Macaafa Hisqi'el Raajichaa 18

Namni Cubbuu Ofii Isaatii Hojjeteef Akka Du'u Dubbachuu Isaa

1Ammas dubbiin Waaqayyoo gara koo dhufee, 2<<Inni isin waa'ee biyya Israa'eliif,<<Abboonni ija waynii isa dhangaggaa'aa nyaannaan ilkaan ijoollotaa hadoode jettanii mammaaktan kun maali?>> jedhe*. 3Waaqayyo gooftaan dubbatee,<<Ani jiraataa dha! Isin si'achi biyya Israa'el keessatti kana hin mammaaktan; 4kunoo, lubbuun hundinuu kan koo ti, lubbuun abbaa akkuma kan koo ta'e, lubbuun ilmaas kan koo ti; lubbuun isa cubbuu hojjetuu haa du'u!>> jedheera.#2 Er 31:29-30; Kes 24:16

5<<Namni qajeelaan, wanta dhugaa fi wanta qajeelaa hojjetu garuu, 6gara waaqayyolii tolfamoo warra kan Israa'el hin ilaalu, tulluu irrattis qalma aarsaa hin nyaatu, haadha manaa namaa hin xureessu; dubartii garaa dhukkubbii qabdu biras hin ga'u*, 7inni nama tokko hin cunqursu; wanta gatiidhaaf jedhee qabsiisa fudhatu in galcha; nama beela'eef nyaata kennee, nama daare daara baasa malee, nama hin saamu*; 8inni horii isaa hiiqii hin kennatu, gar-malees dhala hin fudhatu; harki isaa cubbuu akka hin hojjenneef in eeggata; namaa fi nama gidduuttis firdii dhugaa fi qajeelaa in kenna*. 9Inni akka seerrata kootti in jiraata, wanta ana duratti qajeelaa ta'es amanamummaadhaan in eega; inni nama qajeelaa waan ta'eef in jiraata>> jedha Waaqayyo gooftaan*.#6 Lew 18:19-20; His 22:9; Isa 57:7 7 Bau 22:25-26; Kes 24:10-13; Isa 58:7 8 Bau 23:6-8; Far 15:5 9 Lew 18:5

10Namichi sun garuu ilma humnaan nama irratti ka'ee dhiiga namaa dhangalaasu, balleessaa kana fakkaatus obboleessa isaa irratti hojjetu in dhalcha ta'a; 11namichi kun kana keessaa tokko iyyuu hin goone, ilmi isaa garuu, tulloota irratti qalma aarsaa in nyaata, haadha manaa namaa in xureessa; 12isa deegaadhaa fi dhabaa in cunqursa, nama in saama, wanta gatiidhaaf jedhee qabsiisa fudhatu hin galchu, gara waaqayyolii tolfamoo in ilaala; wanta ciiggaasisaa in hojjeta; 13inni horii isaa hiiqii in kennata, gar-malees dhala in fudhata; egaa namni akkasii in jiraataa ree>> Inni wanta ciiggaasisaa kana hundumaa waan hojjeteef haa du'u malee hin jiraatin! Dhiigni isaas mataadhuma isaa irraa haa barbaadamu! 14Amma immoo namichi kun ilma in dhalcha, ilmi isaas cubbuu abbaan isaa hojjechaa ture utuma arguu akka isaa hojjechuu in dhiisa ta'a; 15inni tulluu irratti qalma aarsaa hin nyaatu, gara waaqayyolii tolfamoo warra kan Israa'el hin ilaalu; haadha manaa namaa hin xureessu. 16Inni nama tokko illee hin cunqursu, horii liqeessuudhaaf qabsiisa hin gaafatu, nama beela'eef nyaata kennee, nama daare daara baasa malee, nama hin saamu; 17inni harka isaa deegaa irraa in sassaabbata, hiiqiidhaaf dhala gar-malees hin fudhatu; inni wanta ana duratti qajeelaa ta'e in eega, akka seerrata koottis in jiraata; namni akkasii kun in jiraata malee, sababii yakka abbaa isaatiif hin du'u*. 18Abbaan isaa garuu sababii doorsisaan waa nama irraa fudhateef, obboleessa isaa waan saameef, saba isaa gidduuttis wanta hamaa waan hojjeteef, ilaa inni yakka isaatiin haa du'u!#17 Kes 24:16

