Macaafa Ermiyaas Raajichaa 27
27
Sabni Yihudaa Nebukadnezaariif Akka Hojjetan Raajii Dubbachuu Isaa
1Jalqaba bara Zedeqiiyaan ilmi Yosiyaas mootii biyya Yihudaa ta'etti, dubbiin kun Waaqayyo biraa gara Ermiyaas in dhufe*. 2Inni,<<Waanjoo tolchii hudhaa isaatiin morma keetti hidhadhu*! 3Karaa namoota warra, mootii Edoom, mootii Mo'aab, mootii warra Amoon, mootii Xiirosii fi Sidoon biraa ergamanii Zedeqiiyaa mootii Yihudaa bira dhufanii biyya biyya isaaniitti dhaamsa dhaami*! 4Isaanis dubbii ani Waaqayyo gooftaan maccaa, Waaqayyo inni kan Israa'el dubbadhu gooftolii isaaniitti haa himan! 5Ani humna koo isa guddaa fi irree koo isa jabaadhaan lafa, namoota isa irra jiraatan hundumaa, bineensota isa irra jiraatan hundumaas uumeera; nama kanaaf maleefis isaan nan kenna*. 6Ani amma biyya keessan hundumaa harka Nebukadnezaar mootii Baabilon isa hojjetaa koo ta'eetti dabarsee nan kenna; bineensonni caakkaas isaaf akka hojjetan nan godha*. 7Yeroon kufaatii biyya isaatii ga'e, mootonni gurguddoonnii fi sabni baay'een dhufanii isaa fi biyya isaa hamma qabatanitti, sabni hundinuu isaaf, ilma isaatiif, ilma ilma isaatiifis in hojjetu*. 8Saba yookiis mootummaa Nebukadnezaariif hin hojjenne, boquu isaas gad qabatee waanjoo mootii Baabilon hin baanne garuu hamman harka mootii Baabiloniin raawwadhee isa balleessutti billaadhaan, beelaan, dha'ichaanis isa nan rukuta>> jedhe; kana Waaqayyotu dubbate*.#1 1:3; 2Mot 24:18-20 2 28:10 3 25:21-22 5 10:12; 32:17 6 21:2; 25:9; Isa 45:1-8; His 26:7; Dan 2:38 7 25:11,25 8 14:12
9Waaqayyo ammas itti fufee,<<Kanaaf wanta raajonni keessanii fi warri hooda dubbatan, warri abjuu isiniif hiikan, warri duumessa ilaalanii ayyaana hedan, warri qoricha namatti godhanis,<<Isin mootii Baabiloniif garba hin taatan>> jedhanii dubbatan hin dhaga'inaa! 10Isin biyya keessan keessaa baafamtanii biyya fagootti akka gatamtaniif, ani biyya keessan keessaa isin baasee akkan isin balleessuuf isaan raajii sobaa isiniif in dubbatu*; 11sabni boquu isaa gad qabatee waanjoo mootii Baabilon baatee isaaf hojjetu garuu, biyya isaa keessa taa'ee lafa isaa akka qotatu nan godha>> jedhe; kana Waaqayyotu dubbate.#9-10 14:13-15
12Akkasuma immoo dubbii kana Zedeqiiyaa mootii Yihudaatti nan dubbadhe; dubbichis,<<Boquu keessan gad qabadhaatii waanjoo mootii Baabilon baadhaa, isaaf, saba isaatiifis hojjedhaa! Kana yoo gootaniif in jiraattu>> kan jedhu ture; 13egaa atii fi sabni kee maaliif billaa, beela, dha'icha isa Waaqayyo saba warra mootii Baabiloniif hin abboomamnetti fiduuf dubbate sanaan dhumtu*>> 14Isa raajonni,<<Mootii Baabiloniif garba hin taatan>> jedhanii raajii sobaa isiniif dubbatan hin dhaga'inaa*! 15Kanaaf Waaqayyo,<<Ani raajota warra maqaa kootiin raajii sobaa dubbatan kana hin ergine; ani isin nan balleessa, raajonni raajii sobaa dubbatan sunis isinii wajjin in badu>> jedheera.#13 14:12 14 14:13-15
16Kana malees, ani lubootaa fi namoota hundumaatti dubbadheera; isa Waaqayyo,<<Isa raajonni keessan,<<Kunoo! Mi'i mana qulqullummaa Waaqayyoo, biyya Baabilonii dafee as in deebifama>> jedhanii raajii sobaa dubbatan sana hin dhaga'inaa! 17Mootii Baabilonitti bulaatii jiraadhaa malee, wanta raajonni sobduun isinitti himan hin dhaga'inaa! Maaliif mandarri kun isiniif jedhee diigama>> 18Isaan dhugumaan raajota ani Waaqayyo isaanitti dubbadhe yoo ta'an, mi'i mana qulqullummaa keessatti, mana mootii Yihudaa keessatti, mandara Yerusaalem keessattis hafe, booji'amee gara biyya Baabilonitti akka hin geeffamneef, mee, amma ana Waaqayyoon gooftaa maccaa haa kadhatan kaa!>> jedhees itti himeera*.#16-18 28:3
19Waaqayyo gooftaan maccaa waa'ee utubootaa fi waa'ee gaanii bishaanii, waa'ee baattuu geengoo qabuu fi waa'ee mi'a warra mandara kana keessatti hafanii dubbateera*; 20mi'i kunis isa Nebukadnezaar mootiin Baabilon Yekoniyaa ilma Yehoyaaqiim mootii Yihudaa, angafoota Yihudaa fi gurguddoota Yerusaalem booji'ee biyya Baabilonitti yommuu geesse achitti hambisee dha. 21Waa'ee mi'a warra mana qulqullummaa, mana mootii Yihudaa fi mandara Yerusaalem keessatti hafanii immoo Waaqayyo gooftaan maccaa, Waaqayyo inni kan Israa'el, 22<<Isaan biyya Baabilonitti in geeffamu, hamma guyyaa ani isaan yaadadhee, achii isaan fichisiisee iddoo kana isaan keessisutti achuma in turu>> jedhe; kana Waaqayyotu dubbate*.#19 1Mot 7:15-39; 2Mot 25:13-17 22 'z 1:1-11
Currently Selected:
Macaafa Ermiyaas Raajichaa 27: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
