Macaafa Ermiyaas Raajichaa 2
2
Sabni Israa'el Waaqayyottii Gara Galuu Isaa
1Dubbiin Waaqayyoo gara koo dhufee, 2<<Dhaqii namoota mandara Yerusaalemitti sagalee kee ol fuudhii lallabiitii,
Waaqayyo,<<Amanamummaa kee
isa yeroo ijoollummaa keetii nan yaadadha;
ati akka misirroon dhirsa ishee jaallattutti
akka na jaallattes beeka;
ati lafa onaa keessa na duukaa adeemte,
lafa sanyiin irratti hin facaafamne keessattis
na duukaa in buute*.
3Israa'el ana Waaqayyoof
addaan ba'ee ture,
akka midhaan koo isa angafaas ture;
namni isa nyaatu hundinuus
akka nama yakkaatti in ilaalama,
badiisis isa in qabata ture>> jedhi!>>
naan jedheera; kana Waaqayyotu dubbate*.#2 Kes 2:7; 8:2-4; Hos 2:16-17 3 Bau 23:19; 28:36
4Isin yaa sanyii Yaaqoob,
gosa Israa'el kan taatan hundumti keessan
dubbii Waaqayyoo dhaga'aa!
5Waaqayyo,
<<Abboonni keessan balleessaa maalii ana irratti arganii,
anattii fagaatanii
waaqayyolii waa'ee hin baafne
duukaa bu'anii,
ofii isaaniitiis warra
waa'ee hin baafne ta'an*>>
6Isaan,<<Waaqayyo inni
biyya Gibxii keessaa nu baasee,
lafa onaa, biyya lafa duwwaa
lafa gogaa bishaan keessa hin jirre keessa,
dachaa dukkanaa'aa#2:6 <<Dukkanaa'aa sodaachisaa>> Ib<<Gaadidduu du'aa?. kan namni
keessa hin jiraanne,
keessa hin darbine keessas
nu geggeesse eessa jira?>>
jedhanii hin gaafanne*.
7Ani wanta lafichi baasu
isa ba'eessa sana,
akka isin irraa nyaattaniifan,
gara biyya midhaan baasuutti
isin galche;
isin garuu achitti yommuu galtan
biyya koo in xureessitan,
dhaalli ani isiniif kennes
akka ciigga'amu in gootan*.
8Luboonni,<<Waaqayyo eessa jira?>>
jedhanii illee hin gaafanne;
warri seera of harkaa qabanis
ana hin beekne;
warri tiksoota sabaa ta'an
ana irratti in ka'an,
raajonnis maqaa Ba'aal
Waaqayyo tolfamaatiin
raajii in dubbatan,
waaqayyolii waa'ee hin baafne
duukaas in bu'an*.#5 Kes 32:4-6; Hos 9:10; Mik 6:3 6 Kes 32:10-12; 8:15 7 Abo 2:1-2; Isa 24:5 8 5:31; 14:13-15; 18:18; Faru 4:13; Hos 4:4-10; Mik 3:11; Mil 2:1-9
9<<Kanaaf ani Waaqayyo
isiniin nan morma,
ijoollee ijoollee keessaniitiinis nan morma.
10Wanta sabni koo ana irratti hojjete,
sabni kan biraa hojjeteera
yoo ta'eef,
gama Kiitiim#2:10 <<Qophros>> dur<<Kiitiim>> jedhama ture. biyya bishaan gidduutti ce'aatii ilaalaa!
Biyya Qedaarittis nama ergaatii gaafachiisaa!
11Waaqayyoliin isaa Waaqayyo isa dhugaa miti yoo ta'an iyyuu,
sabni waaqayyolii isaa geddaru jiraa ree>>
Sabni koo garuu ana ulfina isaa
waaqayyolii waa'ee hin baafnetti in diddiire*.
12Yaa bantiiwwan waaqaa nana,
wanta kana dinqisiifadhaa!
Sodaadhaa, rom'aas!
Kana anatu dubbate.
13Sabni koo jal'ina lama hojjete;
ana isa burqaa bishaan jireenyaa ta'e dhiisee,
qodaa bishaanii isa urataa
bishaan baachuu hin dandeenye in tolfate*.#11 18:13; Rom 1:23; Far 106:20 13 1:16; 2:17,19; 5:7,19; 17:13; Far 36:10; Yoh 7:38
14<<Israa'el garbicha bitame miti,
yookiis garbummaatti dhalate miti,
egaa maaliif diinni isa adamsa ree>>
15Warri akka leenca saafelaa
isatti in aadan,
ittisi in gururi'an;
biyya isaa in balleessan;
akkasittis mandaroonni isaa
diigamanii in onan*.
16Amma immoo warri mandara Memfiisii#2:16 <<Memfiis>> Ib<<Nof>> Isaa 19:13 ilaali. fi
warri mandara Taahafenee
dhufanii gubbee mataa isaa in caccabsu*.
17Yaa Israa'el, ana Waaqayyo
gooftaa kee isa baricha sana
karaa irra si geggeessaa ture dhiisuu keetiin
kana hundumaa
ofitti fidde mitii ree*>>
18Egaa biyya Gibxii dhaqxee
bishaan laga Sihoor dhuguun,
biyya Asor dhaqxees
bishaan laga Efraaxiis dhuguun maal siif godha*>>
19Sababii balleessaa keetiif in adabamta,
ana Waaqayyottii deebi'uu keetiifis in ifatamta;
kunoo, ana Waaqayyo gooftaa kee
sodaachuu dhiiftee
anattii deebi'uun kee wanta hamaa,
dhiphinas akka sitti fidu beeki!
