Macaafa Ermiyaas Raajichaa 30
30
Waaqayyo Saba Isaatiif Abdii Kennuu Isaa
1Dubbiin Waaqayyo biraa gara ana Ermiyaas dhufe kanatti fufee jira; 2Waaqayyo gooftaan inni kan Israa'el,<<Wanta ani amma sitti dubbadhu kana hundumaa caaffadhu*! 3Kunoo! Barri ani itti saba koo warra biyya Israa'elii fi biyya Yihudaa keessaa booji'aman deebisee fidu in dhufa; biyya isa ani abboota isaaniif dhuunfaa godhee kennetti isaan nan deebisa>> jedhe; kana Waaqayyotu dubbate*.#1-2 36:2,28; 51:59-60 3 23:3; 29:14
4Wanti Waaqayyo waa'ee Israa'eliif, waa'ee Yihudaafis dubbate kanatti fufee jira;
5Waaqayyo,
<<Isin,<<Sodaanii fi naasuun
akka jiru dhageenyeerra,
nagaanis hin jiru>> jettaniittu;
6mee iyyaafadhaatii ilaalaa!
Dhugumaan dhiirri da'uu in danda'aa ree>>
Maaliif dhiirri hundinuu
akka dubartii ciniinsfattuu
harka isaatiin dugda isaa qabata ree>>
Maaliifis hundumti isaanii
fuula badu ree*>>
7Wayyoo! Guyyaan sun
guyyaa guddaa sodaachisaa dha;
kan akka isaatii ta'ee hin beeku;
inni sanyii Yaaqoobiif
guyyaa rakkinaa in ta'a;
isaan garuu kanuma keessaa in baraaramu*.#6 4:31 7 Amo 5:18-20; Yoe 2:11; Sef 1:14-15
8<<Ani guyyaa sanatti
waanjoo morma isaanii irraa
fuudhee nan cabsa,
hudhaa isaas isaan irraa nan kuta;
si'achi ormi garbicha
isaan hin godhatu*;
9isaan ana Waaqayyo gooftaa isaaniitiif
akkasumas mootii isaanii isa ani
sanyii Daawit keessaa isaaniif kaasuuf in hojjetu*.
10Kanaaf yaa garboota ko,
yaa sanyii Yaaqoob hin sodaatinaa!
Yaa saba Israa'el hin na'inaa!
Ani kunoo, biyya fagoodhaa
isin nan fida,
sanyii keessanis iddoo isaan
itti booji'amanii nan baasa;
sanyiin Yaaqoob achitti deebi'anii
bir'aa malee nagaatti in jiraatu;
kan isaan sodaachisus hin jiru.
11Ani isinii wajjinan jira,
isin nan gargaara,
saba warran keessa isin tamsaase
hundumaa nan balleessa,
isiniin garuu qajeelummaadhaan adabeen
isin deebisa malee,
raawwadhee isin hin balleessu,
isin adabuu immoo hin dhiisu>> jedhe*.#8 27:12-15; 28:10-14; Lew 26:13; Isa 10:27; 14:25; His 34:27; Naho 1:13 9 Luq 1:74-75; Er 23:5; Hos 3:5 10-11 46:27-28; 42:11; 1:8; Isa 41:8-13; Lew 26:6; His 34:28; Er 10:24; 4:27; Isa 43:5
12Waaqayyo dubbii isaa itti fufee,
<<Isin madaa fayyuu hin dandeenyeen
in madooftan,
miidhama guddaadhaanis in miidhamtan*;
13namni isin gargaaru hin jiru,
madaa keessanis qorichi
fayyisu hin jiru.
14Warri dur isin jaallachaa turan hundinuu,
amma isin irraanfattaniiru,
dhimma keessanis hin qaban;
yakki keessan guddaa,
cubbuun keessanis baay'ee
waan ta'eef,
akka nama diina isaa rukutuuttan
oo'a malee rukutee isin madeesse*.
15Anoo sababii yakka keessan isa guddaaf,
cubbuu keessan isa baay'eefis jedheen
isin adabe,
isin maaliif madaa keessan
isa qorichi fayyisuu hin dandeenyeef iyyitu>>
16Amma garuu warri isin nyaatan
hundinuu akka nyaataman,
diinonni keessan hundinuu
akka booji'aman,
warri isin saaman akka saamaman,
warri isin ari'atan hundinuu
akka ari'ataman nan godha*.
17Diinonni keessan,
<<Isin Xiyoon ishee gatamte,
ishee namni dhimma ishee hin qabnee dha>>
yoo isiniin jedhan iyyuu,
ani immoo madaa keessan nan fayyisa,
gogaa haaraas isa irratti nan biqilcha;
kana ana Waaqayyotu dubbate*.#12 10:19; 15:18 14 4:30; Faru 1:2,19 16 10:25; Isa 33:1; His 39:10 17 8:22; 33:6; Isa 57:18-19
18<<Kunoo! Ani saba koo
warra sanyii Yaaqoob keessaa booji'aman nan deebisa,
iddoo isaan jiraatanittis
oo'a isaanitti nan argisiisa;
mandarattiin deebitee
iddoo ishee duriitti in ijaaramti,
manni mootummaas
iddoo isaa duriitti
deebi'ee in ijaarama*.
19Sagaleen faarfannaa galataa fi
sagaleen gammachuu
achi keessaa in dhaga'ama;
ani isaan nan baay'isa malee,
isaan hin xinneessu*;
ulfina isaaniif nan kenna malee,
isaan hin salphisu*;
20ijoolleen isaanii
akkuma abboota isaanii durii
akka ta'an,
tokkummaan waldaa isaanii fuula koo duratti
jabaatee akka dhaabatu nan godha;
nama isaan cunqursu
hundumaas nan adaba*.
21Namni isaan geggeessu
isaanuma keessaa in dhalata,
kan isaan bulchus
isaanuma gidduudhaa in ba'aaf;
inni gara kootti akka dhi'aatu nan godha,
innis gara koo in dhufa;
kanaa achi eenyutu ija jabaatee
gara kootti dhi'aachuu danda'a ree*>>
22Egaa isaan saba koo in ta'u,
anis Waaqayyo isaanii nan ta'a>> jedhe;
kana Waaqayyotu dubbate*.#18 29:13-14 19 29:6; 23:3; Lew 26:9; His 36:8-11,37-38; 37:26 20 2:3 21 Kes 17:15; Zak 10:4; Lak 8:19 22 7:23
23Kunoo! Bubbeen dheekkamsa Waaqayyoo
inni sodaachisaan
mataa warra jal'ootaa irratti in bubbisa;
24bubbeen dheekkamsa Waaqayyoo kun
wanta inni yaade
utuu fiixaan hin baasin,
utuu hin raawwatinis hin deebi'u;
kun immoo yeroo raawwatamutti
hubachuuf jirtu*.#23-24 23:19-20
Currently Selected:
Macaafa Ermiyaas Raajichaa 30: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
