Macaafa Miikiyaas Raajichaa 1
1
Ittiin Lixa
1Kun dubbii Waaqayyoo isa bara Yotaam, Ahaaz, Hisqiyaasis tarreetti Yihudaa irratti mo'anitti gara Miikiyaas nama mandara Mooresheet dhufeef, mul'ata isa waa'ee Samaariyaa fi waa'ee Yerusaalemiif itti mul'atee dha*.#1 Isa 1:1; Er 26:18; Hos 1:1
Firdiin Israa'elii Fi Yihudaatti Dhufuuf Akka Jiru Himuu Isaa
2Waaqayyo gooftaan mana qulqullummaa isaa keessaa
isin irratti dhugaa in ba'a;
sabni lafa irraa guutummaatti
waan gooftichi jedhu haa dhaga'an!
Biyyi lafaa, warri isa keessa guutanis
yaadaan haa qaban!
3Ilaa! Waaqayyo iddoo jiruu in ba'a, gadis in bu'a,
lafa ol jedhaa gara irraas in adeema*.
4Tulloonni akka gagaa ibiddi baqsuu
isa jalatti in baqu,
akka lafa bishaan irraan-gadee
lola'u qotuuttis
dachaawwan in tatarsa'u*.#2-3 Isa 26:21; Amo 4:13 4 Far 97:5
5Kun hundinuu immoo sababii
irra-daddarbaa Yaaqoobiif
sababii cubbuu
mana Israa'eliif ta'e;
Yaaqoob akka irra daddarbu
eenyutu godhe>>
Samaariyaa dha mitii ree>>
Yihudaa keessatti iddoo itti
waaqayyolii tolfamaniif
sagadan eenyutu qopheesse>>
Yerusaalem mitii ree*>>
6Kanaafis Waaqayyo,
<<Ani mandara Samaariyaa
caccabsee lafatti nan dabala,
lafa muka waynii dhaabanis
isa nan godha;
dhagaa ijaarsa mana isheetii
dachaatti gad nan naqa,
hundee ishees bakkeetti nan baasa.
7Bifni fakkeenyaa isheen waaqessitu
hundinuu in hurreeffamu,
galchiin ishee keessatti argamu
hundinuus ibiddaan in gubama,
waaqayyoliin tolfamoon ishee
akka gatii dhaban nan godha,
wanti isheen waaqayyolii isheetiif hojjechuuf
ejjaan argatte immoo deebi'ee
hojii ejjummaaf in ta'a>> jedhe*.#5 1Mot 16:24-26; 2Mot 23:13; Er 23:13-14 7 Hos 8:4; 13:2; 4:14
Rakkinni Waan Dhufuuf Jiruuf Boo'uu Isaa
8Sababii kanaaf ani nan boo'a nan wawwaadha,
miilla qullaa, uffata malees nan adeema;
akka waangoo nan wawwaadha,
akka guchii goromtiis nan boo'a*.
9Madaan rukuttaa mandarattii
isa fayyu miti;
gara biyya Yihudaa dhufeera,
karra Yerusaalem
ishee kan saba kootii bira iyyuu ga'eera.#8 Iyo 30:29
10Mandara Gaatitti kana hin himinaa!
Mandara Aakoo keessatti hin boo'inaa!
Mandara Bet-Le'aafraatti immoo
awwaara keessa gangaladhaa*!
11Isin warri mandara Shaafiir
qullaa keessan yeelloodhaan ba'aa!
Warri Zaanaan mandaraa isaaniitii
gad hin ba'in!
Boo'ichi mandara Bet-Ezel
achi isin hin dhaabachiisu;
12warri mandara Maaroot
wanta gaarii dhimmanii eeggatu;
wanti hamaan immoo Waaqayyo biraa
balbala kellaa Yerusaalem irratti
gad in dhufa.
13Yaa warra mandara Laakiish,
teepha konkolaataa,
farda isa harkisutti hidhaa!
Irra-daddarbaan Israa'el keessatti hojjetamaa ture
isin gidduutti argame;
warra Xiyoonis isintu
cubbuu hojjechuu jalqabsiise*.
14Kanaafis isin
mandara Mooresheet-Gaat
gad in dhiiftu;
manneetiin mandara Akziib
mootota Israa'el in gowwoomsan.#10 2Sam 1:20 13 Isa 2:7; 30:16
15Isin yaa warra Mareshaa,
isa ammas dhufee
mandara keessan qabatu
Waaqayyo isinitti in fida;
Israa'el keessaa warri
ulfina qaban
gara Adulaam in dhufu*.
16Gadda ijoollee warra mararsiifattaniif
rifeensa mataa keessanii murmuradhaa
yookiis mataa keessan haaddadhaa!
Isaan isin duraa
waan booji'amaniif,
mataa keessan akka mataa goggocoroo
isa rifeensi irra hin jirree godhadhaa*!#15 1Sam 22:1 16 Er 7:29
Currently Selected:
Macaafa Miikiyaas Raajichaa 1: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