Ani Waaqayyo gooftaan maccaa
kana dubbadheera.#15 4:7 16 44:1 17 2:13,19 18 2:36-37; Isa 30:1-7; His 29:6-7; Hos 5:13
20<<Ati gooftummaa koo jalaa baatee,
hidhaas kutattee
<<Ani siif hin hojjedhu!>>
erga jettee turteetta;
ati gaalamootummaadhaaf iddoo
ol ka'aa hundumaa irra,
muka baala qabu hundumaa jalas in ciifte*.
21Anoo muka waynii
isa fo'amaa fi ba'eessa,
isa iji isaa gugguutuun si dhaabe,
ati attamitti deebitee muka waynii
isa jibbamaa waa'ee hin baafne
na duraa taate*!
22Daaraadhaa fi saamunaa baay'eedhaan
yoo dhiqatte iyyuu,
xuriin yakka keetii ija koo
duraa hin badu;
ani Waaqayyo gooftaan
kana dubbadheera*.
23Ati attamitti,<<Ani hin xuroofne,
Ba'aal duukaas hin buune>>
jechuu dandeessa ree>>
Isa dachaa keessatti
hojjechaa turte yaadadhu,
wanta achitti gochaa turtes
yaadaan qabi!
Ati akka gaala dhaltuu
asii fi achi fiigduu ti*.
24Ati akka harree diidaa ishee dhaltuu
lafa onaatti bartee,
akka ishee yommuu waa dharraatu qilleensa suuftuu ti;
hawwii ishee eenyutu gad qabuu danda'a>>
Korommiin harree ishee barbaaduudhaaf hin dhama'an,
yeroo ariisaan ishee ga'u
rakkina malee ishee in argatu.
25Ani,<<Hamma kopheen si irratti dhumutti,
hamma dheebottee afaan si gogutti
duukaa hin fiigin!>> nan jedhe;
ati immoo,<<Lakkii na dhowwuun kee
homaa waa'ee hin baasu,
ani waaqayyolii ormaa nan jaalladha,
isaan duukaas nan bu'a>> in jette*.#20 2:23-25; 3:13; 5:5; 13:27; Isa 1:21; His 6:13 21 5:10; 6:9; 12:10; Far 80:8; Isa 5:1-7; His 15:1-8; Hos 10:1#22 17:1 23 7:31 25 22:21
26<<Akkuma hattuun hanna irratti
yommuu qabamtu yeellaatu,
akkasuma sabni Israa'el,
namoonni isaanii, mootonni isaanii, angafoonni isaanii,
luboonni isaanii fi raajonni isaanii
hundinuu in yeella'u.
27Isaan mukaan,<<Ati abbaa koo ti?,
dhagaadhaanis,<<Situ na da'e>> in jedhan;
isaan dugda isaanii gara kootti
deebisan malee,
fuula isaanii gara kootti hin deebifne;
yommuu rakkatan garuu,
<<Kottuu nu gargaari!>> jedhu*.
28Yaa warra Yihudaa,
waaqayyoliin isin tolfattan,
warri hamuma mandara keessanii baay'atan
eessa jiru>> Mee isaan dhufanii
rakkina keessan kana keessaa
isin haa baasan kaa*!#27 3:9; Kes 32:6; Er 7:24; 32:33 28 11:12-13; Kes 32:37-38; Abo 10:14
29<<Isin hundumti keessan
ana irratti erga kaatanii,
attamitti immoo amma ana hammeessitu ree>>
30Ani akkasumaanan
ilmaan keessan rukute,
isaan garuu adaba koo
fudhatanii hin qajeelle;
isin akka leenca madaa'e
billaa keessaniin raajota keessan in fixxan*.
31Isin yaa warra si'anaa,
dubbii koo yaadaan dhaggeeffadhaa!
Yaa Israa'el, ani akka lafa onaa
yookiis akka iddoo dukkanaan
sitti ta'ee ree>>
Isin sabni koo maaliif,
<<Nuyi lafa jaallanne dhaqna malee,
si'achi gara kee hin dhufnu>> jettu*?#30 5:3; Isa 1:5; Nah 9:26 31 14:10
32<<Durbi mi'a miidhaginaa ishee in irraanfattii ree>>
Misirroonis mi'a ittiin naqatamte
in irraanfattii ree>>
Sabni koo garuu
bara lakkoobsa hin qabneef na irraanfate*.
33Ati warra si jaallatan duukaa bu'uudhaaf
baay'ee afchaala,
dubartoonni warri manca'an iyyuu
waa'ee kanaa si irraa in baru*;
34dhiigni hiyyeessota balleessaa hin qabnee
warra hanna irratti hin qabaminii
andaara uffata kee irratti in argama;
kana hundumaa keessaa immoo*,
35<<Ani balleessaa hin qabu,
kanaaf dheekkamsi isaa
ana irraa deebi'e>> in jetta.
Kunoo! Ati,<<Ani cubbuu hin hojjenne>> waan jetteef,
ani immoo sitti nan farada;
36ati maaliif karaa kee geggeddaruudhaaf
ariifattee asii fi achi adeemuu baay'ifta>>
Akkuma warri Asor si yeellaasisan,
akkasuma warri Gibxii si in yeellaasisu.
37Warra ati amanatte sana,
ani Waaqayyo waanan tuffadheef,
isaan si gargaaruu hin danda'an;
kanaafis ati mataa qabattee
achi keessaa in baata>> jedhe*.#32 18:15; Kes 8:19 33 2:20 34 Bau 22:1 36-37 2:18
Currently Selected:
Macaafa Ermiyaas Raajichaa 2: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
