Macaafa Hisqi'el Raajichaa 22

Waa'ee Cubbuu Yerusaalem Dubbachuu Isaa

1Ammas dubbiin Waaqayyoo gara koo dhufee, 2<<Yaa mucaa namaa! Ati isheetti in faraddaa ree>> Mandarattii dhiiga dhangalaaftu kanatti in faraddaa ree>> Wanta ciiggaasisaa isheen hojjette hundumaa akka isheen beektu godhi!>> jedhe*. 3Isheettis dubbadhu,<<Waaqayyo gooftaan <<Yaa mandara dhiigni akka ishee keessatti dhangala'u gootuu, akkasumas waaqayyolii tolfamoo dhaabbachuudhaan of xureessituu! Yeroon kee ga'eera. 4Ati dhiiga dhangalaasuu keetiin yakkiteetta, waaqayyolii tolfamoo dhaabbachuu keetiinis xuroofteetta; guyyaan kee gabaabbateera, dhumni bara jireenya keetiis ga'eera; kanaafan saba lafa irraa duratti ga'oodhaaf biyya hundumaattis tuffiidhaaf akka taatu si godhe>> jedha*; 5warri sitti dhi'oo jiran, warri sittii fagoo jiranis <<Yaa mandara maqaan badee, waccis keessa guutee>> jedhanii sitti in ga'isu.#2 20:4; 24:6; 2Mot 21:16; Sef 3:1 4 5:15; 36:18; Bau 20:13

6<<Kunoo! Gurguddoonni Israa'el si keessatti humna isaaniitiin dhiiga dhangalaasuudhaaf ka'aniiru. 7Si keessatti abbaadhaa fi haadha tuffataniiru, nama galaa cunqursaniiru, haadha hiyyeessaa fi ijoollee abbaan irra hin jirre gad qabaniiru*. 8Ati mi'a koo isa qulqullaa'aa in tuffatte, Sanbata koos in xureessite*. 9Namoonni nama hamatanii dhiiga dhangalaasan, warri tulluu irratti qalma aarsaa nyaatan, warri hojii hamaa hojjetanis si keessa jiru*. 10Warri qullaa abbaa isaanii mul'isan, warri dubartii garaa-dhukkubbiidhaan xuroofte yeellaasisanis si keessa jiru*. 11Inni tokko haadha manaa namaa wajjin wanta ciiggaasisaa in hojjeta, inni tokko haadha manaa ilma isaatti ejjee ishee in xureessa, inni kaan immoo si keessatti obboleettii isaa, intala abbaa isaatii in yeellaasisa*. 12Si keessatti namoonni dhiiga dhangalaasuudhaaf gatii in fudhatu; ati hiiqiidhaaf bu'aa gar-malee in fudhatta, doorsisaanis nama irraa bu'aa in argatta; anas irraanfatteetta>> jedha Waaqayyo gooftaan*.#7 Bau 20:12; 22:21-22 8 20:13; 22:26; 23:38-39; 44:24; Lew 19:30 9 Lew 19:16; 6:13 10 Lew 18:8,19 11 Lew 18:11,15,20 12 Bau 23:7-8

13Kanaafis kunoo!<<Ani bu'aa ati argattee fi dhiiga si keessatti dhangala'eef jedhee harka koo nan rukutadha. 14Guyyaan si gaafadhutti laphee in jabaattaa ree>> Yookiis humni kee jabaachuu in danda'aa ree>> Ani Waaqayyo kana dubbadheera, nan godhas. 15Ani saba lafa irraa keessa sin bittimsa; biyya baay'ee keessas sin facaasa; xuraa'ummaa kee hundumaas si keessaa nan balleessa. 16Ati saba lafa irraa duratti yommuu of xureessitu, ani Waaqayyo akkan ta'e in beekta>> jedhe.

