Macaafa Fakkeenyaa 27
27
Fakkeenyaan Dubbachuu Ittuma Fufuu Isaa
1Wanta guyyaan fidu hin beektu,
kanaafis wanta bor ta'uun
of hin jajin*!
2Namni si haa jaju malee,
ati of hin jajin!
Namni biraa si haa jaju malee,
afaan keen of hin jajin!
3Dhagaan ulfaataa dha, cirrachi ba'aa dha,
inni namni gowwaan tuttuqee
nama aarsu garuu,
isaan lachuu caalaa in ulfaata.
4Dheekkamsi akka gara-jabinaatti,
aariin akka lollaatti guutee
nama irra in dhangala'a;
caalaatti garuu hinaaffaa dura eenyutu dhaabachuu danda'a?#1 Yaq 4:13-14
5Isa dhoksaatti nama jaallatu irra
isa mul'inatti
nama ifatu wayya*.
6Dhungachuu diinaa irra,
rukutee madeessuu nama
nama jaallatuu wayya*;
7namni quufe, damma in balfa;
nama beela'aatti garuu
wanti hadhaa'aan iyyuu in miyaa'a.
8Namni mana isaa irraa kaate,
akka simbira mann'ee irraa kaatee ti;
9dibannii fi urgooftuun
akkuma nama gammachiisan,
akkasuma gorsi firaa inni dhugaan
garaa nama in ciibsa.#5 Lew 19:17 6 Far 141:5; Mat 26:49
10Michuu kee fi michuu abbaa keetii hin dhiisin!
Yeroo rakkina keetiitti
mana obboleessa keetii hin dhaqin!
Obboleessa fagoo jiru irra,
ollaa dhi'oo jiru wayya*.
11Yaa ilma ko, nama ana arrabsuuf
deebii kennuu akkan danda'utti,
ati ogeessa ta'i, garaa na ciibsi!
12Namni hubataan
wanta hamaa argee jalaa in dhokata,
wallaalaan garuu itti in adeema,
in adabamas*.
13Wayyaa nama nama
ormaaf wabii darbuu
qabsiisa fudhadhu!
Qooda namicha hin beekamne sanaa,
wayyaa isaa qabsiisa godhii fudhadhu*!#10 17:17; 18:24 12 22:3 13 20:16
14Namni ganama obboroo ka'ee,
sagalee guddaadhaan nama yoo eebbise,
eebbi sun abaarsa itti in fakkaata.
15Haati manaa qoccoltuun,
akka mana guyyaa bokkaan roobu dhimm'isaa ooluu ti;
16ishee ittisuun akka nama
qilleensa ittisuu,
yookiis akka nama dhadhaa ejersaa qabuuf yaaluu ti*;
17sibiilli sibiila in qara,
namnis nama biratti in qarama.
18Namni muka harbuu dhaabu
ija isaa in nyaata,
namni gooftaa isaa eegu ulfina in argata.#15-16 19:13
19Bishaan nama isa keessa ilaale akkuma mul'isu,
akkasuma yaadni namaas namichuma in mul'isa.
20Iddoon lafa jalaa fi lafti badiisaa
<<In quufne>> akkuma hin jenne,
iji namaas akkasuma
ilaalee hin quufu*;
21meetiinii fi warqeen
qodaa itti baqfaman keessatti akkuma qoraman,
akkasuma namni
afaan warra isa galateeffatuutiin in ilaalama.
22Gowwaa akka midhaaniitti moonyeetti
yoo tumte iyyuu,
gowwuma isaa isa irraa hin baaftu.
23Bushaayeen kee attamitti akka jiran yaadaan qabi,
saawwan kees ba'eessa godhii eeggadhu!#20 Lal 1:8
24Soorumni bara baraan
nama harkatti hin hafu,
gonfoon mootummaas dhalootaa dhalootatti hin darbu.
25Okaan yeroo haamamu,
margis jalaan yommuu biqilu,
biqilli tulluu irraas yommuu sassaabamu,
26hoolota keetiin daara in baata,
korbeeyyii re'oota keetiinis
lafa in bitatta.
27Soora keetiif soora maatii keetiif,
xomboreewwan kee ittiin jiraachisuufis
kan si ga'u, aannan reettii in qabaatta.
Currently Selected:
Macaafa Fakkeenyaa 27: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
