ERGAA YAAQOOB 2

Nama Wal Caalchisuu Irraa Of Eeggachiisuu Isaa

1Yaa obboloota ko! Gooftaa keenya Yesus Kristos, gooftaa ulfinaatti amantii erga qabaattanii, nama wal hin caalchisinaa*! 2Fakkeenyaaf namni sooressi tokko amartii warqee kaa'atee, uffata ba'eessas uffatee gara walitti qabama keessanii in dhufa; akkasuma namni hiyyeessi uffata xurii uffatus in dhufa. 3Isin namicha uffata ba'eessa uffate sana yaadaan qabdanii, ?Ati iddoo ba'eessa kana taa'i!? jettanii, namicha hiyyeessa sanaan immoo, ?Ati achi dhaabadhu yookiis as miilla koo bukkeedhaan taa'i!? in jettu ta'a. 4Yoo akkas ta'e walii keessan gidduutti garaagarummaa fiduu keessan akkasumas warra yaada hamaadhaan faradan ta'uu keessan mitii ree?#1 Gal 2:6

5Yaa obboloota ko jaallatamoo, dhaggeeffadhaa! Waaqayyo akka isaan amantiitti sooromaniif, mootummaa isaa isa inni warra isa jaallatan abdachiisettis akka galaniif, namoota biyya lafaa duratti hiyyeessota warra ta'an fo'ate mitii ree*? 6Isin garuu nama hiyyeessa ulfina dhowwitan; warri isin cunqursan, gara yaa'iittis warri isin harkisan sooressota mitii ree? 7Maqaa ba'eessa isa isin ittiin waamamtan kan arrabsu isaan mitii ree?#5 1Qor 1:26; Luq 6:20; 12:21; Yaq 1:12

8Seera mootichaan kenname akka caaffanni qulqullaa'aan, ?Nama akka ofii keetiitti jaalladhu!? jedhutti, yoo raawwattan ba'eessa gochuu keessan*. 9Nama yoo wal caalchiftan garuu cubbuu in hojjettu; seerichis irra-daddarbaa keessaniif yakka isinitti in mura*. 10Namni tokko seera keessaa warra kaan hundumaa eegee tokko yoo cabse, akka waan hunduma isaanii cabsetti yakki itti in murama*. 11Inni, ?Hin ejjin? jedhe sun, isuma ?Hin ajjeesin? jedhe sana waan ta'eef, ati yoo ejjuu dhabaatte iyyuu erga ajjeeftee, nama seera irra-daddarbe taateetta*. 12Akka warra ija seera birmadummaatiin ilaalamanii firdii argattaniitti dubbadhaa, hojjedhaas*! 13Nama oo'a hin qabnetti, oo'a malee firdiin itti in faradama; oo'i garuu firdii irratti in mo'a*.#8 Lew 19:18; Mat 22:39; Gal 5:14 9 Kes 1:17; Lew 19:15 10 Mat 5:19; Gal 3:10 11 Bau 20:13-14; Kes 5:17-18 12 1:25 13 Mat 5:7; 18:23-35; 25:34-46

Amantii Fi Hojii Gaarii Wal Bukkee Qabuu Isaa

14Yaa obboloota ko! Namni tokko, ?Ani amantii qaba? jedhee, hojii gaarii [isa ittiin amantii qabaachuu isaa argisiisu immoo] hin qabu yoo ta'e, maaliif waa'ee baasaaf ree? Amantiin inni jedhu sun isa fayyisuu danda'aa ree*? 15Fakkeenyaaf obboleessi tokko obboleettiin tokkos bututtuu in uffatu akkasumas guyyaa guyyaatti nyaata ga'u hin argatan ta'a; 16isin keessaa tokko immoo, waan namummaa isaaniif barbaachisu utuu hin kenniniif, ?Nagaadhaan dhaqaa, isinitti haa ho'u, quufaas!? yoo ittiin jedhe, bu'aa maalii qabaaf ree*? 17Amantiinis akkasuma, hojii gaariidhaan hin argisiifamu yoo ta'e, inni ofii isaatii du'aa dha*.#14 1:22; Mat 7:21; Tit 3:8 16 Luq 3:11; 1Yoh 3:17-18 17 2:26; Gal 5:6; 1Qor 13:2

18Namni tokko garuu, ?Inni tokko amantii qabaatee, inni kaan immoo hojii gaarii yoo qabaate maal ta'a?? in jedha; ani immoo, ?Ati amma amantii qabaachuu kee hojii gaarii malee na argisiisi! Ani immoo amantii qabaachuu koo hojii koo isa gaariidhaan sin argisiisa. 19Waaqayyo tokkichi akka jiru ati in amanta mitii? Ba'eessa goote! Isa kana hafuuronni hamoonni iyyuu in amanu, in roqomus*. 20Namicha gowwaa nana! Amantiin hojii gaarii yoo argisiisuu dhabaate, waa'ee kan hin baafne#Yaq 2:20 Kan waa'ee hin baafne warra durii keessaa kaan ?Du'aa? jedhu. akka ta'e beekuu in barbaaddaa?? nan jedha.#19 Mar 1:24; 5:7

21Abrahaam abbaan keenya ilma isaa Yisihaqin, iddoo aarsaa irratti yeroo dhi'eesse, hojii isaatiin qajeelaatti lakkaa'ame mitii ree*? 22Kana keessatti amantiin isaa hojii isaa isa gaarii wajjin wal gargaaraa akka ture, amantiinis hojiidhaan fiixaan akka baafame in argita. 23Inni caaffata qulqullaa'aa keessaa, ?Abrahaam Waaqayyoon amanate, kunis qajeelummaatti in lakkaa'ameef? jedhu in raawwatame; inni fira Waaqayyoo jedhamee in waamame*. 24Egaa namni amantii duwwaadhaan utuu hin ta'in, hojii gaariidhaan qajeelaatti akka lakkaa'amu in argitu*.#21 Uma 22:1-14; Ibr 11:17 23 Uma 15:6; Rom 4:3; 2Sen 20:7; Isa 41:8 24 Yoh 8:39

25Akkasuma Rahaab ejjituunis yeroo warra ergamanii dhufan sana simtee, karaa biraa akka ba'an goote, hojii gaariidhaan qajeeltuutti lakkaa'amtee turte mitii ree*? 26Akkuma dhagni hafuurri keessaa ba'e, du'aa ta'e akkasuma amantiin hojii gaarii hin argisiifne du'aa dha*.#25 Iya 2:1-21; Ibr 11:31 26 2:17

Currently Selected:

ERGAA YAAQOOB 2: MacQul

Highlight

Compare

Copy