Macaafa Hisqi'el Raajichaa 25
25
Biyya Amoon Irratti Raajiin Dubbatamuu Isaa
1Dubbiin Waaqayyoo gara koo dhufee, 2<<Yaa mucaa namaa! Fuula kee gara warra Amoonitti gara galchii raajii isaan irratti dubbadhu*! 3Isaaniinis <<Dubbii Waaqayyo gooftaa dhaga'aa>> jedhi! Waaqayyo gooftaan, isin yeroo iddoon koo inni qulqullaa'aan, biyyi Israa'elis diigamee, manni Yihudaas yeroo booji'ame,<<Baga?! waan jettaniif*, 4ani immoo kunoo, saba warra ba'a-biiftuutiif dhaala godhee dabarsee isin nan kenna, isaanis buufata isaanii isin gidduu in godhatu, godoo isaaniis isin gidduu in dhaabbatu, ija midhaan keessaniis in nyaatu, aannan keessan in dhugu*. 5Ani mandara Raabaa iddoo gaalonni dheedan, biyya Amoonis iddoo horiin qe'ee boqotan nan godha; yommus ani Waaqayyo akkan ta'e isin in beektu>> jedhe. 6Waaqayyo gooftaan,<<Sababii isin garaa keessan keessatti badiisa biyya Israa'elitti gammaddanii harka rurrukuttanii, miillaan lafa dhidhiittaniif, 7ani immoo kunoo, harka koo isin irratti ol nan fudhadha, sabni lafa irraa akka isin saamuuf isatti dabarsee isin nan kenna; ani saba keessaa isin nan mura, biyya keessaas haxxaa'ee isin nan balleessa; yommus ani Waaqayyo akkan ta'e isin in beektu>> jedhe*.#2 Er 49:1-6; Amo 1:13-15; Sef 2:8-11 3 36:1-3; faaru 2:15-16 4 Abo 6:3 7 26:5
Biyya Mo'aab Irratti Raajiin Dubbatamuu Isaa
8Waaqayyo gooftaan,<<Mo'aabii fi Se'iir kunoo!<<Manni Yihudaa akka saba warra kaanii hundumaa ti>> jedhaniiru*; 9kanaaf ani immoo kunoo! Gatiittii Mo'aab mandaroota isaa warra gara daarii jiran, Bet-Yeshiimoot, Ba'aal-Me'on, Kiriiyat-Aayim warra ulfina biyya sanaa ta'anii jalqabee nan kuta. 10Seenaan warra Amoon saba lafa irraa gidduutti akka hin yaadatamnetti ani warra Mo'aab warra Amoonii wajjin saba warra ba'a-biiftuutiif dhaala godhee nan kenna; 11ani warra Mo'aab irratti firdii nan raawwadha; yommus ani Waaqayyo akkan ta'e isaan in beeku>> jedhe*.#8 25:3; 2Mot 18:35 11 Isa 15:1?16:14
Biyya Edoom Irratti Raajiin Dubbatamuu Isaa
12Waaqayyo gooftaan,<<Edoom, mana Yihudaa irratti ijaa waan baafateef, kanaanis yakka waan hojjeteef, 13ani Waaqayyo gooftaan immoo,<<Warra Edoom irratti harka koo ol nan fudhadha, namoota isaanii fi horii isaanii muree nan fixa; Temaanii hamma Dedaanitti isaan nan onsa, billaadhaanis in dhumu. 14Ani harka saba koo Israa'eliin Edoom irratti ijaa nan baafadha, Israa'elis hammuma ani isaanitti dheekkamee fi isaanitti aare isaan irratti in raawwata?; yommus isaan ijaa baafachuu koo in beeku>> jedha; kana Waaqayyo gooftaatu dubbate*.#12-14 Isa 34:5-17; Er 49:7-22; Amo 1:11-12; Far 137:7
Biyya Filiisxiyaa Irratti Raajiin Dubbatamuu Isaa
15Waaqayyo gooftaan,<<Warri Filiisxiyaa hammeenya garaa isaaniitii fi jibba duriitiif jedhanii warra Yihudaa irratti ijaa baafatanii isaan balleessuu waan yaadaniif, 16ani Waaqayyo gooftaan immoo <<Kunoo! Harka koo warra Filiisxiyaa irratti ol fudhadhee warra Qareexiisii fi warra daarii galaanaatti hafan nan balleessa. 17Ani isaan irratti guddisee ijaa nan baafadha, aariidhaanis isaan nan adaba?; yommuu ani ijaa isaan irratti ba'u, ani Waaqayyo akkan ta'e isaan in beeku>> jedhe*.#15-17 Isa 14:28-32; Er 47:1-7; Amo 1:6-8
Currently Selected:
Macaafa Hisqi'el Raajichaa 25: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
