Macaafa Fakkeenyaa 23
23
Jechi Ogeessotaa Ittuma Fufuu Isaa
1Nyaata nyaachuudhaaf nama biyya bulchuu wajjin yommuu teessu,
wanta si dura jiru hubadhuu ilaali!
2Nama nyaataaf sassatu yoo taate,
of dhowwi!
3Nyaatichi waan si gowwoomsuuf,
miyaan isaa si hin kajeelchisin!
4Sooromuuf jettee of hin dadhabsiisin,
of qabuu kee argisiisuufis
ogummaa qabaadhu*!
5Soorumni akka wanta baallee qabuutti,
akka joobiraattis qilleensa
keessa balali'ee,
hamma liphsuu ijaatti
ija namaa duraa in sokka.#4 28:22
6Maaddii hinaaftuu irraa hin nyaatin!
Miyaan nyaatichaas si hin kajeelchisin!
7Inni akka nama isa yeroo hundumaa
gatii nyaatichi baasu garaa isaa
keessatti yaaduu ti,
inni afaaniin,<<Hadaraa nyaadhu, dhugi!>> sin jedha,
garaan isaa garuu si bira hin jiru.
8Wanta nyaatte in didigda,
dubbii kee isa miyaa'aas in balleessita.
9Gowwaan ogummaa dubbii keetii
sababii tuffatuuf,
ati isatti hin dubbatin!
10Dhagaa daarii bara durii dhaabate,
iddoo isaatii hin butin,
maasii ijoollee abbaan irra hin jirreettis
daarii hin darbin!
11Inni isaan furu aango-qabeessa,
waa'ee isaaniitiifis sitti in falma*.#10-11 22:28; 15:25; 22:22-23
12Gorsicha garaa keetti,
dubbii beekumsaas
gurra keetti galfadhu!
13Mararfattee mucaa adabuu hin dhiisin,
karaabaadhaan yoo rukutte inni hin du'u;
14karaabaadhaan isa yoo rukutte,
lubbuu isaa iddoo lafa jalaa dhaquu in oolchita*.#13-14 13:24; 22:15
15Yaa ilma ko, ati ogeessa yoo taate,
garaan koo immoo in gammada.
16Afaan kee dubbii qajeelaa yommuu dubbatu,
keessi namummaa kootii in gammada.
17Yeroo hundumaa garaan kee sodaa Waaqayyoof
haa hinaafu malee,
cubbamootatti hin hinaafin*!
18Dhugumaan ati gara fuula duraatti
abdii in godhatta;
abdiin kees hin citu*.#17 3:31 18 14:32; 24:14
19Yaa ilma ko dhaga'i! Ogeessa ta'i,
yaada kees daandii qajeelaa irratti eegi!
20Hidhata warra daadhii waynii gar-malee dhuganii fi
foon gar-malee nyaatanii hin ta'in!
21Machooftuu ta'uunii fi albaadhessa ta'uun
nama in hiyyoomsa,
raftuu ta'uunis moofaa namatti in uffisa*.#20-21 20:1; 21:17
22Abbaa kee isa si dhalche dhaga'i,
yommuu haati kee dulloomtus
ishee hin tuffatin*!
23Dhugaa fi ogummaa, barsiisaa fi hubannaa,
argadhu malee hin gurgurin*!
24Abbaan nama qajeelaa guddaa in gammada,
inni ilma ogeessa dhalches isatti in gammada.
25Abbaan kee fi haati kee haa gammadan,
isheen si deesse haa gammaddu*!#22 1:8 23 4:7 24-25 10:1
26Yaa ilma ko, dubbii koo yaadatti qabadhu,
iji kees akka ani itti jiraadhu haa ilaalu!
27Dubartii ejjituun boolla gad fagoo dha,
dubartiin gaalamoonni boolla bishaanii isa dhiphaa dha.
28Isheen akka saamtuu riphxee in ciifti,
namoonni baay'een
akka hin amanamne in gooti*.#27-28 5:3-6; 22:14; 7:10-14
29Eenyutu<<Wayyoo! Wayyoo!>> jedha>>
Eenyutu gadda>>
Eenyutu nama qoccola>>
Eenyutu nama komata>>
Eenyutu sababii malee madaa'a>>
Eenyutti iji diddiimata>>
30Warra daadhii waynii gar-malee dhugan,
warra yeroo hundumaa daadhii waynii
isa makaa qabu barbaaduuf adeemanii dha;
31daadhiin waynii yommuu diimatu,
bifni isaas shurrubbee keessaa
yommuu calaqqisu,
yommuu inni miyaa'aa gad lixu si hin gomjaasisin!
32Innoo erga isa dhuganii booddee
akka bofaa nama in idda,
akka hadhaa mar'ataas
nama in miidha.
33Yommus gara dubartii gaalamootaa in ilaalta,
afaan kees dubbii micciiramaa in dubbata.
34Akka nama galaana walakkaa ciisuu,
akka nama bantii markabaa irra rafuus in taata.
35Ati,<<Isaan ana dha'an,
garuu na hin dhukkubne,
ana rukutan garuu
anatti hin dhaga'amne,
yooman dammaqee
dhugaatii kan biraa argadha?>> in jetta*.#29-35 20:1; Isa 56:12
Currently Selected:
Macaafa Fakkeenyaa 23: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
