Macaafa Iyoob 33
33
Eliihuun Yaada Isaa Gara Iyoobitti Deebifachuu Isaa
1<<Amma garuu yaa Iyoob
waanan jedhu dhaga'i!
Dubbii koo hundumaas dhaggeeffadhu!
2Kunoo, ani amma afaan koo nan saaqqadha,
arraba kootiinis nan dubbadha.
3Dubbiin koo gara-qajeelina koo irraa ka'a,
afaan koos beekumsa mul'isee in dubbata.
4Hafuurri Waaqayyoo na uumeera,
hafuurri inni hundumaa danda'u
anatti baafate sunis
ana in jiraachisa*.
5Egaa, yoo dandeesse
deebii anaaf kenni,
wanta dubbattu qopheeffadhuutii
ana dura dhaabadhu!
6Kunoo, ani Waaqayyo duratti akkuma kee ti,
anis suphee irraan hojjetame*;
7kunoo, ana sodaachuun si hin naasisu,
harki koos sitti hin ulfaatu!#4 27:3 6 10:9
8<<Dhuguma ati utuman si dhaga'uu dubbatteetta,
anis dubbicha dhaga'eera;
9<<Ani xuraa'ummaa hin qabu,
irra-daddarbaas hin qabu,
qullaa'aa dha, yakkis ana irra hin jiru*;
10garuu Waaqayyo immoo
karaa ittiin naan mormu in argata,
akka diina isaattis na lakkaa'a*.
11Inni miillan koo
jirma ulfaataa gidduu galchee,
tarkaanfii koo hundumaas in eega>> in jetta*.#9 11:4; 16:17; 27:6; 31:1-40 10 13:24; 19:11 11 13:27
12<<Kunoo, kana irratti dhugaa
akka ati hin qabne,
sitti nan hima,
Waaqayyo nama caalaa guddaa dha.
13<<Waaqayyo dubbii namaa hundumaaf
deebii hin kennu>> jettee,
ati maaliif isaan morkatta*>>
14Namni isa hubatu hin jiru
yoo ta'e iyyuu,
Waaqayyo karaa tokko,
karaa lamas in dubbata.
15Utuu namoonni siree isaanii irraa muganii,
abjuudhaan, mul'ata halkaniitiin,
hirribni ulfaataan
yeroo isaan qabatu*,
16yommus inni gurra isaaniitti in dubbata
adabaanis isaan in naasisa*.
17Kunis nama hojii isaa isa hamaa irraa deebisuudhaaf;
of bokoksuu irraas isa eeguudhaaf;
18lubbuun isaa boolla akka hin linne,
jireenyi isaas billaadhaan
akka hin badne oolchuudhaaf.
19Namni siree isaa irrattis dhukkubaan,
dhukkuba jabaa isa yeroo hundumaa
lafee isaa keessaa isa nyaatuun in adabama*.
20Jireenyi isaa buddeena,
garaan isaas nyaata hawwisiisaa in ciigga'a;
21foon isaa guutummaatti irraa in dhuma,
lafeewwan isaa warri dur hin mul'annes
bakkeetti in yaa'u*.
22Lubbuun isaa gara boollaatti,
jireenyi isaas gara ergamaa du'aatti in dhi'aata.#13 30:20 15 4:13-17; 1Mot 3:5; Dan 2:1,29 16 36:10 19 5:17-18; 30:17; 2Qor 12:5-10 21 16:8; Dan 9:21-23
23<<Ergamoota kuma keessaa inni tokko,
gidduu dhaabatee afaan yoo hiike,
wanta namni gochuun irra jirus
yoo yaadachiise,
24faara itti tolee,<<Ani isaaf furee argeera,
boollatti gad bu'uu isa oolchi*!
25Dhagni isaa kan saafelaa caalaatti haa haara'u!
Akka bara dargaggummaa isaattis haa deebi'u!>> yoo jedhe*,
26yommus namni Waaqayyoon in kadhata,
akka inni
sagalee gammachuu dhageessisaa fuula isaa arguttis,
Waaqayyo isatti in gammada;
qajeelina isaas iddootti in deebisaaf*.
27Namoota warra kaan duratti faarfatee,
<<Ani cubbuu hojjedheera,
qajeelummaas micciireera,
Waaqayyo garuu akkasitti anaaf hin deebifne*;
28inni lubbuu koo gara boollaa dhaquu oolcheera,
jireenyi koos ifa in arga>> in jedha.#24 Far 49:8-11 25 29:18-20; Far 103:5 26 19:26-27 27 Far 103:10; Rom 6:23
29<<Kunoo, Waaqayyo irra deddeebisee,
kana hundumaa namaaf in godha.
30Ifni jireenyaa isa irratti akka ibsuuf,
lubbuu namaa deebisee boolla keessaa in baasa*.#30 Far 30:3; 56:13; 103:4; 116:8
31<<Yaa Iyoob, yaadaan qabii na dhaggeeffadhu,
ani nan dubbadha, ati calluma jedhi!
32Wanta jettu yoo qabaatte anaaf deebisi,
ani dhugaa siif galchuu nan barbaada, dubbadhu!
33Kanaa'achi immoo calluma jedhii na dhaggeeffadhu,
ani ogummaa sin barsiisa!>> jedhe.
Currently Selected:
Macaafa Iyoob 33: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
