Macaafa Hisqi'el Raajichaa 32

Fara'ooniif Boo'uu Isaa

1Waggaa kudha lammaffaatti, ji'a kudha lammaffaatti, ji'icha keessaa guyyaa duraatti dubbiin Waaqayyoo gara koo dhufee, 2<<Yaa mucaa namaa! Fara'oon mootii biyya Gibxiif boo'i!

<<Ati saba keessatti

akka leenca saafelaa turte,

amma garuu akka naacha bishaan keessaatti,

ati laga kee in rukutte,

bishaanis miilla keetiin in raafte,

laga isaas in booressite>> jedhi!>> naan jedhe*.#2 29:2-3

3Waaqayyo gooftaan,

<<Ani wal ga'ii saba baay'eetiin,

kiyyoo koo si irratti nan darbadha,

isaanis gara kiyyoo kootti

ol si harkisu*;

4ani lafatti sin darbadha,

biyyoo irras sin buusa,

allaattiin qilleensa keessa

balali'u hundinuu

si irra akka taa'an nan godha,

bineensonni lafa irraa hundinuus

si nyaatanii in quufu*.

5Ani foon kee tulloota irra nan afa,

dachaas reeffa keetiin nan guuta;

6ani dhiiga kee isa lola'u

lafa nan obaasa,

hamma tullootaatti iyyuu isa nan obaasa,

lagoonnis reeffa keetiin in guutu.

7ani yommuun haxaa'ee si balleessu,

bantii waaqaa nan haguuga;

urjoota isaa nan dukkaneessa,

aduuttis duumessa nan uffisa,

ji'is ifa ishee hin kennitu.

8Ani ifa bantii waaqaa keessaa

ifu hundumaa,

si irratti nan dukkaneessa,

dukkanas biyya kee irratti nan fida

ani Waaqayyo gooftaan

kana dubbadheera*.

9Yommuu ani saba keessatti,

biyya ati hin beeknettis

badiisa sitti fidu,

yommus garaa saba baay'ee nan raasa.

10Ani sabni baay'een

waa'ee keetiif akka na'an,

mootonni isaaniis

akka sodaatan nan godha;

gaafa ati kuftu sanas,

yommuun billaa koo isaan duratti mirmirsu,

adduma addaan in hollatu,

battala tokkottis

waa'ee lubbuu isaaniitiif in sodaatu>> jedha*.#3 12:13 4 29:5 7-8 Isa 13:10; Mat 24:29; Mul 6:12-13; 8:12 10 28:19

11Waaqayyo gooftaan,

<<Billaan mootii Baabilon

si irratti in dhufa*,

12ani macca kee billaa warra jajjabootaa,

saba warra baay'ee gara-jabeeyyiitiin nan kuffisa;

isaan of jajuu Gibxii in balleessu,

namoonni ishee hundinuus in badu*.

13Ani horii qe'ee ishee hundumaa

bishaan baay'ee biraa nan balleessa;

miilli namaa si'achi isaan hin raasu,

kotteen horiis isaan hin booressu;

14yommus ani bishaan isaanii akka qullaa'u,

bishaan laga isaaniis

akka dhadhaa ejersaa akka yaa'u nan godha;

ani Waaqayyo gooftaan kana dubbadheera.

15Yommuu ani biyya Gibxii onsee,

wanta ishee keessa guutes balleessee,

warra keessa jiraatanis rukutu,

yommus ani Waaqayyo akkan ta'e isaan in beeku*.

16Isa kana boo'ichi isheedhaaf boo'amu;

intaloonni saba lafa irraa

isheedhaaf in boo'u;

biyya Gibxii fi namoota isheef in boo'u;

