Macaafa Fakkeenyaa 17
17
Gorsi Jecha Solomoon Itti Fufuu Isaa
1Mana wanta nyaatamuun guutee
waliin morkii qabu irra,
lafa nagaan jirutti buddeena cabduu ishee wayya*;
2hojjetaan ogeessi
ilma doofaa bulcha,
obboloota gidduudhaas dhaala in hirmata;
3akkuma meetiinii fi warqeen
qodaa itti baqfaman
keessatti qoraman,
Waaqayyo garaa namaa in qora*.#1 15:7 3 Far 66:10
4Hamaa kan godhu nama hamaatiif in dhaga'a,
namni sobu dubbii nama hamaa in fudhata.
5Namni hiyyeessatti ga'isu
uumaa isaa arrabsa,
badiisa namaatti kan gammadus,
utuu hin adabamin hin hafu*;
6akaakaawwan maanguddootaaf,
abboonnis ijoollota isaaniitiif gonfoo dha;
7dubbiin ba'eessi nama gowwaaf hin ta'u,
dubbiin sobaa immoo caalaadhumatti
guddaa biyyaaf hin galu;
8gabbarsuun nama isa kennuuf
akka callee miidhagaa ti,
namichi iddoo dhaqu hundumaatti
wanti inni hojjetu hundinuu
waan wal qixxaatuuf
itti in fakkaata*;
9namni irra-daddarbaa namaa namaaf dhiisu
jaalala barbaada;
namni dubbii hafe keessa deddeebi'u garuu
firoota gargar baasa.#5 14:21 8 18:16
10Gowwaatti rukuttaan dhibbi
dhaga'amuu caalaa,
nama hubataatti ifanni in dhaga'ama.
11Namni hamaan humnaan
nama irratti ka'uu barbaada,
isatti immoo ergamaa
araara hin buufnetu ergama.
12Nama gowwaa gowwuma isaatti jirutti dhaquu irra,
amaaketa dhaltuu
ilmaan ishee jalaa butatamanitti
dhaquu wayya.
13Namni qooda gaarii
wanta hamaa yoo deebise,
wanti hamaan mana isaattii hin fagaatu;
14lola jalqabuun
akka nama bishaan jal'isii
cabsee yaasuu ti,
kanaafis ati
utuu dubbiin isaa hin jabaatin qabbaneessi!
15Isa nama jal'aadhaan <<Qajeelaa dha>> jedhuuf,
isa nama qajeelaatti faradu,
Waaqayyo in ciigga'a*.
16Gowwaan ogummaa argachuudhaaf erga hin hawwinee,
horii of harkaa qabaachuun isaa
maal isaaf godha ree>>
17Firoonni yeroo hundumaa wal jaallatu,
haadhonnis gaafa xiiqiitiif*.#15 18:5; 24:23-25; 28:21; Isa 5:23; Lew 19:15 17 18:24; 27:10
18Namni qalbii hin qabne
waliigaltee jabeessuudhaaf
harka namaa in rukuta,
ollaa isaatiifis wabii in darba*.
19Namni irra-daddarbaa jaallatu
lola jaallata,
namni<<Na argaa, na argaa!>> jedhu immoo
badiisa ofitti in waama.
20Nama yaada micciiramaa qabuuf,
wanti inni hojjetu
wal hin qixxaatuuf;
namni nama gowwoomsu,
rakkina keessa in bu'a.
21Gowwaa ilmatti guddifachuun
gadda namatti in fida,
abbaan ilma gowwaas
gammachuu hin qabu.#18 6:1-5
22Garaan gammadu fayyina namaaf kenna,
yaadni cabaan garuu lafee gogsa*.
23Namni jal'aan firdii qajeelaa micciiruudhaaf,
dhoksaatti gabbarsuu in fudhata*.
24Iji nama ogeessaa gara ogummaa ilaala,
iji nama gowwaa garuu,
hamma daarii lafaatti in joora*.#22 15:13 23 Bau 23:8 24 4:25
25Ilmi gowwaan abbaa isaatti aarii in fida,
ishee isa deessettis
jireenyi akka hadhaa'u in godha*;
26nama balleessaa hin qabne adabuun,
gurguddoota biyyaas
sababii isaan qajeeloo ta'aniif
rukutuun gaarii miti;
27namni beekaan of qusachaa dubbata,
namni hubataanis hin banbanu*;
28gowwaan iyyuu yoo cal jedhe akka ogeessaa ti,
afaan isaas yoo qabate
akka hubataatti in ilaalama*.#25 19:13 27 10:19; Yaq 1:19 28 Iyo 13:5
Currently Selected:
Macaafa Fakkeenyaa 17: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
