
25humnaa fi ulfina
akka uffataatti in uffatti;
yeroodhuma dhufuttis in gammaddi.
26Ogummaadhaan in dubbatti,
barsiifni gaariinis
afaan ishee keessaa in ba'a.
27Isheen yeroo hundumaa
jireenya maatii isheetii in eegdi,
utuu hin hojjetinis
akkasumaan buddeena hin nyaattu.
28Ijoolleen ishee lafaa ka'anii
<<Eebbifamtuu!>> jedhanii
ishee in waamu,
abbaan manaa ishee immoo ishee jajatee,
29<<Dubartoota baay'eetu
wanta ba'eessa hojjeta,
ati garuu hunduma isaanii in caalta>>
isheedhaan in jedha.
30Simboon nama irraa in darbiti
miidhaginnis nama in gowwoomsiti,
dubartiin Waaqayyoon sodaattu garuu in jajamti.
31Gatii ija hojii isheetii isheedhaaf kennaa!
Hojiin ishee yaa'ii karra mandaraa keessatti ishee haa jaju!
Currently Selected:
Macaafa Fakkeenyaa 31: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
