Macaafa Iyoob 9
9
Iyoob Dubbii Biildaadiif Deebii Kennuu Isaa
1Kana irratti Iyoob deebisee,
2<<Dhuguma iyyuu kun
akkas akka ta'e ani beeka!
Garuu namni attamitti
Waaqayyo duratti qajeelaa ta'uu danda'a ree*>>
3Namni tokko Waaqayyotti falmuu
yoo barbaade,
kuma keessaa tokkotti illee Waaqayyo
deebii hin kennuuf.
4Ogummaan Waaqayyoo gad fagoo dha,
inni aango-qabeessa;
eenyutu mata-jabina isaatiin
isaan mormee nagaatti jiraate>>
5Inni dheekkamsa isaatiin tulloota
yeroo gara galchu,
utuu isaan quba hin qabaatin,
iddoo isaaniitii isaan in buta.
6Inni lafa iddoo isaatii in sochoosa,
utuboonni lafaas in raafamu;
7inni biiftuu in abbooma,
akka isheen ifa hin kennines in godha;
ifa urjootaas mallattoodhaan in cufa*.
8Inni kophaa isaa bantiiwwan waaqaa in diriirse;
dha'aawwan galaanaa irras in ejjete*;
9urjoota <<Amaaketa guddicha>> jedhaman,
urjoota <<Sadee>> jedhaman,
urjoota <<Torbii>> jedhaman,
tutee urjoota gara mirgaas
isatu uume*.
10Wanta gurguddaa
hubannaa namaa gara irraa ta'e,
wanta dinqisiisaa
lakkoobsa hin qabnes in hojjeta*.
11Kunoo, anatu isa hin argu malee,
inni na bira in adeema;
anatu isa hin hubatu malee,
inni na bukkee in darba*;
12Yoo inni butee adeeme,
eenyutu isa dhowwachuu danda'a ree>>
Eenyutus wanta inni hojjetu
isa gaafachuu danda'a ree*>>
13Waaqayyo dheekkamsa isaa hin deebisu,
warri Rahaab jawwee galaanaa sana gargaaran
miilla isaa jalatti gad in gugguufu*.#2 40:3-5; Far 143:2 7 Isa 13:10; Yoe 2:10; Amo 5:8 8 Far 104:2; Isa 40:22; Mat 14:25 9 38:31-32; Amo 5:8 10 5:9 11 35:14; Bau 33:18-23 12 Lal 8:4 13 7:13; 26:12; Far 89:10; Isa 51:9
14<<Egaa attamittan
deebii isaaf kennuu danda'a>>
Wantan isaa wajjin dubbadhus
attamittan fo'achuu danda'a ree*>>
15Utuman dhugaa qabaadhe illee
abbaa firdii kootiin
araara kadhadha malee,
deebii isaaf kennuu hin danda'u;
16utuman isa waammadhee
innis anaaf deebisee iyyuu,
akka inni sagalee koo dhaga'u
amanuu hin danda'u*.
17Inni bubbee humna-qabeessaan na cabsa,
sababii malees madaa koo in baay'isa;
18inni wanta hadhaa'aadhaan na guuta malee,
hafuura ana hin fudhachiisu.
19Waa'ee humnaaf yoo ta'e,
inni aango-qabeessa;
waa'ee firdiif yoo ta'e,
eenyutu iddoo sanatti isa waama>>
20Utuman dhugaa qabaadhe illee,
afaan koo anatti in farachiisa;
utuman qajeelaa ta'e iyyuu,
<<Ati jal'aa dha>> naan jedha.#14 Lal 6:10 16 9:32-33
21<<Utuman hir'ina hin qabu ta'e iyyuu,
ani waa'ee ofii kootii hin beeku,
jireenya koos nan jibba.
22Hundumtuu tokkichuma,
kanaafan,<<Inni warra qajeelotaa fi
warra jal'oota walumatti qabee in balleessa>> jedhe.
23Dha'ichi du'a dingataa yommuu fidu,
inni abdii kutachuu
warra balleessaa hin qabneetti in kolfa.
24Yommuu biyyi lafaa harka
warra jal'otaatti kennamtu,
Waaqayyo ija abboota firdii biyyichaa in jaamsa;
isa malee eenyutu kana godha ree>>
25<<Barri jireenya koo nama fiigu caalaa in ariifata;
inni qaratti in balali'a,
wanta gaariis hin argu*.
26Inni akka bidiruu jajjaba irraa hojjetameetti,
akka joobira wanta nyaatu irratti
bubbu'uu fi balali'uutti,
dafee in darba.
27Ani,<<Gadda koo nan irraanfadha,
nyaara guuruu dhiisees nan seeqa>> yoon jedhe,
28akka nama yakka hin qabneetti,
akka ati ana hin ilaalle
waanan beekuuf,
dhiphinni koo hundinuu na rom'isiisa;
29balleessaan anatti murama erga ta'ee,
maaliifan akkasumaan dhama'a ree>>
30Saamunaadhaan utuun dhiqadhee iyyuu,
harka koos daaraadhaan
utuman qulleeffadhe iyyuu*,
31ati raaree keessa na buufta,
uffanni koos ana in ciigga'a.#25 7:6 30 Er 2:22
32<<Akka walii wajjin
firdiitti dhi'aannee,
deebii isaaf hin kennineef,
inni akka koo nama foon uffate miti;
33namni nu araarsuudhaaf,
harka isaa nu lamaanuu irra qabu hin jiru;
34silaa'oo inni ulee isaa dugda koo irraa in fuudha,
naasisuun isaas ana hin sodaachisu ture*;
35anis utuun isa hin sodaatin,
isatti nan dubbadhan ture;
amma garuu ofii kootiin
isatti dubbachuu hin danda'u.#34 6:4
Currently Selected:
Macaafa Iyoob 9: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
