Macaafa Iyoob 17
17
Iyoob Deebii Isaa Ittuma Fufuu Isaa
1<<Hafuurri koo na keessaa yaa'uuf jetti,
barri jireenya koo dhumeera,
awwaallis anaaf qophaa'ee jira*.
2Dhuguma warri ga'iftuun
na marsanii jiru,
iji koos tuttuqaa isaanii irra buufatee jira.
3Anaaf qabsiisa kan ta'u
of bira anaaf kaa'i!
Si malee
abdii kan anaaf ta'u eenyu ree*>>
4Akka isaan hin hubanneef
yaada isaanii jalaa dhoksiteetta,
kanaaf akka isaan mo'an hin gootu;
5nama qabeenya firoota isaa
hirmachuuf jedhee
maqaa isaanii balleessu,
iji ijoollota isaatii arguu in dadhaba.
6Waaqayyo, nama isa namni
fuula isaatti tufu,
nama hundumaafis
muka mammaaksaa na godhe*.
7Gadda irraa kan ka'e iji koo arguu dhabe,
bu'aan dhagna kootii hundinuus
gaadidduu isaatu adeema.
8Namoonni yaada qajeelaa qaban
kana in dinqifatu,
namni balleessaa hin qabne
warra Waaqayyo malee jiraatanitti in ka'a*;
9haa ta'u iyyuu malee,
namni qajeelaan karaa isaatti in jabaata,
inni harki isaa hin xuraa'inis
humna dabalachaa in adeema.#1 Far 88:3-5 3 16:19 6 12:4; 30:9 8 Isa 52:14-15
10<<Hundumti keessan
mee deebi'aatii yaalaa!
Ani garuu isin gidduudhaa
nama ogeessa hin argadhu.
11Barri jireenya koo darbeera,
akeeki koo, hawwiin garaa koos
karaatti in hafe.
12Jarri kun halkan guyyaatti in deebisu,
yeroo dukkanaa'u immoo,<<Ifni dhi'oo dha>> in jedhu*.
13Iddoo lafa jalaa akka mana kootiitti
yoon ilaale,
siree koos dukkana keessa yoon dhaabadhe,
14boolla qilleetiin,<<Ati abbaa koo ti?,
raammoodhaanis,<<Ati haadha koo ti
yookiis obboleettii koo ti>> yoon jedhe,
15egaa yoos abdiin koo meerree ree>>
Abdii koo kanas eenyutu arga ree>>
16Inni gara karra iddoo lafa jalaatti
gad in bu'aa ree>>
Walii wajjinis biyyoo keessa
gad in linnaa ree?>> jedhe.#12 11:17
Currently Selected:
Macaafa Iyoob 17: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
