Macaafa Ermiyaas Raajichaa 46
46
Biyya Gibxii Irratti Raajiin Dubbatamuu Isaa
(Isa 19:1-25; His 29–32)
1Dubbiin Waaqayyoo inni waa'ee saba lafa irraatiif gara ana Ermiyaas dhufe, kanatti fufee jira; 2Yehoyaaqiim ilmi Yosiyaas Yihudaa irratti mo'ee waggaa afuraffaa isaatti bara Fara'oon Nekoon mootiin biyya Gibxii Nebukadnezaar mootii Baabilonitti duulee mandara Karkemiish isa laga Efraaxiisitti dhi'oo jiru keessatti mo'ame, kun biyya Gibxii fi loltoota ishee irratti dubbatame*.
3Inni,<<Gaachana guddaa fi xinnaa qopheeffadhaa,
lolaafis ba'aa!
4Fardeen fe'adhaatii yaabbadhaa,
gonfoo sibiilaa kaa'adhaatii dhi'aadhaa!
Eeboo keessan qaradhaa,
madaa sibiilaa uffadhaa!
5Ani attamittan
utuu isaan sodaatanii
baqatanii arga>>
Gootonni isaanii warri jajjaboonni
mo'amanii in baqatan,
gara booddee utuu hin mil'atin
sodaatanii jalaa in fiigan,
sodaanis karaa hundaa
isaan in marse*.#2 25:1-2; 2Mot 23:29 5 6:25; 20:3
6<<Warri baay'ee fiigan duraa ba'u,
warri jajjaboonnis
jalaa ba'uu hin danda'an;
isaan biyya gara bitaa,
qarqara laga Efraaxiisitti,
gufatanii kufanii in hafu.
7Inni akka galaana Abbayyaa ol ka'u,
inni akka bishaan guutee
manii irra dhangala'us
lafa sochoosaa yaa'u kun eenyu>>
8Gibxi akka galaana Abbayyaa ol in ka'a,
akka bishaan guutee manii irra dhangala'us
lafa in sochoosa;
Gibxi,<<Ani ol ka'ee
lafa hundumaa nan uffisa,
mandarootaa fi namoota
isaan keessa jiraatan nan balleessa;
9yaa abboota fardeenii ka'aa,
warri konkolaataa ooftanis
ariitiidhaan fiigsisaa!
Isin warri gaachana baatan,
yaa gootota Kuush, yaa gootota Fux,
isin warri iddaa qabattan,
yaa gootota Lud,
isin warri iddaa qabachuuf
ittiin hojjechuu beektan
ka'aatii fiigaa!>> jedhe.
10<<Guyyaan sun
guyyaa Waaqayyo gooftaa maccaa,
guyyaa inni itti diinota isaa irratti
ijaa baafatuu dha;
billaan hamma quufutti isaan in nyaata,
hamma machaa'uttis dhiiga isaanii in dhuga;
Waaqayyo gooftaan maccaa,
biyya gara bitaatti,
galaana Efraaxiis biratti,
aarsaa qalamu isaan in godhata*.
11Isin yaa saba Gibxi,
warra akka durbaa,
gara Giil'aad dhaqaatii
qoricha dibatamu bitadhaa!
Isin akkasumaan
qoricha baay'ee barbaaddu,
inni homaa isin fayyisuu hin danda'u*.
12Yeella'uun keessan saba lafa irraa
biratti dhaga'ameera,
iyyi keessanis lafa irra guuteera;
gootni goota gufatee
lachuun isaanii walii wajjin
kufaniiru>> jedhe.#10 47:6; Isa 2:12; Kes 32:41-42 11 8:22
13Nebukadnezaar mootiin Baabilon dhufee
biyya Gibxii rukutuuf akka jiru
Waaqayyo akka kanatti fufee jirutti
ana Ermiyaasitti in dubbate*.
14Inni, << <Billaan
warra naannoo keessan jiraatan
fixuuf waan jedhuuf,
ka'aatii lolaaf qophaa'aa!>> jedhiitii
warra Gibxiitti himi!
Warra mandara Miigdol,
mandara Nofii fi
mandara Taahafenee keessa jiraatanitti labsi*!
