Macaafa Iyoob 29
29
Wanta Iyoob Gara Dhumaatti Waa'ee Ofii Isaaf Dubbate
1Iyoob dubbii isaa isa yaada gad fagoo of keessaa qabu sana
ammas itti fufee,
2<<Maaloo, ani akka ji'oota darbanii,
isa akka bara Waaqayyo na eegaa turee
utuun ta'e*!
3Yeroo ibsaan isaa mataa koo irratti ifee,
dukkana keessas ani ibsaa isaatiin adeeme*,
4bara koo isa guutuu sanatti,
yeroo eegumsi Waaqayyoo
godoo koo irra ture,
5yeroo inni hundumaa danda'u
anaa wajjin ture,
yommuu ijoolleen koo na marsanii turan,
6yeroo ani qabeenya keessa ba'ee itittuudhaan
faana koo dhiqadhe,
yommuu kattaan dhadhaa ejersaa
anaaf yaase*,#2 42:10-17 3 Far 18:28 6 20:17
7<<Yeroo ani gara karra kellaatti ba'e,
yommuun lafa wal ga'ii sanatti
taa'umsa koo qopheeffadhe,
8dargaggoonni na arganii karaa irraa goran,
jaarsoliinis ka'anii in ijaajjan*;
9gurguddoonni dubbii afaanitti qabatan;
harka isaaniitiinis afaan isaanii qabatan.
10Sagaleen dura-buutotaa
cal jechisiifame;
arrabni isaaniis laagaa isaaniitti in maxxane.
11Gurri na dhaga'e,<<Baga gammadde!>> naan jedhe,
iji na arges anaaf dhugaa ba'e.
12Ani hiyyeessa iyyatu,
isa abbaan irra hin jirre
gargaarsa hin qabnes fureera'o*.
13Namni du'uuf jedhe na eebbiseera,
dubartii abbaan manaa irraa du'es
garaan ishee akka ililchu godheera.
14Ani qajeelummaa akka uffataatti nan uffadhe,
innis anatti uffifame;
firdiinis akka qoloo fi akka marata mataa ture*.
15Ani warra jaamotaaf ija,
warra naafotaafis miillan ture*;
16ani isa deegaadhaaf abbaan ture,
dhimma nama ani hin beeknees
duukaa bu'ee nan baasaafan ture*;
17ani qarriffaa nama jal'aa cabse,
isa inni qabate qaaruu isaa
keessaa buuseera*.#8 Lew 19:32 12 31:16; Bau 22:21-22; Far 72:12 14 Isa 59:17 15 Lew 19:14 16 Fak 29:7; Iyo 31:18 17 Isa 11:4
18<<Yommus ani yaada kootti,
<<Bara koo akka cirrachaa nan baay'ifadha,
godoo koo keessattis nan du'a;
19hiddooliin koo yaa'anii bishaan bira in ga'u,
halkan guutuus
fixeensi damoota koo irra in buufata*;
20ulfinni koo akkuma haaraa
ta'etti in hafa,
iddaan koos harka koo keessatti
in haareffama>> nan jedhe*.#19 Far 1:3; Hos 14:5-6 20 30:11; Fak 21:21
21<<Namoonni eeggatanii na dhaggeeffatan,
gorsa koo dhaga'uufis calluma jedhan.
22Erga ani dubbadhee,
isaan hin dubbanne;
dubbiin koo immoo gurra isaaniitti cophe.
23Isaan akka nama bokkaa eeggatuutti,
akka nama bokkaa arfaasaa eeggatuuttis,
afaan isaanii bananii na eegattan.
24Yeroo isaan amanuu dadhabanitti
ani isaanitti nan kolfe;
isaan fuula koo isa ifaas
lafa hin ilaalchifne.
25Ani karaa isaaniif fo'ee,
akka dura-buutuutti nan taa'e;
akka mootii loltuu isaa gidduu jiruutti,
akka isa
warra gaddan jajjabeessuttis nan jiraadhe.
Currently Selected:
Macaafa Iyoob 29: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
