Macaafa Hisqi'el Raajichaa 28

Mootii Biyya Xiiros Irratti Raajiin Dubbatamuu Isaa

1Ammas dubbiin Waaqayyoo gara koo dhufee, 2<<Yaa mucaa namaa! Wanta Waaqayyo gooftaan jedhu geggeessituu Xiirositti dubbadhu, ati garaan kee waan kooreef<<Ani Waaqayyoo dha, ani teessoo Waaqayyoo irra garaa galaanaa keessas nan taa'a>> in jetta; ati illee Waaqayyo isa ogeessa of seeta, ati garuu namuma malee, Waaqayyo miti*.#2 Isa 14:13-14; 31:3; Uma 3:5; HoE 12:21-23

3<<Ati dhuguma Daani'el

caalaa ogeessaa ree>>

Wanti tokko iyyuu si duraa hin dhokannee*>>

4Ogummaa kee fi hubachuu keetiin,

badhaadhummaa argatteetta,

warqeedhaa fi meetiis

lafa qabeenyi kee taa'u keessatti walitti qabatteetta;

5nagada waan baay'ee beektuuf

badhaadhummaa baay'ifteetta;

badhaadhummaa kee irraa kan ka'es

garaan kee kooreera>> jedhe.#3 14:14; Dan 1:17

6Kanaafis Waaqayyo gooftaan,<<Ati Waaqayyo isa ogeessa waan of seetuuf, 7ani immoo kunoo, orma, saba isa baay'ee gara-jabeessa billaa isaa miidhagummaa kee fi ogummaa kee irratti luqqifatee, ulfina kee isa calaqqisaa xureessu si irratti nan fida*; 8isaan boolla keessa si buusu, ati garaa galaanaa keessatti du'a gadhee in duuta*; 9ati warra si ajjeesan kana duratti amma iyyuu<<Ani Waaqayyoo dha>> in jettaa ree>> Ati harka warra si ajjeesanii keessatti namuma malee, Waaqayyo miti. 10Ati harka ormaa keessatti du'a nama dhagna hin qabatinii in duuta>> jedhe; Waaqayyo gooftaan kana dubbateera.#7 30:11; 31:12; 32:12 8 26:20

11Ammas dubbiin Waaqayyoo gara koo dhufee,

12<<Yaa mucaa namaa!

Waa'ee mootii Xiirosiif wawwaadhu,

Waaqayyo gooftaan,

<<Ati fakkeenya guutummaatti,

ogummaadhaa fi miidhagummaadhaan guutteetta*.

13Ati iddoo dhaabaa Waaqayyoo

isa Eden jiru keessa turte;

dhagoonni gati-jabeeyyiin hundinuu,

Saardiiyon, Tophaaziyon, Yaasphis, Krisoliixos,

Sardoniikis, Beerilos,

Safiiros, Kaarbunkil,

Simaaragidosis si miidhagsu turan;

wanti sitti naqamee fi sitti maxxanfame

hundinuu warqee irraa hojjetame;

isaanis yommuu ati uumamte qopheeffaman*.

14Ani akka Kiruub eegduu

isa dibamaatti sin dhaabe,

ati tulluu koo isa qulqullaa'aa irra in teesse,

ati dhagaa ibiddaa gidduus in deddeebita turte*;

15ati gaafa uumamtee jalqabdee,

hamma jal'inni si irratti argamutti,

adeemsa keetti

mudaa hin qabdu turte.

16Garuu ati sababii nagadi kee

guddaa bal'ateef,

jal'inni si keessa guute,

cubbuus hojjette;

kanaaf ani tulluu Waaqayyoo irraa

akka wanta xuraa'aatti

gad si darbadhee si balleesse.

Yaa isa akka Kiruub eegdichaa!

Dhagaa ibiddaa sana gidduudhaas sin baase.

17Sababii miidhagummaa keetiif

garaan kee in koore,

sababii simboo keetiifis

ogummaa kee in balleessite;

kanaaf ani lafatti gad si darbadhee,

mootonni akka si ilaalan godhe;

18ati yakka kee isa baay'eedhaan,

nagada kee isa jal'aadhaanis,

iddoo qulqullaa'aa

isa kan keetii in xureessite;

kanaafan ibiddi si keessaa ba'ee,

akka si fixu godhe,

warra si ilaalan durattis,

akka ati daaraa taatee lafatti dabalamtu nan godhe.

19Warri si beekan hundinuu

waa'ee keef in gaddu,

ati dhuma nama sodaachisu

bira geesseetta,

deebitees hamma bara baraatti

hin argamtu>> jedha>> jedhe*.#12 27:2; 26:17 13 31:8-9; Uma 2:8 14 Isa 14:13 19 27:35-36; 32:10

Biyya Sidoon Irratti Raajiin Dubbatamuu Isaa

20Ammas dubbiin Waaqayyoo gara koo dhufee, 21<<Yaa mucaa namaa! Ati fuula kee gara Sidoonitti gara galchii ishee irratti raajii dubbadhu!

22Waaqayyo gooftaan,

<<Kunoo! Ani si irratti ka'eera,

ani si keessatti ulfina nan argadha yaa Sidoon!

Ani ishee irratti firdii raawwadhee,

qulqulluu akkan ta'e

yommuun mul'isu,

ani Waaqayyo akkan ta'e

namoonni ishee in beeku.

23Ani dha'icha ishee irratti nan erga,

karaa ishee irrattis dhiigni

akka dhangala'u nan godha,

ishee keessatti billaa isa

karaa hundumaan

isheetti dhufuun

rukutamanii in kufu;

yommus ani Waaqayyo akkan ta'e isaan in beeku*.#20-23 Isa 23:2-4; Yoe 4:4-8; Mat 11:21-22

24<< <Si'achi olloonni warri mana Israa'el jibbanii akka baalaanwaraantee waraananii dhukkubsanii fi akka qoraattii qara qabuu isaan waraanan hin jiran?; yommus ani Waaqayyo gooftaa akkan ta'e isaan in beeku>> jedhe.

25Waaqayyo gooftaan,<<Yommuu ani mana Israa'el saba warra isaan keessatti tamsa'anii turan hundumaa keessaa walitti qabee saba lafa irraa duratti akkan qulqulluu ta'e isaanitti argisiisu, isaan immoo biyya isaanii isa ani Yaaqoob garbicha koof kenne keessa in jiraatu*; 26achi keessa nagaatti in jiraatu, mana in ijaaru, wayniis in dhaabbatu; yommuun olloota isaanii warra isaan jibban hundumaa irratti firdii raawwadhu, isaan immoo nagaatti in jiraatu; yommus ani Waaqayyo gooftaa isaanii akkan ta'e isaan in beeku>> jedhe*.#25 11:17; 20:34-35,41; 34:12-13; 36:24; 37:21; Isa 11:11-12; Er 23:3 26 Isa 65:21-22

Currently Selected:

Macaafa Hisqi'el Raajichaa 28: MacQul

Highlight

Copy

Compare