Macaafa Lallabaa 3

Wanti Hundinuu Yeroo Qabaachuu Isaa

1Wanti hundinuu yeroo qaba,

wanti bantii waaqaa jala jiru

hundinuu yeroo qaba*;

2dhalachuun yeroo qaba,

du'uunis yeroo qaba;

dhaabuun yeroo qaba,

isa dhaabame buqqisuunis yeroo qaba*.

3Ajjeesuun yeroo qaba,

fayyisuunis yeroo qaba;

diiguun yeroo qaba,

ijaaruunis yeroo qaba.#1 3:17; 8:5-6; 9:11-12 2 7:17; Iyo 5:26

4Boo'uun yeroo qaba,

kolfuunis yeroo qaba;

gadduun yeroo qaba,

sirbuunis yeroo qaba;

5dhagaa bittimsuun yeroo qaba,

dhagaa walitti qabuunis yeroo qaba;

ammachuun yeroo qaba,

ammachuu dhiisuunis yeroo qaba;

6barbaaduun yeroo qaba,

barbaaduu dhiisuunis yeroo qaba;

kaa'uun yeroo qaba,

gatuunis yeroo qaba;

7baqaqsuun yeroo qaba,

hodhuunis yeroo qaba;

calluma jechuun yeroo qaba,

dubbachuunis yeroo qaba*;

8jaallachuun yeroo qaba,

jibbuunis yeroo qaba;

loluun yeroo qaba,

nagaa buusuunis yeroo qaba*.#7 Fak 15:23 8 9:1

9Namni wanta itti dadhabee hojjetu irraa bu'aa maalii argata*>> 10Ilmaan namootaa akka itti dhama'aniif dadhabbii Waaqayyo isaan irra kaa'e argeera*; 11Waaqayyo wanta hundumaa yeroo isaatti miidhagsee uumeera, hawwii wanta bara dheeraa booddee ta'u beekuus yaada ilmaan namootaa keessa kaa'eera; haa ta'u iyyuu malee, namni wanta Waaqayyo jalqabaa jalqabee hamma dhumaatti hojjete, beekuu hin danda'u*. 12Namni bara jireenya isaatti wanta gaarii hojjetee itti gammaduu irra kan caalu wanta tokko illee gochuu akka hin dandeenye nan beeka; 13namni hundinuu nyaatee, dhugee, wanta itti dadhabettis gammaduun kennaa Waaqayyoo ti*; 14wanti Waaqayyo hojjetu hundinuu bara baraan akka jiraatu ani beeka; wanti isatti dabalamu yookiis isa irraa fuudhamu tokko illee hin jiru; Waaqayyo namni akka isa sodaatuuf wanta akkasii kana hojjete*.#9 1:3 10 1:13 11 7:14; 8:17 12-13 2:24-25 14 6:10

15Wanti amma jiru isuma

dur turee dha,

wanti si'achi ta'us isuma dur ta'e turee dha;

Waaqayyo isuma darbe deebisee in fida*.#15 1:9

Jal'ina Biyya Lafaa Irra Jiru Arguu Isaa

16Ammas ani aduu jalatti,

qooda firdii qajeelaa, jal'ina,

qooda qajeelinaas micciiramummaa nan arge;

17ani,<<Waaqayyo warra qajeelota,

warra jal'ootas gara firdiitti in fida;

wanti hundinuu, hojiin hundinuus

yeroo qaba>> jedhee, garaa koo keessatti nan yaade*.#17 3:1

18Ilmaan namootaa immoo,<<Ofii isaaniitii akka bineensotaa akka ta'an haa arganiif Waaqayyo isaan qora>> jedhee, garaa kootti nan yaade. 19Wanti namatti dhufuu fi wanti bineensatti dhufu tokkichuma; akkuma inni tokko du'u inni kaanis in du'a; hundumti isaanii hafuuruma tokko qabu; namni bineensa irra hin caalu; wanti hundinuu waa'ee hin baasu*.#19 Far 49:12,20

20Hundumti isaanii gara iddoo tokkoo in dhaqu; hundumti isaanii biyyoo irraa dhufan, gara biyyoottis in deebi'u*; 21hafuurri namaa gara olii akka dhaqu, hafuurri bineensaas lafa keessa akka gad dhaqu eenyutu beeka?#20 12:7; Uma 2:7; 3:19; Iyo 34:14-15; Far 103:14; 104:29; 146:4

22Namni wanta itti dadhabetti gammaduun ga'aa isaa waan ta'eef, wanti kana irra caalu akka hin jirre argeera; wanta isa booddeedhaan ta'uuf jiru akka arguuf eenyutu deebisee isa fiduu danda'a ree*?#22 2:24-25

Currently Selected:

Macaafa Lallabaa 3: MacQul

Highlight

Copy

Compare