Macaafa Ermiyaas Raajichaa 3
3
Waa'ee Amanamuu Dhabuu Saba Israa'el Dubbachuu Isaa
1Waaqayyo,<<Namni tokko
haadha manaa isaa yoo baase,
isheenis baatee nama biraatti
erga heerumtee,
namichi deebisee ishee galfachuu in danda'aa ree>>
Kana yoo godhe biyyichi baay'ee in xuraa'a mitii ree>>
Ati garuu warra si jaallatan
warra baay'ee wajjin ejjiteetta;
amma immoo gara kootti
deebi'uu barbaaddaa ree*>>
2Mee ilaali! Tulluun
ati irratti hin ejjin jiraa>>
Akkuma warri Arabaa
lafa onaa keessa taa'anii
nama saamuudhaaf eeggatan,
akkasuma ati karaa dura teessee
warra si jaallatan eeggachaa turte;
ejja keetii fi hammina keetiin
biyyicha xureessiteetta*.
3Ati gaalamoota ija hin fuune taate,
yeelloonis si irraa waan fagaateef,
bokkaan inni duraa in ittifame,
inni booddees hin roobne*.
4Ammas ati anaan,<<Ati abbaa koo ti,
mucummaa kootii jalqabdees
ana jaallatteetta*.
5Amma immoo hamma bara baraatti
anatti dheekkamtaa ree>>
Hamma dhumaattis
anatti in aartaa ree?>> jechaa,
kunoo, hammuma dandeessu
cubbuu in hojjetta>> jedhe*.#1 Kes 24:1-4 2 2:7; Uma 38:14-15; His 16:25; Amo 4:13 3 5:24-25; 14:4; Kes 28:23-24; Far 107:33-34; Yoe 1:17-20 4 3:19; 2:27; 31:9; Bau 4:22; Isa 63:16; Hos 11:1; Mil 1:6 5 2:35
6Bara Yosiyaas mootii turetti Waaqayyo ana Ermiyaasitti dubbatee,<<Wanta Israa'el isheen hin amanamne kun hojjette argiteettaa>> Isheen gaara dheeraa hundumaa irratti, muka baala qabu hundumaa jalattis ejjiteetti*; 7<<Kana hundumaa erga gootee iyyuu gaabbitee gara kootti in deebiti>> jedheen yaade; isheen garuu hin deebine; obboleettiin ishee Yihudaan isheen hin amanamnes kana in argite. 8Ani Israa'elin sababii ejjummaa isheetiif caaffata isheen ittiin baatu kenneefii gad nan dhiise; haa ta'u iyyuu malee, obboleettiin ishee Yihudaan isheen hin amanamne utuma kana argituu dhaqxee in ejjite*; 9ejjuun isheetti salphaa waan fakkaatuuf dhagaadhaa fi mukatti sagaduudhaan biyyichaa fi ofii ishee in xureessite*. 10Yihudaan obboleettiin ishee isheen hin amanamne sobdee waan deebite fakkaatte malee, garaa ishee hundumaan gara kootti hin deebine>> naan jedhe; Waaqayyo kana dubbateera.#6 2:20 8 His 16:23-24 9 2:27
11Ammas Waaqayyo anatti dubbatee,<<Yihudaa ishee hin amanamne irra, Israa'el ishee ana Waaqayyo irraa gara galtetu qajeeltuu dha*; 12egaa dhaqii dubbii kana biyya gara bitaatti dubbadhuu,<<Yaa Israa'el, ishee ana Waaqayyo irraa gara galtee, ani araara-qabeessa waanan ta'eef, hamma bara baraatti sitti hin dheekkamu, ija dheekkamsaatiinis si hin ilaaluutii, gara kootti deebi'i!>> jedhi*! 13Ati,<<Ana Waaqayyo gooftaa keetiif abboomamuu diduudhaan ana irratti kaatee muka baala qabu hundumaa jalatti waaqayyolii ormaatiif waan sitti tolu waan hojjetteef, ati yakka kee beeki!>> jedhi!>> jedhe; Waaqayyo kana dubbateera*.#11 23:13-14 12 Kes 30:2-10; Far 103:9; Faru 3:31-32 13 2:20; 17:2-3; Kes 12:2; 1Mot 14:23; 2Mot 16:4; 17:10; Isa 57:5; His 6:13
