Macaafa Hisqi'el Raajichaa 14

Warra Waaqayyolii Tolfamoo Waaqeffatan Irratti Firdiin Akka Dhufu Himuu Isaa

1Jaarsolii Israa'el keessaa jarri tokko na bira dhufanii fuula koo dura taa'an*. 2Yommus dubbiin Waaqayyoo gara koo dhufee, 3<<Yaa mucaa namaa! Jarri kun waaqayyolii tolfamoo isaanii garaa isaanii keessa kaa'ataniiru, yakka isaanii isa isaanitti gufuu ta'es of dura dhaabbataniiru; egaa akka isaan ana waa gaafatan nan godhaa ree*>> 4Kanaafis ati isaanitti dubbadhuu,<<Waaqayyo gooftaan, mana Israa'el keessaa namni tokko waaqayyolii tolfamoo garaa isaa keessa kaa'atee, yakka isaa isa gufuu isatti ta'es of dura dhaabatee, waa gaafachuudhaaf gara raajii yoo dhufe, ani Waaqayyo ofii kootii akka baay'ina waaqayyolii isaatti deebii nan kennaaf>> 5isaan hundinuu waaqayyolii tolfamoo isaaniif jedhanii ana dhiisaniiru, ani immoo garaa mana Israa'el deebisee nan qabadha>> jedhe.#1 8:1; 20:1 3 7:20

6Ammas mana Israa'eliin,<<Waaqayyo gooftaan,<<Yaada garaa keessanii geddaradhaa! Waaqayyolii tolfamoo keessan irraa deebi'aa! Hojii keessan isa ciiggaasisaa hundumaa irraas fuula keessan deebisaa!

7<< <Nama mana Israa'el keessaa yookiis galaa Israa'el gidduu jiraatu keessaa waaqayyolii tolfamoo garaa isaa keessa kaa'achuudhaan, yakka isaa isa gufuu isatti ta'us of dura dhaabbachuudhaan anattii gargar of baasu hundumaa, waa'ee koo gaafachuudhaaf gara raajii yoo dhufe, ani Waaqayyo ofii kootii deebii nan kennaaf; 8ani fuula koo nama sanattii nan deebifadha, nama mammaaksaa isa nan godha, saba koo gidduudhaas muree isa nan balleessa; yommus ani Waaqayyo akkan ta'e isin in beektu.

9<< <Raajichis gowwoomfamee raajii yoo dubbate, raajii sana ana Waaqayyotu gowwoomse; ani harka koo isa irratti ol fudhadhee, saba koo Israa'el gidduudhaa isa nan balleessa*. 10Raajichi, inni raajicha waa gaafatus wal qixxee waan yakkaniif, isaan lachuu yakka isaanii in baatu; 11egaa namoonni Israa'el si'achi ana irraa jal'atanii, irra-daddarbaa isaanii hundumaan of hin xureessan; isaan saba koo in ta'u, anis Waaqayyo isaanii nan ta'a>> jedha>> jedhi! Waaqayyo gooftaan kana dubbateera*.#9 13:9 11 11:20

Firdicha Jalaa Ba'uun Akka Hin Danda'amne Himuu Isaa

12Dubbiin Waaqayyoo gara koo dhufee, 13<<Yaa mucaa namaa! Biyyi amanamuu dhabee ana duratti yommuu cubbuu hojjetu, ani immoo harka koo isa irratti ol fudhadhee midhaan irraa kutee beela itti nan erga, nama isaa horii isaas ciree nan balleessa; 14<<Nohii fi Daani'el, Iyoobis jarri kun sadan biyyicha keessa utuu jiraatanii illee, isaan kun qajeelummaa isaaniitiin ofiidhuma isaanii duwwaa oolfachuu danda'uu turan>> jedha Waaqayyo gooftaan*.#14 Uma 6:9; Iyo 1:1; Er 15:1

15<<Ani immoo, namni tokko illee sababii bineensotaatiif biyyicha keessa akka hin darbinetti bineensota hamoota yoon keessa gad dhiise, isaanis biyyicha ijoollee malee hambisanii yoo onsan, 16ani jiraataa dha! Jarri kun sadan biyyicha keessa utuu jiraatanii iyyuu, isaanuma duwwaatu oola malee, ilmaan isaanii fi intaloota isaanii oolchu hin danda'an turan; biyyichis in ona>> jedha Waaqayyo gooftaan. 17<<Ani biyya sanatti billaa fidee,<<Billichi biyya keessa haa adeemu!>> yoon jedhe, ani billaa sanaan namaa fi horii isa keessaa ciree nan balleessa. 18Ani jiraataa dha! Jarri kun sadan biyyicha keessa utuu jiraatanii iyyuu, isaanuma duwwaatu oola malee, ilmaan isaanii yookiis intaloota isaanii oolchu hin danda'an turan>> jedha Waaqayyo gooftaan. 19<<Ani biyya sanatti dha'icha yoon erge, dheekkamsa koos isa irratti fidee dhiiga nama isaa fi horii isaa dhangalaasee ciree yoon isa balleesse, 20ani jiraataa dha! Nohii fi Daani'el Iyoobis biyyicha keessa yoo jiraatan iyyuu isaan qajeelummaa isaaniitiin ofuma isaanii duwwaadhaa oolu malee, ilmaan isaanii yookiis intaloota isaanii oolchuu hin danda'an turan>> jedha Waaqayyo gooftaan.

21Waaqayyo gooftaan,<<Namaa fi horii keessaa ciree balleessuudhaaf firdiin koo inni hamaan arfan, billaa fi beelli, bineensi hamaa fi dha'ichi, inni ani Yerusaalem irratti fidu immoo, hammam caalaa haa hammaatu ree*>> 22Kanuma keessaa immoo kunoo, ilmaanii fi intaloonni achi keessaa hofkalanii baafaman in argamu; isaan gara keessan dhufanii, isinis akka isaan itti jiraattaniif hojiin isaanii hamaa ta'uu isaa yommuu argitan, wanta hamaa ani Yerusaalem irratti fide hundumaa irraa in jajjabaattu. 23Akka isaan itti jiraataniif hojii isaanii yommuu argitan in jajjabaattu; isinis wanta ani achi keessatti hojjedhe hundumaa akkasumaan akka ani hin hojjetin in beektu>> jedhe; Waaqayyo gooftaan kana dubbateera*.#21 5:16-17; Lew 26:16-25; Er 15:3; Mul 6:8 22-23 12:16

Currently Selected:

Macaafa Hisqi'el Raajichaa 14: MacQul

Highlight

Copy

Compare