Macaafa Iyoob 30
30
Ulfinni Iyoob Gad-Deebiitti Geddaramuu Isaa
1<<Amma garuu warri na booddee ta'an
anatti in kolfu,
isaanis warra ani bara baay'eedhaaf
abboonni isaanii saroota bushaayee koo
eeganii wajjin
akka hin teenyeef illee tuffadhee dha*.
2Abboonni isaanii kun,
humni isaan ittiin hubatan
erga irraa darbe,
jabinni irree isaanii anaaf maal godha>>
3Dhabaa fi beela irraa kan ka'e goganiiru,
isaan lafa gogaa, onaa fi qoddii in qorqu.
4Biqiltuu lafa soogiddaa
huuxxii wajjin in buqqifatu,
hidda muka hadhaa'aas nyaata isaanii in godhatu.
5Namoota gidduudhaa baafamaniiru,
namoonnis akka hattuutti
isaanitti in iyyu.
6Fottoqaa lafaa keessa, kattaa gidduu,
boolla lafaa keessas jiraachuun giddii isaanitti ta'e.
7Huuxxii keessaa akka harree in alaakan,
huuxxii qoraattii jalatti walitti in tuuta'an.
8Ilmaan gowwootaa,
ilmaan warra maqaa hin qabnee,
biyya keessaa oofamaniiru.#1 19:18
9<<Ammas ani muka weedduu isaanii ti,
muka mammaaksa isaaniis nan ta'e*.
10Isaan ana ciigga'anii anattii in fagaatu,
fuula kootti tufuufis hin seesan*.
11Waaqayyo fo'aa iddaa kootii laafisee,
waan gad na deebiseef,
isaan immoo wanta isaan ittisu
fuula koo duratti of irraa in gatan.
12Gara harka koo mirgaatiin
tuuta toora hin qabnetu ka'a,
isaan miilla koo karaa irraa kaachisu,
karaa isaanii isa badiisaas ana dura in kaa'u;
13isaan karaa koo in kutu,
na balleessuudhaaf rakkina anatti in baay'isu
namni isaan dhowwus hin jiru.
14Akka waan qaawwa bal'aa keessa darbaniitti in dhufu,
ona caccabaa jalaanis gad in konkolaatu.
15Naasuun akka lollaatti ana irra ba'u,
ulfinni koo
akka waan qilleensi fudhateetti
ana irraa in sokke;
qabeenyi koo akka duumessaatti
ana irraa in darba.#9 17:6; Far 69:12; Faru 3:14,63 10 Isa 50:6; Mat 26:67
16<<Ammas lubbuun koo na keessaa
ba'uuf jetti,
guyyoonni rakkinaas na qabatan.
17Dhukkubni halkan lafee koo in ura,
ana irraas in harcaasa;
dhukkubni nyaataa koos
ana hin dhaggeeffatu.
18Humna dhukkuba kootii isa guddaadhaan
uffanni koo bifa bade,
dhukkubni koo kun
akka mormi kittaa nama qabutti na qabe.
19Inni dhoqqee keessatti na darbate,
anis gad deebi'ee
akka biyyoo fi daaraa nan ta'e;
20yaa Waaqayyo, ani sittan iyyadhe,
ati garuu anaaf hin deebifne;
ani nan dhaabadhe,
ati garuu calluma jettee na ilaalte*.
21Ati gara-jabinaan anatti gara galte,
aangoo irree keetiinis na dhoofte.
22Ati isas akkan yaabbadhu na goote,
gara qilleensaatti ol na fuute,
bubbee keessatti immoo na aate.
23Gara du'aatti,
gara mana warri jiraatan hundinuu
itti wal ga'aniittis
akka ati na geessitu anuu beeka*.#20 19:7; Far 22:2 23 Uma 3:19; Lal 12:5,7; 1Qor 15:22
24<<Haa ta'u iyyuu malee,
warri hiyyeessonni rakkina isaanii keessatti,
firdii dhugaadhaaf
yeroo gara kootti iyyatan,
ani ciqilee isaan irra dhaabbadhee beekaa ree>>
25Ani warra rakkina keessa jiraniif hin boonyee ree>>
Warra deegaadhaafis garaan koo hin gaddinee ree*>>
26Yeroo ani waan gaarii abdadhetti hamaatu dhufe,
yeroo ani ifa eeggadhetti
dukkanatu dhufe.
27Yaaddoonii fi dhiphinni garaa koo in gube,
takkaas gab anatti hin jenne,
guyyoonni rakkinaas tarree galanii
na dura jiru*.
28Anis aduuttii fagaadheen
gaddaa adeema,
wal ga'ii keessa ijaajjees
gargaarsaaf nan iyya.
29Ani akka waangoo addaan baatee boossuu,
akka guchii goromtii lafa duwwaa keessaas
kopha-galeessa nan ta'e*.
30Gogaan dhagna koo ana irratti gurraaca'e,
lafeen koos ho'aan in gubate*.
31Kiraarri sirba koo sagalee boo'ichaatti,
ululleen koos
sagalee wawwaannaatti in geddarama.#25 Far 35:13-14; Rom 12:15 27 Far 38:6-8; Faru 1:20 29 Far 102:6; Mik 1:8 30 Far 102:3-5; 3:4; 4:8
Currently Selected:
Macaafa Iyoob 30: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