14Waaqayyo,<<Yaa saba anattii gara galtanii, ani gooftaa keessani'o deebi'aa! Ani isin keessaa mandara mandaraa nama tokko tokko, qomoo qomoo keessaa nama lama lama, deebisee gara Xiyoon nan fida*. 15Ani tiksoota warra akka garaa kootii isiniif nan kenna; isaan beekumsaa fi hubachuudhaan isin in geggeessu*; 16isin baay'attanii biyyicha keessa yommuu guuttan, namni waa'ee bidiruu kakuu Waaqayyoo dubbatu, namni waa'ee isaa yaadatu, kan isa barbaadus hin jiru; inni deebi'ee hin hojjetamu*. 17Haa ta'u iyyuu malee, yommus Yerusaalem,<<Teessoo Waaqayyoo>> jedhamtee in waamamti; sabni lafa irraa hundinuu ulfina anaaf kennuudhaaf Yerusaalemitti walitti in qabamu; si'achi akka mata-jabina isaanii fi akka jal'ina isaanii isa duriitti hin jiraatan*. 18Bara sanatti namoonni Yihudaa fi namoonni Israa'el iddoo itti booji'aman biyya gara bitaatii, yommuu dhufan walitti dabalamanii gara biyya isa ani abboota keessaniif dhaala godhee kennetti in galu*.#14 3:22 15 10:21; 23:3-4; Isa 44:28; His 34:23 16 Lak 10:33-36 17 Isa 2:2-4; Mik 4:2; Er 14:21; 17:12; His 43:7; Mul 22:3 18 1:14; 16:15; Isa 11:11-13; His 37:15-28; Zak 10:6
19<<Yaa saba Israa'el,
ani ofii kootii akka ilma kootti si ilaaluutti,
saba lafa irraa gidduudhaas biyya gaarii
isa baay'ee miidhagaa
siif kennuutti nan gammada;
ati yommus,<<Abbaye koo>>
jettee na waamta,
<<Ana irraas gara hin galtu>>
jedhee nan yaade*.
20Ati garuu yaa saba Israa'el,
akkuma dubartiin hin amanamne
dhirsa ishee dhiiftee adeemtu,
atis ana dhiiftee
in adeemte>> jedhe;
Waaqayyo kana dubbateera.#19 His 20:6; Er 3:4
21Sabni Israa'el
wanta hamaa hojjetanii,
Waaqayyoon gooftaa isaanii
waan irraanfataniif,
sagaleen boo'icha isaanii fi
sagaleen himata isaanii,
lafa gogaa isa ol ka'aa irraa in dhaga'ama*.
22Waaqayyo,<<Isin yaa warra
anattii gara gagaltanii,
ana irraa gara galuu isa
dhukkuba isinitti ta'e irraa
isin nan fayyisaatii
deebi'aa!>> jedhe;
isinis,<<Ati Waaqayyo gooftaa keenya'o,
haa ta'u gara kee in dhufna*,
23si Waaqayyo gooftaa keenya malee,
Israa'elin kan gargaaru
dhugumaan waan hin jirreef,
iyyi gaara dheeraa irrattii fi
tulloota irratti godhamu
dhugumaan gowwoomsaa dha*.#21 2:32 22 3:14; Hos 14:4 23 Bau 32:6; 1Mot 18:26; Isa 43:3
24<<Bara duriitii jalqabee
Waaqayyo tolfamaa,
isa yeellaasisaa sanatu
wanta abboonni keenya
itti dadhabanii hojjetan,
bushaayee isaanii, saawwan isaanii,
ilmaan isaanii fi intaloota isaanii
hundumaa nyaachaa ture.
25Si Waaqayyo gooftaa keenya duratti
nuyi cubbuu hojjenneerra;
nuyi, abboonni keenyas
mucummaa keenyaa jalqabnee
hamma ammaatti si
Waaqayyo gooftaa keenyaaf
hin abboomamne;
kanaaf kottaa amma yeelloo keenya baanne,
salphina keenyas akka uffataatti haguuggannee
gad in ciifnaa!>> jettaniittu*.#25 Iz 9:6-7; Er 32:30
Currently Selected:
Macaafa Ermiyaas Raajichaa 3: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
