Macaafa Hisqi'el Raajichaa 12

Waa'ee Booji'amuu Fakkeenyaan Argisiisuu Isaa

1Dubbiin Waaqayyoo gara koo dhufee, 2<<Yaa mucaa namaa! Ati warra didanii ka'an gidduu in jiraatta; isaan warra didanii ka'an waan ta'aniif, ija ittiin argan utuma qabanii hin argan, gurra ittiin dhaga'an utuma qabanii hin dhaga'an*. 3Kanaafis yaa mucaa namaa! Mi'a fudhattee baattu qopheeffadhuutii, utuma isaan si ilaalanii guyyaadhaan akka nama booji'amee adeemuutti iddoo keetii ka'iitii iddoo kan biraa dhaqi! Tarii isaan warra didanii ka'an ta'uu isaanii kanaan in argu ta'a. 4Utuma isaan si ilaalanii guyyaadhaan mi'a fudhattee baattu gad baasi, ofii keetiis utuma isaan si ilaalanii akka nama booji'amee adeemuutti, galgalaan ba'ii adeemi! 5Utuma isaan ilaalaniis keenyan kellichaa uriitii, mi'a kee achiin gad baasi! 6Ani akka ati mana Israa'eliif milikkita taatu godheera, mi'icha utuma isaan si ilaalanii gatiittii kee irratti baadhuutii, akka lafa hin arginettis haguuggadhuutii dimimmisa keessa adeemi!>> jedhe*.#2 2:3-4; Er 5:21; Isa 6:9-10 6 24:24,27

7Anis akkuman ajajame nan godhe; mi'a isan fudhadhee ba'u guyyaadhaan gad nan baase; galgala immoo utuma isaan ilaalanii harka kootiin keenyan kellichaa uree mi'a koos gatiittii koo irratti baadhee dimimmisa keessa ba'ee nan adeeme.

8Ganamas dubbiin Waaqayyoo gara koo dhufee, 9<<Yaa mucaa namaa! Manni Israa'el inni didee ka'e sun,<<Ati maal gochaa jirta?>> jedhee si hin gaafannee ree?>> naan jedhe. 10Ati isaaniin,<<Waaqayyo gooftaan,<<Ba'aan kun guddaa biyyaa isa Yerusaalem keessa jiruu fi mana Israa'el warra achi keessa jiraatan hundumaa irra jira?. 11Isaaniinis,<<Ani isiniif milikkita>> jedhiin; wanti ani hojjedhe isaan irratti in hojjetama, isaan biyya keessaa baafamanii booji'amanii in adeemu. 12Guddaan biyyaa inni isaan keessa jiraatus mi'a isaa gatiittii isaa irratti baatee dimimmisaan akka iji isaa lafa hin arginettis haguuggatee, akka inni keessa ba'uuf immoo keenyan kellichaa uraniifii isa keessa ba'ee in adeema*. 13Anis kiyyoo koo isa irratti nan diriirsa, futtaasaa kootiinis in qabama; ani Baabilon biyya warra Kaldootaatti isa nan geessa; inni immoo utuma isa hin argin achitti in du'a*. 14Warra jireenya isaa eeguudhaaf naannoo isaa jiranii fi loltuu isaa hundumaa gara golee qilleensaa hundumaatti nan bittimsa; isaan duubaanis billaa nan luqqifadha. 15Yommuu ani saba lafa irraa gidduu isaan tamsaasee, biyya garaa garaa keessas isaan bittimsu, ani Waaqayyo akkan ta'e isaan in beeku. 16Garuu lafa dhaqan sanatti wanta ciiggaasisaa hojjetan hundumaa saba lafa irraa gidduutti akka himaniif, isaan keessaa namoota muraasa billaa jalaa, beela jalaa, dha'icha jalaas nan baasa; yommus ani Waaqayyo akkan ta'e isaan in beeku>> jedhi*!#12 2Mot 25:4 13 17:20; Er 39:7 16 14:22-23

17Dubbiin Waaqayyoo gara koo dhufee, 18<<Yaa mucaa namaa! Ati raafamaa buddeena kee nyaadhu! Hollachaa, yaadda'aas bishaan kee dhugi! 19Waa'ee warra biyyaa immoo,<<Waaqayyo gooftaan, warri mandara Yerusaalem, amma iyyuu biyya Israa'el keessa kan jiraatan, humnaan wal irratti ka'uu warra achi keessa jiraatan hundumaa fi lafti isaanii wanti isa irra jirus saamamee waan onuuf, isaan yaaddoodhaan buddeena isaanii in nyaatu, naasuudhaanis bishaan isaanii in dhugu*. 20Mandaroonni namoonni keessa jiraatan in diigamu; biyyichis in ona; yommus ani Waaqayyo akkan ta'e in beektu>> jedhi!>> jedhe.#19 4:16; 7:10-11

21Dubbiin Waaqayyoo gara koo dhufee, 22<<Yaa mucaa namaa! Fakkeenyi inni waa'ee biyya Israa'eliif,<<Yeroon achi in dheerate, mul'annis tokko illee hin raawwatamu>> jedhan kun maali*>> 23Egaa ati isaaniin,<<Waaqayyo gooftaan, ani mammaaksi kun akka hafu nan godha, Israa'el keessattis deebi'anii isa hin mammaakan! Yerichi, dubbiin mul'atichaa hundinuus raawwatamuun dhi'aateera>> jedhii isaanitti himi! 24Egaa si'achi mana Israa'el keessa mul'anni sobaa fi itti kuulanii hooda dubbachuun hin jiru*. 25Ani Waaqayyo waanan ta'eef, nan dubbadha, wanti ani dubbadhus dafee in raawwatama; isin yaa mana warra didanii ka'anii! Ani bara keessan keessa nan dubbadha, innis in raawwatama>> jedhe; Waaqayyo gooftaan kana dubbateera.#22 2Phe 3:4; Anb 2:3 24 13:1-16

26Ammas dubbiin Waaqayyoo gara koo dhufee, 27<<Yaa mucaa namaa! Kunoo manni Israa'el<<Mul'anni inni argu kan yeroo dheeraa booddee ti, raajiin inni dubbatus kan bara fagoo ti>> in jedhu. 28Kanaafis akkuma Waaqayyo gooftaan jedhe, ati isaaniin,<<Wanti ani dubbadhu in raawwatama malee, si'achi lafa irra hin harkifamu>> jedhee dubbateera Waaqayyo gooftaan>> jedhi!

Currently Selected:

Macaafa Hisqi'el Raajichaa 12: MacQul

Highlight

Copy

Compare