Macaafa Ermiyaas Raajichaa 10
10
Waaqayyo Isa Jiraataa Waaqayyolii Tolfamoo Irraa Gargar Baasanii Beekuu
1Isin yaa namoota Israa'el,
wanta Waaqayyo
isinitti dubbatu dhaga'aa!
2Waaqayyo,
<<Isin amala saba warra kaanii hin fudhatinaa*!
Isaan duukaa buutaniis
milikkita garaa garaa,
waaqa keessatti yommuu argitan hin na'inaa*!
3Seerranni waaqessuu saba kanaa
wanta waa'ee hin baafnee dha;
isaan muka caakkaa keessaa jigsanii,
namni muka soofuu beeku
qottoodhaan muree tolchee
bifa itti in baasa*.
4Meetiidhaa fi warqee itti uffisee in miidhagsa;
ol kaasee erga dhaabee immoo
akka inni hin kufnetti,
buruusaan cinqaara
itti rukutee in jabeessa.
5Waaqayyolii tolfamoonni isaanii
wanta nama fakkaatee,
bineensa sodaachisuudhaaf
maasii buqqee dheedhii nyaatamu keessa dhaabatu in fakkaatu;
isaan dubbachuu, adeemuus
waan hin dandeenyeef,
namni isaan baatee in adeema;
isaan nama miidhuu
yookiis nama gargaaruu hin danda'an;
kanaaf isaan hin sodaatinaa!>> jedhe*.#2 Bau 23:24; 2Mot 21:6 3 Isa 44:13-17 5 Far 115:5; Isa 46:7
6Yaa Waaqayyo ati guddaa dha,
kan akka keetiis hin jiru;
maqaan kees guddaa beekamaa dha*.
7Yaa mootii saba lafa irraa,
ati sodaatamuuf kan maltee dha,
egaa kan si hin sodaanne jiraa ree>>
Ogeessa saba lafa irraa hundumaa keessa,
mootummoota isaanii hundumaa keessas
kan akka keetii tokko illee hin jiru.
8Isaan hundumti isaanii
gowwootaa fi wallaalota;
waaqayyolii muka irraa tolfaman irraas maal baru ree>>
9Waaqayyolii tolfamoonni isaanii kun
hojii harka namaa ti;
meetii qullaa'aa biyya Tarshiishii dhufuu fi
warqee biyya Ufaazii dhufu irraa hojjetaman;
uffanni dhiilgee fi calaqqisaan
itti uffifaman;
kun hundinuu hojii warra ogeeyyii ti.
10Waaqayyo garuu Waaqayyo isa dhugaa ti;
inni Waaqayyo isa jiraataa dha,
mootii bara baraa tis;
yommuu inni dheekkamu
lafti in raafamti,
sabni lafa irraas aarii isaa
isa boba'aa dura
dhaabachuu hin danda'an*.
11Kanaaf,<<Waaqayyoliin
warri bantiiwwan waaqaa fi
lafa hin uumin kun, waaqa jalaa,
lafa irraas in badu>>
jedhii isaanitti himi!#6 Far 86:8-10; Isa 40:18 10 Far 18:7; Isa 13:13; Naho 1:5-6; Er 4:26
12Waaqayyo isa aangoo isaatiin
lafa kana uumee dha,
inni biyya lafaa kana
ogummaa isaatiin cimsee in dhaabe,
waaqas beekumsa isaatiin in diriirse*.
13Yommuu inni sagalee isaa dhageessisu,
bokkaan bantii waaqaa keessaa in huursa;
inni daarii lafaatii duumessa ol in kaasa,
bokkaa keessas bakakkaa gad in buusa;
qilleensas gombisaa isaa keessaa in baasa*.
14Namoonni hundinuu garuu
wallaalota waan ta'aniif,
beekumsa hin qaban;
warri warqee baqsan hundumti isaanii,
waaqayyolii tolchan
sanatti in yeella'u;
bifni isaan baqsanii tolchan sun,
wanta sobaa fi wanta
hafuurri keessa hin jirree dha*.
15Waaqayyoliin tolfamoonni kun
kan waa'ee hin baafnee dha,
mi'a ga'oo tis;
gaafa adabni isaanitti dhufu
ittiin in badu.
16Waaqayyo inni kan Yaaqoob garuu
akka isaan kanaa miti;
wanta hundumaa kan uume isa;
Israa'elin saba dhuunfaa isaa in godhate;
maqaan isaa <<Waaqayyo
gooftaa maccaa ti*?.#12 27:5; 32:17; Far 121:2; Isa 44:24 13 Far 135:7 14 Isa 45:16 16 Uma 1:1; Bau 19:5; Er 50:34; Isa 51:15; Amo 4:13; Er 46:18
Badiisi Akka Dhufu Himuu Isaa
17Yaa warra marfamtanii jirtanii,
mi'a keessan lafa jiru
walitti sassaabbadhaa*!
18Waaqayyo,<<Kunoo!
Ani amma warra biyya kana
keessa jiraatan,
furuursaadhaan darbadhee biyyaa nan baasa;
akka isaan ana barbaaddataniifis
rakkinatti isaan nan galcha>> jedhe;
yommus Yerusaalem sagalee ishee
ol fudhattee,
19<<Anaaf wayyoo! Ani nan cabe, madaan koos hin fayyu;
ani garaa koo keessatti,<<Kun dhukkuba,
garuu kana baachuun anaaf in ta'a>> jedheen yaade*.
20Amma garuu dunkaanni koo in diigame,
funyoon dunkaana kootii
hundinuus in ciccite;
ilmaan koo hin jiran
ana dhiisanii in sokkan,
namni dunkaana koo
anaaf dhaabu hin jiru;
golgaa isaas
kan gad diriirsu
hin argamu>> in jette.#17 His 12:3 19 8:22; 14:19; 15:18; 30:12
21Eegdonni wallaalota ta'an,
Waaqayyoonis hin gaafanne;
kanaaf hojiin isaaniif qajeeluu dide,
namoonni hundinuus in tamsa'an*.
22Kunoo! Oduun in dhaga'ama,
waci guddaanis
biyya gara bitaatii in dhaga'ama;
mandaroota Yihudaa onsee,
iddoo waangonni keessa jiraatan in godha*.
Kadhata Ermiyaas
23Yaa Waaqayyo! Namni akeeka jireenya isaatii
of harka galfachuu,
karaa jireenya isaatiis ofii isaatiin geggeeffachuu
akka hin dandeenye ani beeka*.
24Yaa Waaqayyo! Ati akka ana hin balleessinetti
firdii kee isa qajeelaadhaan
na ifadhu malee,
dheekkamsa keetiin ana hin adabin*!
25Sabni si hin beeknee fi
gosi maqaa kee hin waammanne,
Yaaqoobin waan nyaataniif,
nyaataniis waan isa fixaniif,
biyya isaas raawwatanii waan onsaniif,
ati dheekkamsa kee
isaan irratti dhangalaasi*!#21 3:15; 23:1-4; 50:6; Mar 6:34 22 1:14 23 Fak 16:1,9 24 30:11; 46:28; Far 6:1; 38:1; Anb 1:12 25 12:14; 30:16; Far 79:6-7
Currently Selected:
Macaafa Ermiyaas Raajichaa 10: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