17Ergasiis dubbiin Waaqayyoo gara koo dhufee, 18<<Yaa mucaa namaa! Manni Israa'el udaan sibiilaa na duraa ta'eera; hundumti isaanii sibiila diimaa, qorqorroo, sibiilaa fi dilalii iddoo ibiddaa isa sibiila itti baqsan keessatti hafanii dha; isaan udaan meetii ti>> jedhe*. 19Kanaafis Waaqayyo gooftaan,<<Sababii isin hundumti keessan udaan sibiilaa taataniif, kunoo, ani Yerusaalem keessatti walitti isin nan qaba. 20Akkuma namoonni meetii, sibiila diimaa, sibiila, dilalii, qorqorroos baqsuudhaaf iddoo ibiddaa isa itti sibiila baqsan keessatti walitti qabanii itti buufan, akkasuma anis aarii koo fi dheekkamsa kootiin achitti walitti qabee, isin nan baqsa. 21Ani walitti isin qabee, ibidda dheekkamsa kootii isinitti nan buufa; isinis achi keessatti in baqxu. 22Meetiin iddoo ibiddaa isa itti sibiila baqsan keessatti akka baqfamu, akkasuma isinis ishee keessatti in baqfamtu; yommus ani Waaqayyo dheekkamsa koo akkan isin irratti dhangalaase in beektu>> jedhe.#18 Isa 1:22; Er 6:29-30

23Dubbiin Waaqayyoo ammas gara koo dhufee, 24<<Yaa mucaa namaa! Isheetti dubbadhu! Isheedhaanis,<<Ati biyya qulleeffamaa jirtu miti, guyyaa dheekkamsaatti bokkaan si irratti hin roobu?*. 25Raajonni ishee akka leenca waa qabatee yommuu kukkutatu gururi'uu ti; isaan ishee keessatti namoota in fixan, qabeenya wanta gati-jabeessas in fudhatan; ishee keessattis haadha hiyyeessaa in baay'isan*. 26Luboonni ishee seera koo cabsanii, mi'a koo isa qulqullaa'aa xureessaniiru; isaan wanta qullaa'aa ta'ee fi wanta qullaa'aa hin ta'in gargar hin baasan; isaan wanta qullaa'aa ta'ee fi wanta qullaa'aa hin ta'in gidduu garaagarummaan akka jiru hin barsiifne; Sanbata koo eeguu dhiisanii irraa gara galaniiru, kanaanis ani isaan gidduutti akkan tuffatamu godhaniiru*. 27Gurguddoonni ishee ishee keessatti akka yeeyyii waa qabatee kukkutatuu ti; isaan bu'aa jal'inaa argachuudhaaf dhiiga in dhangalaasu namas in ajjeesu. 28Raajonni ishee mul'ata sobaa isaaniif arguudhaan hooda sobaas isaaniif himuudhaan, hojii isaanii cululuqfachuudhaaf utuma Waaqayyo hin dubbatin,<<Waaqayyo gooftaan akkas jedheera>> in jedhu*. 29Namoonni biyyichaa nama doorsisanii in saamu, warra deegaa fi warra rakkatoo in cunqursu, nama galaas doorsisanii gad in qabu. 30Biyyicha akkan hin balleessineef, isaan keessaa nama dallaa ijaaree, qooda biyya sanaa ta'ee ana dura dhaabatu barbaadeen ture, garuu nama tokko illee hin arganne*. 31Ani kanaafan dheekkamsa koo isaan irratti dhangalaasee, ibidda dheekkamsa kootiinis isaan fixe; hojii isaaniis mataa isaaniitti nan deebise>> jedhe; Waaqayyo gooftaan kana dubbateera*.#24 Kes 11:16-17; Er 14:2-4 25 34:3,8 26 44:23-24; Lew 10:10 28 13:3,6,10 30 13:5; Far 106:23 31 7:3-4

Currently Selected:

Macaafa Hisqi'el Raajichaa 22: MacQul

Highlight

Copy

Compare