19Isin garuu<<Ilmi maaliif yakka abbaa hin baatu?>> jettanii in gaafattu; ilmi wanta dhugaa fi qajeelaa erga hojjetee seerrata koo hundumaas erga eegee, inni dhugumaan in jiraata. 20Lubbuun isa cubbuu hojjetuu haa du'u! Ilmi yakka abbaa hin baatin! Abbaanis yakka ilmaa hin baatin! Qajeelinni nama qajeelaa isumaaf haa lakkaa'amu! Jal'inni nama jal'aas isuma irraa haa barbaadamu*!#20 Kes 24:16; 2Mot 14:6

21Garuu namni jal'aan cubbuu hojjete hundumaa irraa deebi'ee seerrata koo hundumaa yoo eege, wanta dhugaa fi qajeelaa yoo hojjete, inni dhugumaan in jiraata malee, hin du'u. 22Inni qajeelina hojjete sanaan jiraata malee, irra-daddarbaa inni hojjete sana hundumaa keessaa tokko illee hin yaadatamu. 23Namni jal'aan karaa isaa irraa deebi'ee akka jiraatu malee, ani dhugumaan du'a isaatti nan gammadaa ree>> jedha Waaqayyo gooftaan*.#21-23 33:10-11; Isa 55:6-7; 1Xim 2:4

24Namni qajeelaan immoo qajeelina isaa irraa deebi'ee wanta qajeelaa hin ta'in yoo hojjete, wanta ciiggaasisaa isa namni jal'aan hojjetes yoo godhe, in jiraataa ree>> Inni amanamummaa dhabee waan yakkeef, cubbuu hojjete sanaan du'a malee, qajeelina inni hojjete sana keessaa tokko illee hin yaadatamuuf*.#24 33:12; Er 18:7-10

25Isin garuu,<<Karaan Waaqayyoo qajeelaa miti>> in jettu; dhaga'aa yaa mana Israa'el! Karaan koo qajeelaa mitii ree>> Karaa isa kan keessaniitu jal'aa dha mitii ree>> 26Namni qajeelaan qajeelummaa isaa irraa deebi'ee jal'ina yoo hojjete, isa hojjete sanaaf inni du'uun irra jira; jal'ina hojjete sanaaf in du'a. 27Namni jal'aan immoo jal'ina hojjete sana irraa deebi'ee, wanta dhugaa fi qajeelaa yoo hojjete, jireenya isaa in oolfata. 28Inni irra-daddarbaa isaa hundumaa hubatee waan irraa deebi'eef inni dhugumaan in jiraata malee, hin du'u. 29Manni Israa'el garuu,<<Karaan Waaqayyoo qajeelaa miti>> jedhu; yaa mana Israa'el! Karaan koo qajeelaa mitii ree>> Karaa isa kan keessaniitu jal'aa dha mitii ree?#25-29 33:13-16

30Kanaafis,<<Yaa mana Israa'el! Ani akka hojii keessaniitti tokkon tokkon keessanitti nan farada, yakki keessan akka isin hin kuffifnetti yaada garaa keessanii geddaradhaa, irra-daddarbaa keessan hundumaa irraas deebi'aa!>> jedha Waaqayyo gooftaan. 31<<Maaliif duutu yaa mana Israa'el! Irra-daddarbaa ittiin yakkitan hundumaa of irraa gataa, garaa haaraa fi hafuura haaraa godhadhaa! 32Ani du'a namaatti hin gammadu, kanaaf yaada garaa keessanii geddaradhaatii jiraadhaa!>> jedha Waaqayyo gooftaan*.#30-32 33:17-20; 36:26

Currently Selected:

Macaafa Hisqi'el Raajichaa 18: MacQul

Highlight

Copy

Compare