15Gootonni kee maaliif jabaatanii
dhaabachuu dadhabanii kufu>>
Waaqayyo waan isaan darbatuuf kufu;
16isaan ammaa amma gufatanii
wal irratti in kukkufu,
walii walii isaaniittis,
<<Kottaa gara saba keenyaatti in deebinaa,
gara biyya itti dhalanne in dhaqnaa,
billaa diinotaa kana jalaas in baqannaa!>>
jedhanii in dubbatu.
17Isaan achitti,
<<Fara'oon mootiin Gibxii
nama afaaniitti,
yeroon isaaf murame duraa darbeera>>
jedhanii sagalee guddaadhaan in dubbatu>> jedhe*.#13 43:10-11 14 44:1 17 Isa 30:7
18Waaqayyo gooftaan maccaa inni mootichi,
<< <Dhugaa ana isa jiraataa,
namni akka tulluu Taabor
isa tulloota gidduudhaa mul'atu,
akka tulluu Qarmelos
isa galaana bukkee dhaabatu,
jabaatu tokko in dhufa>> jedhe*.
19Isin warri biyya Gibxii
keessa jiraattan,
booji'amuudhaaf mi'a keessan
xaxadhaatii qopheeffadhaa!
Mandarri Noof diigamee one,
kan namni keessa hin jiraanne in ta'a*.#18 48:15; Far 93:1; Er 10:16 19 10:17
20<<Gibxi akka goromsaa miidhagduu dha,
garuu qarxaasaan ishee ciniinu
biyya gara-bitaatii dhufee
dhugumaan ishee irra in qubata*.
21Yommus loltoonni isheen bitatte
biyya ishee keessa jiraatan,
warri akka tuntunoo sooramanii coomanis immoo
deebi'anii baqatanii in sokku;
yeroon isaan itti adabamanii fi
yeroon badiisaa waan isaanitti dhufeef,
isaan keessaa tokko illee dhaabatee
kan hafu hin jiru.
22Diinonni akka nama muka muru,
qottoo mirmirsaa
yommuu isaanitti dhufan,
warri Gibxii akka bofa yaa'utti hasaasaa
isaan jalaa in baqatu;
23isaan caakkaa warra Gibxii isa gobbuu,
isa namni lixuu hin dandeenye
murmuranii in fixu;
lakkoobsi isaanii akka hawaannisaa
baay'ee waan ta'eef,
namni isaan lakkaa'uu hin danda'u;
kana ana Waaqayyotu dubbate.
24Yommus warri Gibxii
saba warra biyya gara-bitaatii dhufutti
dabarfamanii in kennamu,
in yeellaasifamus>> jedhe.#20 1:14
25Waaqayyo gooftaan maccaa, Waaqayyo inni kan Israa'el,<<Kunoo! Amoon Waaqayyo tolfamaa isa mandara Tebes keessa jiru, biyya Gibxii fi mootii ishee akkasumas waaqayyolii ishee, gurguddoota ishee, warra mooticha amanatan hundumaas nan adaba*; 26Nebukadnezaar mootii Baabilonii fi loltoota isaa warra lubbuu isaanii balleessuu barbaaddanitti dabarsee isaan nan kenna; kana booddee garuu deebi'anii biyyattii keessa akka isaanii duriitti in jiraatu; kana ana Waaqayyotu dubbate*.
27Yaa garboota ko, yaa sanyii Yaaqoob hin sodaatinaa,
yaa saba Israa'el hin na'inaa!
Ani kunoo! Biyya fagoodhaa
isin nan fida,
sanyii keessanis
iddoo isaan itti booji'amanii nan baasa;
sanyiin Yaaqoob achitti deebi'anii
bir'aa malee nagaatti in jiraatu;
kan isaan sodaachisus hin jiru.
28Yaa garboota ko, yaa sanyii Yaaqoob,
ani isinii wajjin waanan jiruuf, hin sodaatinaa!
Saba warran keessa isin tamsaase
hundumaa nan balleessa,
isiniin garuu qajeelummaadhaan
adabeen deebisa malee,
raawwadhee isin hin balleessu;
isin adabuu garuu hin dhiisu>> jedhe;
kana Waaqayyotu dubbate*.#25 43:12 26 44:30; 12:15; 48:47; 49:6,39; Isa 19:19-25; His 29:13-16 27-28 30:10-11
Currently Selected:
Macaafa Ermiyaas Raajichaa 46: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