ani Waaqayyo gooftaan

kana dubbadheera>> jedha.#11 29:19-20 12 28:7 15 30:8

17Waggaa kudha lammaffaatti, ji'icha sana keessaas guyyaa kudha shanaffaatti dubbiin Waaqayyoo gara koo dhufee, 18<<Yaa mucaa namaa! Namoota Gibxiif boo'i! Isaanii fi intaloota saba warra ulfina-qabeeyyii sanaa iddoo lafa jalaatti gara warra boolla keessa buufamaniitti ergi*! 19Isaaniinis,<<Isin warra kaan caalaa jaalatamoo dhaa ree>> Gad bu'aa warra dhagna hin qabatin gidduu ciisaa>> jedhi*! 20Isaan warra billaadhaan dhuman gidduutti in kufu; isheen billaadhaaf taateetti, isheen namoota ishee hundumaa wajjin achitti in harkifamti; 21yommus loltoonni jajjaboonni, warri iddoo lafa jalaa jiran, waa'ee isheetii fi waa'ee warra garee ishee turanii,<<Isaan asitti gad bu'anii, warra dhagna hin qabatin, warra billaadhaan dhumanii wajjin as in taa'u>> in jedhu.#18 31:16 19 Isa 14:11-15; His 31:18; Far 88:5

22<<Asoris loltuu ishee hundumaa wajjin achi jirti; awwaalli namoota ishee warra billaadhaan dhumanii isheetti naanna'ee jira; 23awwaalli isaanii boolla gad fagoo keessa jira, loltoonni ishees naannoo awwaala isheetii ciisu; warri biyya warra jiraataatti nama naasisan hundinuu billaadhaan rukutamanii in dhuman*.#22-23 Isa 10:5-19

24<<Elaam achi jirti, namoonni ishee hundinuus naannoo awwaala ishee jiru; hundumti isaanii billaadhaan rukutamanii dhuman; warri biyya warra jiraataatti nama naasisaa turan hundinuu utuu dhagna hin qabatin gara iddoo lafa jalaa dhaqan; warra boolla keessa buufamanii wajjinis yeelloo isaanii in baatu*; 25warra ajjeefaman gidduu siree isheedhaaf dhaaban; namoonni ishee hundinuu naannoo awwaala ishee jiru; hundumti isaanii warra dhagna hin qabatin, warra billaadhaan dhuman turan; sababii biyya warra jiraataatti nama naasisaa turaniif warra boolla keessa buufamanii wajjin yeelloo isaanii in baatu; warra ajjeefaman gidduus in ciisu.#24 Er 49:34-37

26<<Meshekii fi Tubaal achi jiru, namoonni isaanii hundinuus naannoo awwaala isaanii jiru; hundumti isaanii warra dhagna hin qabatin, warra biyya warra jiraataatti nama naasisan waan turaniif, billaadhaan in dhuman*. 27Nama naasisuun loltoota sanaa biyya warra jiraataa waan jiruuf, warra utuu dhagna hin qabatin dhuman, warra mi'a waraanaa isaanii wajjin gara iddoo lafa jalaatti gad buufaman, warra billaa isaanii boraafatanii ciisan, warra yakki isaanii lafee isaanii irra kaa'amee wajjin achi hin ciisanii ree>> 28Atis yaa mootii Gibxii, caccabdee, warra dhagna hin qabatin, warra billaadhaan dhuman gidduu in ciifta.#26 27:13; 38:2; Uma 10:2

29<<Edoom, mootonni ishee, gurguddoonni ishees hundinuu, achi jiru; utuma warra aangoo qabu ta'anii jiranii iyyuu, warra billaadhaan dhuman gidduu, warra dhagna hin qabatin, warra boolla keessa buufamanii wajjinis in ciisu*.#29 25:12-14; Isa 34:5-15

30<<Gurguddoonni biyya gara bitaa hundinuu, warri Sidoon hundinuus achi jiru; isaan warra ajjeefamanii wajjin yeelloodhaan gad in buufaman; humni isaanii kan nama naasisu ta'ee utuma jiruu iyyuu, warra dhumanii fi warra yeelloo isaanii baatanii wajjin utuu dhagna hin qabatin boolla keessa in buufaman*. 31Mootiin Gibxii fi loltuun isaa achitti isaan in argu; mootiin Gibxii waa'ee namoota isaa warra billaadhaan dhuman hundumaa sanaaf jajjabina in argata>> jedhe; Waaqayyo gooftaan kana dubbateera.#30 28:21-23; Isa 23:1-16

32<<Ani biyya warra jiraataatti akka inni nama naasisu yoon godhe illee, mootiin Gibxii fi namoonni isaa hundinuu warra billaadhaan dhumanii wajjin warra dhagna hin qabatin gidduu in ciisu>> jedha Waaqayyo gooftaan.

Currently Selected:

Macaafa Hisqi'el Raajichaa 32: MacQul

Highlight

Copy

Compare