Macaafa Ermiyaas Raajichaa 14

Rakkinni Garaa Garaa Biyyattiitti Akka Dhufu Himuu Isaa

1Dubbiin Waaqayyo waa'ee caamsaatiif ana Ermiyaasitti dubbate

kanatti fufee jira;

2<<Yihudaan in boossi,

mandaroonni ishees gad deebi'aniiru,

warri ishee keessa jiraatan

biyyattiidhaaf gadduu irraa kan ka'e,

daaraa in uffatan;

Yerusaalem keessaas

iyyi in dhaga'ama.

3Warri gurguddoonni, hojjetoota isaanii

bishaan barbaaduutti in ergu;

isaan gara boolla bishaanii

yommuu dhaqan garuu,

bishaan achii hin argatan;

waan godhan dhabanii,

qaana'anii haguuggataniis,

okkotee duwwaa baatanii

gara manaatti in deebi'u.

4Bokkaan waan hin roobiniif

lafti gogee in dadayya'a,

warri qottuunis qaana'anii in haguuggatu.

5Borofni marga waan dhabdeef,

bakkee itti dhalte sanatti

ilmoo ishee dhiiftee in adeemti.

6Harroonni diidaa

gaara margi irra hin jirre irra dhaabatanii,

akka waangoo qilleensa in suufu;

marga waan dhabaniifis

iji isaanii arguu in dhaba>> jedhe*.#2-6 12:4; 3:3; Yoe 1:11

7Yaa Waaqayyo, yakki keenya nu irratti

yoo dhugaa ba'e iyyuu,

ati maqaa keetiif jedhii nu gargaari!

Nuyi si'a baay'ee

si irraa gara gallee turre,

si durattis cubbuu hojjenneerra*.

8Yaa abdii Israa'el,

yaa isa yeroo gidiraa isheetti

fayyisaa ishee taatee!

Ati maaliif biyya kanatti

akka keessummaa

isa bulee darbuu taate*>>

9Ati maaliif

akka nama waan godhu wallaalee dhaabatuu taate>>

Goota of oolchuu dadhabes

maaliif fakkaatta>>

Yaa Waaqayyo, ati nu gidduu jirta,

maqaa keetiin in waamamna'o, nu hin gatin*!#7 14:21; Dan 9:4-19 8 17:13 9 Bau 29:45; Isa 43:7

Ermiyaas Saba Isaatiif Akka Hin Kadhanne Dhowwamuu Isaa

10Waaqayyo waa'ee saba kanaaf wanta kanatti fufee jiru dubbatee,<<Isaan asii fi achi labuu in jaallatu, of qabuus hin dandeenye; kanaaf ani immoo isaanitti hin gammadu, amma ani yakka isaanii nan yaadadha, sababii cubbuu isaaniitiifis isaan nan adaba>> jedhe*. 11Yommus Waaqayyo anatti dubbatee,<<Sabni kun wanta ba'eessa akka argatuuf hin kadhatin*! 12Isaan soomanii yoo kadhatanis ani isaaniif hin dhaga'u; aarsaa gubamuu fi kennaa midhaanii yoo dhi'eessanis ani isaaniif hin fudhadhu; ani billaadhaan, beelaan, dha'ichaanis isaan nan balleessa>> jedhe*.#10 2:31 11 7:16 12 6:20; 21:7; Isa 58:3

13Yommus ani immoo deebisee,<<Kunoo, yaa Waaqayyo gooftaa raajonni saba kanaan,<<Waaqayyo iddoo kanatti nagaa amansiisaa isiniif nan kenna waan jedheef, billaan isinitti hin dhufu, beellis isin hin argatu>> in jedhu>> nan jedhe. 14Waaqayyo immoo anaan,<<Raajonni sun maqaa kootiin raajii sobaa dubbatan malee, ani isaan hin ergine, ani isaan hin abboomne, isaanittis hin dubbanne; isaan mul'ata sobaa, hooda waa'ee hin baafne, gowwoomsaa garaa isaanii keessatti yaadanii qopheessanis isinitti raajii in dubbatu*; 15kanaaf raajonni warri utuu ani isaan hin ergin maqaa kootiin raajii dubbatanii,<<Billaa fi beelli biyya kanatti hin dhufu>> jedhan sun, ofii isaaniitii billaadhaa fi beelaan in dhumu*. 16Saba warra isaan raajii itti dubbatan sanatti hammina isaanii mataa isaaniitti waanan deebisuuf, billaa fi beela irraa kan ka'e, karaa mandara Yerusaalem keessa jiru irratti kukkufanii in hafu; namni isaanii fi niitota isaanii, ilmaan isaanii fi intaloota isaanii lafaa fuudhee awwaalus hin jiru>> jedhe*.#14 23:21,31; 27:9,14-15; 29:8-9; His 13:6 15 Kes 18:20 16 9:21

Ermiyaas Yakka Saba Isaatiif Boo'uu Isaa

17Kanaaf Waaqayyo waa'ee gadda kootii saba kanatti akkan himuuf na abboomee,

<<Isaaniinis,<<Mandarri saba kootii

isheen hin tuqamin

rukuttaa gaddisiisaadhaan rukutamtee

caba guddaa waan cabdeef,

ani halkanii fi guyyaa

utuu wal irraa hin kutin,

imimmaan koo nan lolaasa*.

18Bakkee keessa yommuun adeemu,

kunoo, warra billaan fixe nan arga;

mandara keessa yommuun lixu immoo,

warra beelli fixuu ga'e nan arga

raajonnii fi luboonni garuu

waan tokko iyyuu utuu hin hubatin,

biyya keessa asii fi achi in jooru>> jedhi!>> naan jedhe.#17 9:1

19Yaa Waaqayyo,

ati Yihudaa raawwattee in gattee>>

Xiyooniinis in tuffattee ree>>

Ati maaliif

nuyi akka fayyuu hin dandeenyetti nu rukutte>>

Nuyi nagaatu dhufa jennee abdanne,

garuu wanti gaariin hin dhufne;

yeroon nuyi itti fayyinu

in dhufa jennee eegganne,

kunoo, waan nu naasisutu dhufe*.

20Yaa Waaqayyo, nuyi si duratti

cubbuu waan hojjenneef,

jal'ina keenya beekneerra,

yakka abboota keenyaas argineerra*.

21Kakuu nuuf galte yaadadhu malee,

isa hin cabsin!

Maqaa keetiif jedhii nu hin tuffatin,

teessoo ulfinaa kees hin salphisin*!

22Waaqayyolii tolfamoo

saba warra kaanii keessaa,

bokkaa roobsuu kan danda'u jiraa ree>>

Yookiis bantiin waaqaa ofii isaatiin

bokkaa in roobsaa ree>>

Yaa Waaqayyo gooftaa keenyaa! Si malee,

kana hundumaa gochuu

kan danda'u hin jiru,

kanaafis nuyi si abdanna*.#19 8:15; 10:19; Faru 5:22 20 3:25; Far 51:4-6; 106:6; Dan 9:4-19 21 14:7; Far 25:11; Isa 48:9,11; His 20:9; Dan 9:19 22 5:24-25; Iyo 5:10

Currently Selected:

Macaafa Ermiyaas Raajichaa 14: MacQul

Highlight

Copy

Compare